Në bazë të nenit 13 dhe 16 të ligjit nr. 7491, datë 29.4.1991 "Për dispozitat kryesore kushtetuese", me propozimin e Këshillit të Ministrave,

1. Ky ligj vendos tatimin mbi vlerën e shtuar.

2. Tatimi mbi vlerën e shtuar (TVSH) paguhet:

a. për të gjitha furnizimet e tatueshme të mallrave dhe shërbimeve të kryera kundrejt pagesës prej një personi të tatueshëm, si pjesë e veprimtarisë së tij ekonomike në territorin e Republikës së Shqipërisë

b. për të gjitha importet e mallrave në territorin e Republikës së Shqipërisë.

1.Personi juridik a fizik, individ ose çdo person tjetër është person i tatueshëm nëse:

a. detyrohet të jetë i regjistruar në bazë të këtij ligji, apo;

b. është i regjistruar dhe ende nuk është çregjistruar.

2. Për qëllimet e paragrafit 1 termi "person" përfshin edhe institucionet ose organizmat shtetërorë publikë kombëtarë, rajonalë a lokalë që kryejnë veprimtari ekonomike.

1. Personi që nuk eshtë i regjistruar detyrohet të kërkojë të regjistrohet:

a. brenda 15 ditëve nga data e fillimit të veprimtarisë së tij ekonomike, kur qarkullimi i tij që kryhet apo do të kryhet është më i madh se kufiri minimal i regjistrimit, i parashikuar në pikën 4 të këtij neni;

b. brenda 15 ditëve pas përfundimit të vitit kalendarik, në qoftë se gjatë këtij viti qarkullimi rritet mbi kufirin minimal të regjistrimit, të parashikuar në pikën 4 të këtij neni.

l/l. Personi i tatueshëm, shitës mallrash me shumicë, detyrohet të kërkojë të regjistrohet edhe në rastet kur qarkullimi i tij vjetor nuk e kalon kufirin minimal të regjistrimit, i parashikuar në pikën 4 të këtij neni.

2. Qarkullimi që merret parasysh përfshin të gjitha veprimtaritë ekonomike të kryera nga i njëjti person dhe llogaritet në bazë të çmimit gjithsej që duhet të paguajë blerësi.

3. Në qoftë se personi fillon ose ndërpret veprimtaritë e tij ekonomike gjatë një viti kalendarik, qarkullimi në lidhje me kufirin minimal të regjistrimit llogaritet në proporcion me kohëzgjatjen e veprimtarive.

4. Kufiri minimal i regjistrimit është 8 milion lekë (për vit kalendarik) ose ndonjë shumë tjetër e përcaktuar nga Këshilli i Ministrave në bazë të pikës 5 të këtij neni.

5. Këshilli i Ministrave kur e konsideron të nevojshme rishikon kufirin minimal të regjistrimit të përcaktuar në bazë të pikës 4 të këtij neni, duke marrë parasysh inflacionin apo faktorë ekonomikë e administrativë dhe zëvendëson këtë kufi minimal me një kufi të ri.

Një person që nuk është i detyruar të registrohet në bazë të nenit 3 dhe që si pjesë të veprimtarisë së tij ekonomike kryen furnizime të tatueshme, ka të drejtë të kërkojë të regjistrohet në bazë të këtij ligji.

1. Personi që kërkon te regjistrohet, detyrohet ta bejë këtë sipas formës që caktohet nga Ministri i Financave.

2. Kur regjistrojnë një person, organet tatimore japin:

a. një numër të vetëm tatimor për atë person dhe

b. një çertifikatë regjistrimi që përcakton datën kur regjistrimi hyn në fuqi.

3. Organet tatimore kanë të drejtë te regjistrojnë një person të tatueshem edhe në qofte se ai nuk ka kërkuar të regjistrohet.

Personi i tatueshëm detyrohet të njoftojë organet tatimore me shkrim brenda 15 ditëve për çdo ndryshim në emrin, adresën, veprimtarinë e tij ekonomike, ose për çdo ndryshim në informacionin e dhënë prej tij organeve tatimore, në kohën kur ka kërkuar të regjistrohet.

1. Personi i tatueshëm i regjistruar detyrohet të kërkojë të çregjistrohet jo më vonë se 15 ditë nga dita e fundit në të cilën ai ka kryer furnizime të tatueshme si pjesë të veprimtarisë së tij ekonomike.

2. Organet tatimore çregjistrojnë çdo person që kërkon të çregjistrohet në bazë të paragrafit 1 me efekt nga data kur ai ka kryer furnizimin e fundit të tatueshëm.

3. Organet tatimore refuzojnë të regjistrojnë çdo person që as nuk është i detyruar dhe as ka të drejtë të regjistrohet. Këto organe çregjistrojnë çdo person që as nuk është i detyruar e as ka të drejtë të regjistrohet, me efekt nga data që personi nuk ka të drejtë të regjistrohet.

4. Çdo person i cili është i regjistruar dhe asnjëherë nuk ka qenë i detyruar apo ka patur të drejtë të regjistrohet, çregjistrohet nga organet tatimore me efekt nga data në të cilën regjistrimi ka hyrë në fuqi.

5. Personi i tatueshëm i regjistruar ka të drejtë të kërkojë të çregjistrohet në çdo kohë, por jo më parë se një vit nga data e hyrjes në fuqi të regjistrimit të tij, nëse furnizimet e tij të tatueshme nuk kalojnë kufirin minimal të caktuar në nenin 3, në lidhje me periudhën më të fundit prej 12 muajsh.

6. Organet tatimore çregjistrojnë personin e tatueshëm, i cili ka kërkuar të çregjistrohet në bazë të paragrafit 5, me efekt nga data kur personi ka kërkuar të çregjistrohet.

7. **Në çastin e çregjistrimit, personi i tatueshëm është i detyruar të paraqesë një formular deklarimi dhe pagesë përfundimtare, i cili përmban informacionet që kërkohen nga organi tatimor.

1. **Me furnizim mallrash kuptohet transferimi i së drejtës për të zotëruar si pronar pasurinë e luajtshme ose të paluajtshme, përveç rasteve që në këtë ligj përcaktohet ndryshe.

2. Furnizimi me energji elektrike, ujë, gaz, ngrohje, ftohje ose ajër të kondicionuar është furnizim mallrash.

1. **Me furnizim shërbimesh kuptohet çdo furnizim që nuk është furnizim mallrash, përveç rasteve që në këtë ligj përcaktohet ndryshe.

2. Furnizimi i shërbimeve të bëra prej një të punësuari për punëdhënësin e tij për arsye të punësimit nuk ështe furnizim nga i punësuari.

1. Furnizimi i shërbimeve i përfshirë në furnizimin e mallrave është pjesë e furnizimit te mallrave.

2. Furnizimi i mallrave i përfshirë në furnizimin e shërbimeve është pjesë e furnizimit të shërbimeve.

3. Furnizimi i shërbimeve i përfshirë në importin e mallrave është pjesë e importit të mallrave.

4. Ministri i Financave cakton me udhëzim nëse një furnizim është furnizim mallrash a furnizim shërbimesh.

5. Ministri i Financave ka të drejtë të caktojë me udhëzim nëse personi i tatueshëm, i cili prodhon mallra si pjesë të veprimtarisë së tij ekonomike që përdoren nga ai për qëllimet e kësaj veprimtarie, të trajtohen njëkohësisht edhe sikur ai i furnizon këto mallra si pjesë të veprimtarisë së tij ekonomike edhe si marrje prej tij të furnizimit për qëllimet e kësaj veprimtarie.

1. Furnizimi i mallrave a shërbimeve, i kryer nëpërmjet një agjenti, i cili vepron në cilësinë e agjentit për një person tjetër, është një furnizim prej kryesorit.

2. Paragrafi 1 nuk zbatohet për furnizimin e shërbimeve të agjentit që vepron si një agjent i kryesorit të tij.

Transferimi nga një person i tatueshëm i një veprimtarie ekonomike apo një pjese të saj, në lidhje me të cilën ai është i tatueshëm, të një person tjetër, nuk është një furnizim mallrash a shërbimesh, në qoftë se marrësi është ose bëhet person i regjistruar në bazë të këtij ligji, në lidhje me veprimtarinë ekonomike ose pjesën e saj që transferohet.

1. Furnizimi quhet i kryer në momentin kur është e detyrueshme të lëshohet fatura, përveç rasteve që në këtë ligj përcaktohet ndryshe.

2. Personi që kryen një furnizim të tatueshëm, detyrohet të lëshojë një faturë per atë furnizim në momentin kur mallrat janë livruar, ose kur ato bëhen të disponueshme, apo shërbimet janë kryer prej tij në lidhje me atë furnizim.

3. Kur personi që kryen një furnizim të tatueshëm arkëton pagesën më përpara se mallrat të livrohen a te bëhen të disponueshme, ose shërbimet të jenë kryer, ai është i detyruar të lëshojë një faturë per furnizimin në momentin që pagesa është arkëtuar prej tij.

4. Kur personi që kryen furnizimin e tatueshëm nuk detyrohet të lëshojë faturë, momenti i furnizimit është momenti kur mallrat dorëzohen ose bëhen të disponueshme apo shërbimet janë kryer, ose në qoftë se pagesa është arkëtuar më përpara, momenti kur pagesa është arkëtuar.

5. Për qëllimet e këtij neni, kur kryhen ose do të kryhen dy a më shumë pagesa për furnizimet e marra, atëherë çdo pagesë konsiderohet për një furnizim të veçantë, për aq sa është shuma e asaj pagese.

6. Kur shërbimet furnizohen në mënyrë të rregullt a të vazhdueshme, furnizimi i shërbimeve quhet i kryer në çdo rast për të cilin lëshohet faturë në lidhje me çdo pjesë të atij furnizimi. **Në ndërtim fatura tatimore duhet lëshuar çdo muaj.

1. Vendi i furnizimit të mallrave është vendi ku mallrat livrohen ose bëhen të disponueshme nga furnizuesit. Në qoftë se livrimi a bërja të disponueshme përfshin edhe transportin e mallrave, vendi i furnizimit është vendndodhja e mallrave ku fillon transportimi, përveç rasteve që në këtë ligj përcaktohet ndryshe.

2. Furnizimi i energjisë elektrike, gazit, ujit, ngrohjes, ftohjes dhe ajrit të kondicionuar kryhet atje ku merret furnizimi.

1. Furnizimi i shërbimeve kryhet atje ku shërbimet jepen, përveç rasteve që në këtë ligj përcaktohet ndryshe.

2. Furnizimi i shërbimeve në lidhje me pasurinë e paluajtshme kryhet atje ku gjendet pasuria e paluajtshme.

3. Furnizimi i shërbimeve të transportit apo shërbimeve që përfshihen në transport kryhen atje ku zhvillohet transporti.

4. Furnizimi i shërbimeve që nuk përfshihen në paragrafët 2 ose 3 nga personi i tatueshëm, vendi i veprimtarisë ekonomike të të cilit është në Shqipëri, ose në rastin e individit, vendi i zakonshëm i rezidencës të të cilit është në Shqipëri, kryhet në vendin e veprimtarisë ekonomike a në vendin e zakonshëm të rezidencës.

5. Kur furnizimi i tatueshëm i shërbimeve që kryhen në Shqipëri furnizohet nga një person që nuk ka vend të veprimtarisë ekonomike në Shqipëri, ose në rastin e individit, vendi i zakonshëm i rezidencës së të cilit është jashtë Shqipërisë, personi, të cilit i janë furnizuar shërbimet, konsiderohet sikur ta ketë bërë furnizimin në Shqipëri si pjesë të veprimtarisë së tij ekonomike.

Me furnizim të tatueshëm kuptohet furnizimi i mallrave a shërbimeve, përveç furnizimeve të përjashtuara.

1. Furnizimi është pjesë e veprimtarisë ekonomike të një personi, nëse furnizimi është kryer prej tij si pjesë e, ose e lidhur me çdo veprimtari të tij ekonomike të pavarur, kushdo qoftë qëllimi ose rezultati i saj.

2. Veprimtaritë ekonomike të një individi nuk përfshijnë veprimtaritë e kryera prej tij vetëm si pjesë e veprimtarive të tij çlodhëse ose argëtuese.

**Në rastet e çregjistrimit, të gjitha mallrat e furnizuara për personin e tatueshëm dhe ende në pronësi të personit të tatueshëm, për qellimet e veprimtarisë së vet ekonomike dhe të gjitha mallrat gjendje të personit të tatueshëm trajtohen si furnizim i atyre mallrave kundrejt pagesës në datën e çregjistrimit.

Mallrat që i janë furnizuar një personi të tatueshëm për qëllimet e veprimtarisë së tij ekonomike, kur furnizohen prej tij ose u jepen për përdorim personave të tjerë kundrejt pagesës së reduktuar, trajtohen si furnizime kundrejt pagesës, përveç rasteve kur mallrat janë furnizuar a përdorur vetëm si mostra.

Furnizimi bëhet kundrejt pagesës së reduktuar, në qoftë se furnizuesi nuk arkëton pagesën, ose pagesa është dukshëm më e vogël se ç'duhej të ishte nëse qëllimi i furnizuesit ka qenë fitimi për këtë dhe furnizime të ngjashme.

1. Furnizimi eshtë një furnizim i përjashtuar nëse ai përcaktohet në nenet 20 deri në 25 dhe në nenet 25.1, 25.2, 25.3, dhe 26.1 të këtij ligji.

2. Ministri i Financave ka të drejtë të caktojë me udhëzim se cili prej furnizimeve të përjashtuara nga nenet 20 deri 25 dhe nga nenet 25.1, 25.2, 25.3, 26.1, e të këtij ligji nuk është një furnizim i përjashtuar në kushte e rrethana të përcaktuara.

1. Furnizimi i tokës dhe i truallit ose dhënia me qira e tyre është një furnizim i përjashtuar, përveç rasteve të shfrytëzimit për parking a magazinim të mjeteve të transportit dhe mjeteve të tjera lëvizëse.

2. Furnizimi i ndërtesave është një furnizim i përjashtuar.

3. Dhënia me qira e ndërtesave pronë publike nga organet e pushtetit qendror ose vendor është furnizim i përjashtuar.

1. Furnizimi i shërbimeve financiare është furnizim i përjashtuar.

sigurim për paratë, duke përfshirë edhe administrimin e huave, kredive a

garantim kredish prej dhënësit;

b) transaksionet në lidhje me llogaritë bankare, pagesat, transferimet,

borxhet, çeqet dhe instrumentet e negociueshme, përveç mbledhjes së

borxhit;

c) transaksionet lidhur me monedhën, bankënotën dhe paranë që janë mjete

të ligjshme pagesë, përveç artikujve te përdorur vetëm për koleksione;

ç) transaksionet lidhur me aksionet, kapitalet financiare, obligacionet dhe

letra të tjera me vlerë, përveç shërbimeve për mbikqyrje;

d) administrimin e fondeve të investimeve;

dh) transaksionet në lidhje me kontratat për sigurimin e jetës, duke përfshirë

risigurimin;

e) transaksionet në lidhje me administrimin e fondeve të pensioneve dhe

sigurimet e detyrueshme shëndetësore.

Furnizimet e arit, bankënotave a monedhave për Bankën e Shqipërisë është furnizim i përjashtuar.

Furnizimi i pullave të postës për përdorim për shërbime postare ose pulla të ngjashme është furnizim i përjashtuar.

Furnizimi i bërë nga një organizatë jofitimprurëse kundrejt pagesës së reduktuar është një furnizim i përjashtuar nëse është:

a) furnizim mallrash a shërbimesh për trajtim mjekësor ose dentar;

b) furnizim shërbimesh për mbrojtjen e kujdesin ndaj fëmijëve ose të

moshuarve;

c) furnizim shërbimesh arsimore, kulturore a sportive;

ç) furnizim shërbimesh nga organizata fetare a filozofike me qëllim

mirëqënien shpirtërore.

Furnizimi i shërbimeve arsimore nga institucionet arsimore publike dhe private, në përputhje me ligjin nr.7952, datë 21.6.1995 "Për sistemin arsimor parauniversitar" dhe ligjin nr.8461, datë 25.2.1999 "Për arsimin e lartë në Republikën e Shqipërisë", është furnizim i përjashtuar.

Ministri i Financave cakton me udhëzim përjashtimin e furnizimeve për misione diplomatike e konsullore, si dhe personelin e tyre mbi bazën e reciprocitetit dhe përjashtimin e furnizimeve për organizata ndërkombëtare, mbi bazën e marrëveshjeve ndërkombëtare.

Janë të përjashtuara nga TVSH:

a. Furnizimi i shërbimeve që kryhen nga kontraktorët e nënkontraktorët e tyre, të vërtetuar si të tillë nga Agjensia Kombëtare e Hidrokarbureve, lidhur me realizimin e fazave të kërkimit dhe të zhvillimit të operacioneve hidrokarbure.

b. Furnizimi i mallrave që bëjnë kontraktorët për njëri-tjetrin ose nënkontraktorët për kontraktorët e tyre, të importuara sipas nenit 26/1 të këtij ligji.

"Operacionet hidrokarbure", për efekt të këtij paragrafi, ka të njëjtin kuptim si në ligjin nr.7746, datë 28.07.1993 "Për hidrokarburet".

Neni 25/2

Furnizimi i barnave, i pajisjeve mjeksore dhe i ambalazheve e materialeve që përdoren për prodhimin dhe konfeksionimin e barnave, janë furnizime të përjashtuara.

Shitja e gazetave, revistave e shërbimet e reklamave në to.

Përjashtohen nga tatimi mbi vlerën e shtuar shitja e gazetave dhe e revistave ditore e javore, si dhe shërbimi i reklamave që ato publikojnë për persona të tjerë.

1.Furnizimi falas, si ndihmë për situatat e përcaktuara, sipas ligjit nr.8756 datë 26.03.2001 "Për emergjencat civile", është furnizim i përjashtuar.

2. Ngarkohet Këshilli i Ministrave të përcaktojë rregullat për rastet e përjashtimit të ndihmave që jepen në rastin e emergjencave civile.

1.Për qëllimet e këtij ligji "importimi i mallrave" ka të njëjtin kuptim si në ligjin nr. 7609, datë 22.9.1992 "Për tarifat doganore" dhe importimi i tyre quhet i kryer në momentin e parashikuar në atë ligj, edhe në qoftë se mallrat e importuara janë apo jo të përjashtuara nga taksat doganore nga ai ligj.

2.TVSH llogaritet, zbatohet dhe paguhet në importimin e mallrave sikur TVSH i pagueshëm është taksë doganore e përcaktuar nga ligji nr. 7609, datë 22.9.1992 "Për tarifat doganore".

2.1.* Për makineritë dhe paisjet që importohen për t’u investuar në fushën e prodhimit, të ndëtimit dhe të telekomunikacioneve, zbatohet sistemi i shtyrjes së pagesës së TVSH-së. Sipas këtij sistemi, TVSH-ja nuk paguhet në doganë në çastin e importit.

Këshilli i Ministrave përcakton skemën e shtyrjes së pagesës.

(Shtuar me Aktin Normativ Nr.5, datë 6.10.2000)**. "Për importin e makinerive dhe paisjeve të ….

2.2. **Për importimin e energjisë elektrike nga KESH sh.a. të zbatohet sistemi i shtyrjes së pagesës të TVSH-së, sipas skemës së përcaktuar me vendim të Këshillit të Ministrave.

3.Vlera e tatueshme e mallrave të importuara përcaktohet mbi bazën e ligjit nr. 7609, datë 22.9.1992 "Për tarifat doganore", edhe në qoftë se mallrat e importuara janë apo jo të taksueshme me taksa doganore në bazë të atij ligji.

4.Vlera e tatueshme e mallrave të importuara përfshin, gjithashtu, nëse nuk janë përfshirë sipas paragrafit 3:

a) shpenzimet e transportit e të sigurimit dhe shpenzimet e tjera, të përfshira në importimin e mallrave dhe livrimin e tyre, deri në çastin e hyrjes në territorin e Republikës së Shqipërisë;

b) tarifat, taksat dhe detyrime të pagueshme, si pasojë e eksportimit të këtyre mallrave nga shtete prej të cilave ato eksportohen apo të pagueshme si rezultat i importimit të tyre, përveç TVSH të pagueshëm që nuk përfshihet në bazë të këtij ligji.

Eshtë furnizim i përjashtuar nga TVSH:

a.Importimi përfundimtar i të gjitha mallrave prej një personi të tatueshëm, kur furnizimi i tyre në të gjitha rrethanat brenda vendit është furnizim i përjashtuar nga tatimi mbi vlerën e shtuar.

b. Importimi i mallrave të vendosura në regjimin tranzit.

c. Importimi i mallrave të deklaruara për të qënë nën regjimin e lejimit të përkohshëm dhe atë të përpunimit aktiv.

d. Importimi i mallrave dhe shërbimeve që lidhen me realizimin e fazave të kërkimit dhe të zhvillimit të operacioneve hidrokarbure, të kryera nga kontraktorët ose nënkontraktorët që punojnë për këto operacione. Kontraktorët dhe nënkontraktorët vërtetohen si të tillë nga Agjencia Kombëtare e Hidrokarbureve.

dh) importimi i kafshëve të gjalla të racës, të dhuruara nga donatorë të ndryshëm.

"Operacionet hidrokarbure", për efekt të këtij paragrafi, ka të njëjtin kuptim si në ligjin nr.7746, datë 28.07.1993 "Për hidrokarburet".

1. Vlera e tatueshme e furnizimit të tatueshëm është shuma totale e paguar për atë furnizim, perveç rasteve që në këtë ligj përcaktohet ndryshe.

2. Vlera e tatueshme e furnizimit të mallrave në nenin 18, pika 2 ose 3 është pagesa totale që duhet të ishte e pagueshme në lidhje me atë furnizim nëse qëllimi i furnizuesit është nxjerrja e fitimit ndaj atij dhe furnizimeve të ngjashme.

1. Vlera e tatueshme e furnizimit përfshin tarifat, tatimet dhe detyrimet e pagueshme si rezultat i furnizimit përveç TVSH të pagueshëm për këtë furnizim në bazë të këtij ligji.

2. Personi që kryen furnizime të tatueshme detyrohet të njoftojë në mënyrë të dukshme nëpërmjet shpalljes, kontratës a reklamës nëse çmimi i mallrave ose i shërbimeve për t'u furnizuar ose çmimi që duhet të paguhet për furnizimin përfshin apo nuk e përfshin TVSH-në, përveç rasteve që Ministri i Financave në udhëzim ka të drejtë ta përcaktojë ndryshe.

3. Ne rast se furnizimi i tatueshëm kryhet pa një shumë të ndarë e të identifikuar si nje pagesë e TVSH-së, vlera e tatueshme e tij është shuma që, së bashku me TVSH të pagueshëm mbi këtë shumë në bazë të këtij ligji, është e barabartë me pagesën që i bëhet furnizuesit.

4. Për mallrat, të cilat pësojnë humbje gjatë tranzitimit, magazinimit dhe prodhimit, siç përcaktohet në akte të veçanta ligjore dhe nënligjore, nuk llogaritet dhe nuk paguhet TVSH-ja.

1. Kur ka rritje ose ulje në pagesën totale të bërë për furnizimin, atëherë saktësohet përkatësisht vlera e tatueshme e furnizimit.

2. Kur pagesa për një furnizim reduktohet nga një ulje në momentin e furnizimit atëherë reduktohet përkatësisht vlera e tatueshme e furnizimit.

3. Kur pagesa për furnizimin reduktohet nga një ulje për pagesë të menjëherëshme atëherë reduktohet përkatësisht vlera e tatueshme e furnizimit.

TVSH zbatohet në masën 20 për qind, përveç rasteve kur në këtë ligj përcaktohet ndryshe.

TVSH zbatohet në masën zero për qind në lidhje me:

a) mallrat që eksportohen nga territori i Republikës së Shqipërisë;

b) furnizimet e shërbimeve të bëra jashtë territorit të Republikës së Shqipërisë nga një person i tatueshem, vendi i veprimtarisë ekonomike të të cilit, ose në rastin e një individi, vendi i zakonshëm i rezidencës së të cilit është në Shqipëri;

c) furnizimet e mallrave e të shërbimeve në lidhje me transportin ndërkombëtar të mallrave ose të pasagjerëve;

ç) furnizimet e mallrave a shërbimeve në lidhje me veprimtaritë tregtare ose industriale në det.

TVSH i pagueshëm nga një person i tatueshëm për një periudhë tatimore është diferenca ndërmjet:

a) TVSH të zbatuar për periudhën tatimore mbi vlerën totale të tatueshme të

të gjitha furnizimeve të tatueshme të bëra gjatë periudhës nga ky person,

minus

b) çdo kreditim tatimi të lejuar për këtë person për atë periudhë.

1. Kreditimi i tatimit për një periudhë tatimore është:

a) totali i TVSH i zbatuar në lidhje me:

(i) të gjitha furnizimet e tatueshme të bëra për personin e tatueshëm gjatë

periudhës tatimore nga persona të tjerë të tatueshëm;

(ii) të gjitha importet e mallrave të bëra nga personi i tatueshëm gjatë periudhës tatimore kur këto furnizime a importime janë bërë për qëllimet e furnizimeve të tatueshme të bëra ose për t’u bërë nga personi i tatueshëm;

b) çdo kreditim i tatimit i lejuar në bazë të nenit 34, përveç rasteve kur në këtë ligj përcaktohet ndryshe.

2. Kreditimi i tatimit nuk lejohet në asnjë rrethanë për shpenzime që nuk janë tërësisht vetëm për qëllime të veprimtarisë ekonomike.

3. Një person i tatueshëm nuk ka të drejtë të kërkojë kreditim tatimi në bazë të këtij neni, në qoftë se ai nuk zotëron një faturë që tregon shumën e kreditimit të kërkuar, ose të kërkojë kreditim tatimi në bazë të nenit 34 nëse ai nuk zotëron dokumenta që vërtetojnë se borxhi është një borxh i keq.

4. Ministri i Financave cakton me udhëzim lejimin e kreditimit të tatimit për një person të tatueshëm për sa i përket një pjesë të TVSH të paguar prej tij, në lidhje me furnizime të tatueshme dhe importime mallrash të kryera prej tij pjesërisht për qëllime të furnizimeve të tatueshme të bëra a për t’u bërë prej tij dhe pjesërisht për qëllime të tjera.

5. Ministri i Financave ka të drejtë të caktojë në udhëzim që kreditimi i tatimit nuk lejohet në lidhje me ndonjë lloj furnizimi të tatueshëm apo importimi.

1. Kur një pagesë nuk ështe marrë plotësisht apo pjesërisht për një furnizim të tatueshëm prej furnizuesit dhe është një borxh i keq, lejohet kreditimi i tatimit në bazë të këtij neni.

2. Shuma e kreditimit të tatimit është sa TVSH e zbatuar në bazë të nenit 30 të këtij ligji, në lidhje me furnizimin që përputhet me shumën e paarkëtuar të borxhit të keq.

3. Kreditimi i tatimit lejohet në çdo periudhë tatimore mbasi borxhi bëhet borxh i keq dhe fillon të paktën gjashtë muaj pas mbylljes së periudhës tatimore, për të cilën TVSH ishte zbatuar në lidhje me furnizimin.

4. Kur kreditimi është lejuar për borxhin e keq dhe plotësisht apo pjesërisht ky borxh paguhet më vonë, shuma e arkëtuar trajtohet si një saktësim në bazë të nenit 29 të këtij ligji.

1.Ministri i Financave është përgjegjës për zbatimin e këtij ligji.

2.Administrata tatimore dhe administrata doganore janë të vetmet organe që kanë përgjegjësi të zbatojnë këtë ligj. Ato raportojnë tek Ministri i Financave.

3.Për zbatimin e këtij ligji Ministri i Financave nxjerr udhëzimet përkatëse.

1.Personi i tatueshëm që kryen furnizimin, është i detyruar të lëshojë për personin që merr furnizimin një faturë në lidhje me atë furnizim, përveç rasteve që në këtë ligj përcaktohet ndryshe.

1.1 Në fund të faturës shënohet blerësi me emër, mbiemër, nënshkrim, transportuesi me emër, mbiemër, nënshkrim dhe shitësi me emër, mbiemër, nënshkrim dhe vulë.

2.Për qëllimet e këtij ligji fatura përpilohet në formën e caktuar nga Ministri i Financave dhe përmban:

a) emrin, adresën, NIPT-in dhe kodin fiskal të personit që bën furnizimin

b) emrin, adresën dhe NIPT-in, së bashku me kodin fiskal për blerësin person i tatueshem për TVSH, emrin, adresën dhe kodin fiskal për blerësin person i tatueshëm i biznesit të vogël dhe vetëm emrin e adresën për blerësit persona të tjerë;

b.1) emrin, adresën dhe NIPT-in e transportuesit, targën e mjetit dhe orën e furnizimit;

c)datën në të cilën lëshohet fatura;

ç) numrin e serisë së vendosur nga shtypshkronja që e ka shtypur;

d)numrin rendor;

dh)përshkrimin e çdo lloj malli apo shërbimi të furnizuar;

e)sasinë e mallrave apo madhësinë e shërbimeve të furnizuara;

ë) çmimin për njësi, pa TVSH-në, për çdo lloj malli apo shërbimi të furnizuar;

f)shumën e pagueshme pa TVSH-në;

g)përqindjen e TVSH-së së pagueshme ndaj çdo lloj malli apo shërbimi të furnizuar;

gj)shumën e TVSH-së së pagueshme;

h)shumën e pagueshme me TVSH;

i)çdo të dhënë tjetër që kërkohet nga Ministri I Financave

3. Kur bëhet ndonjë saktësim në pagesën e kryer për një furnizim pasi fatura të jetë lëshuar për të, personi që bën furnizimin lëshon një faturë tjetër ose një notë kreditimi në formën e kërkuar nga ky në lidhje me atë saktësim.

4. Ministri i Financave ka të drejtë të caktojë me udhëzim se shitësi me pakicë plotëson detyrimet e këtij neni, duke lëshuar një fature a notë kreditimi (duke përfshirë kuponat), në formën dhe në rrethanat që parashikohen.

5. Kur një person që nuk është i regjistruar lëshon faturë në formën e parashikuar në këtë ligj ose ndryshe, lë të kuptohet se zbaton TVSH ndaj ndonjë furnizimi, i nënshtrohet dënimit.

6. Kur një person lëshon faturë siç parashikohet në paragrafin 5, organet tatimore ngarkohen të arkëtojnë TVSH të shënuar në atë faturë, së bashku me çdo gjobë për dënimin e vendosur në bazë të atij paragrafi.

7. **Drejtori i Përgjithshëm i Tatimeve ka të drejtë të lejojë mospërdorimin e faturave tatimore me numër serial të pashtypur në rastet kur personi i tatueshëm i regjistruar mund të tregojë, me kërkesë të organeve tatimore, që sistemi i tij i regjistrimeve është i kompjuterizuar dhe i aftë të prodhojë fatura tatimore me numër serial për çdo transaksion të tatueshëm dhe që ka një numër të konsiderueshëm klientësh konsumatorë final.

7.1 Drejtori i Përgjithshëm i Tatimeve, sipas kritereve të përcaktuara me udhëzim nga Ministri i Financave, ka të drejtë të autorizojë personat e tatueshëm, që ushtrojnë veprimtarinë në fushën e përpunimit të qumështit, përpunimit të ullirit, përpunimit të rrushit dhe të bluarjes së grurit, të lëshojnë fatura tatimore për veten, për sasinë e qumështit, të ullirit, të rrushit dhe të grurit, me të cilën janë furnizuar nga persona të tjerë të paregjistruar për tatimin mbi vlerën e shtuar.

8. Fatura tatimore e konsumit të ujit të pijshëm,sipas modelit të përcaktuar.

1.Çdo person i tatueshëm detyrohet:

a)të bëjë një deklaratë, në bazë të nenit 32 të këtij ligji, për çdo periudhë tatimore jo më vonë se 14 ditë pas përfundimit të periudhës tatimore me të cilën ajo lidhet;

b)të paguajë TVSH për atë periudhë, në ose para datës së detyrueshme të deklaratës.

2.Deklarata e bërë sipas pikës 1 bëhet në atë formë dhe përmban atë informacion siç përcaktohet nga Ministri i Financave.

1.Periudha tatimore është muaji kalendarik, përveç rasteve kur në këtë ligj përcaktohet ndryshe.

2.Për një person të tatueshëm që regjistrohet fillimisht, periudha tatimore fillon në ditën kur Çertifikata e Regjistrimit shënon se regjistrimi hyn në fuqi dhe përfundon në ditën e fundit të atij muaji.

3.Për një person të tatueshëm që çregjistrohet, periudha tatimore fillon në ditën e parë të muajit përkatës dhe përfundon në ditën në të cilën personi është çregjistruar.

4.Ministri i Financave ka të drejtë të caktojë me udhëzim që, për ndonjë kategori personash të tatueshëm, periudha tatimore është më e gjatë apo më e shkurtër se një muaj.

Organet tatimore kanë të drejtë të detyrojnë një person të tatueshëm të bëjë deklarime të tjera, si shtesë e deklaratave për periudhat tatimore, në formën dhe kohën e kërkuar prej tyre.

Neni 40

1.Çdo person i tatueshëm detyrohet të mbajë llogari, duke përfshirë regjistra për të gjitha furnizimet e kryera prej tij, të gjitha furnizimet e bëra atij dhe të gjitha importet e mallrave të kryera prej tij, si pjesë e veprimtarisë së tij ekonomike në përshtatje me ligjin nr. 7661, datë 19.1.1993 "Për kontabilitetin".

2.Regjistrimet e mbajtura në bazë të paragrafit 1 përfshijnë të gjitha faturat e lëshuara për personin e tatueshëm në lidhje me furnizimet e tatueshme të bëra atij.

3.Ministri i Financave ka të drejtë të parashikojë që, regjistrimet e mbajtura në bazë të paragrafit 1 të regjistrohen në kompjuter ose si të dhëna elektronike.

4.Regjistrimet e mbajtura në bazë të paragrafit 1 ruhen për një periudhë prej 5 vjetësh.

5.Organet tatimore kanë të drejtë të detyrojnë një person të tatueshëm, duke e njoftuar atë:

a)të paraqesë regjistrimet e mbajtura në bazë të paragrafit 1;

b)dhe nëse regjistrimet janë mbajtur në kompjuter a si të dhëna elektronike, t'u lejojnë atyre hyrjen në kompjuter ku regjistrimet janë mbajtur dhe hyrjen në kompjuter a pajisje të tjera për të inspektuar regjistrimet e mbajtura si të dhëna elektronike.

1.Organet tatimore kanë të drejtë të bëjnë vlerësimin tatimor të shumës së TVSH-së kur:

a)një person nuk bën deklarimin nga ajo kohë apo në atë formë që përcaktohet në këtë ligj;

b)një person kërkon që shuma e TVSH-së e paraqitur si e pagueshme në një deklaratë duhet të ndryshohet për arsye të një gabimi ose mangësie;

c)ato çmojnë se, shuma e TVSH e paraqitur si e pagueshme në një deklaratë të bërë prej një personi të tatueshem është më pak se shuma që duhet të ishte pasqyruar si e pagueshme në atë deklaratë;

ç)një person ka qënë i çregjistruar për arsye të nenit 7 me efekt nga data në të cilën ishte regjistruar;

d)duhet të arkëtojnë një shumë të TVSH nga ndonjë person në lidhje me një faturë në bazë të nenit 36, pika 6;

dh)ato kanë paguar një shumë për ndonjë person në bazë të nenit 43 dhe për ndonjë arsye personi nuk ka të drejtë në zotërimin e kësaj shume, ose

e)çmojnë se për ndonjë arsye shuma e TVSH është e pagueshme nga një person për shtetin dhe nuk është paguar.

2.Organet tatimore kanë të drejtë që në çdo kohë të bëjnë një vlerësim tatimor të dytë, duke ndryshuar a shtuar shumën e TVSH të pagueshëm mbi bazën e një vlerësimi të parë, nëse ky vlerësim i dytë është i nevojshëm për të siguruar që shuma e TVSH të pagueshëm është në përshtatje me këtë ligj.

3.Organet tatimore njoftojnë personin me shkrim për vlerësimin tatimor a vlerësimin e mëtejshëm tatimor, duke paraqitur shumën e pagueshme të TVSH dhe datën në të cilën është kryer vlerësimi tatimor.

4.Personi i tatueshëm detyrohet të paguajë TVSH të paraqitur si të pagueshëm në vlerësimin tatimor a në vlerësimin e mëtejshëm tatimor, pavarësisht nëse ai ka kërkuar rishqyrtimin apo është ankuar kundër vlerësimit tatimor.

5.Shuma e pagueshme e TVSH sipas vlerësimit tatimor të bërë në bazë të këtij neni është e pagueshme brenda 30 ditëve mbas datës në të cilën është bërë vlerësimi tatimor, pavarësisht nëse ai person ka kërkuar një rishqyrtim apo është ankuar kundër vlerësimit tatimor para kësaj datë.

1.**Çdo person, ndaj të cilit është bërë një vlerësim tatimor në bazë të nenit 41, nëse nuk është dakord me vlerësimin tatimor, ka të drejtë të kërkojë nga Drejtoria e Përgjithshme e Tatimeve që vlerësimi tatimor të rishqyrtohet.

2.Personi ka të drejtë të bëjë kërkesë për rishqyrtimin e vlerësimit tatimor brenda 30 ditëve nga data në të cilën është bërë vlerësimi tatimor.

3.Kërkesa për rishqyrtim bëhet me shkrim dhe tregon vlerësimin a vlerësimet tatimore me të cilat personi që bën kërkesën nuk është dakort dhe arsyet përse ai nuk është dakort.

4.**Me marrjen e kërkesës për rishqyrtim Drejtoria e Përgjithshme e Tatimeve fillon rishqyrtimin për vlerësimin ose vlerësimet tatimore të paraqitura për rishqyrtim, përveç rasteve të parashikuara në pikën 5 të këtij neni.

5.**Drejtoria e Përgjithshme e Tatimeve nuk fillon rishqyrtimin për vlerësimin tatimor për ndonjë person, kur ky person nuk ka bërë të gjitha deklarimet, të cilat është i detyruar t'i bëjë në mbështetje të këtij ligji, si dhe nuk ka paguar TVSH-në e pagueshme prej tij.

6.Kur vlerësimi tatimor rishqyrtohet në bazë të këtij neni, vlerësimi tatimor mund të konfirmohet, ndryshohet ose anullohet.

7.**Drejtoria e Përgjithshme e Tatimeve njofton, me shkrim, personin që kërkon rishqyrtimin për rezultatet, duke treguar rishqyrtimin e vlerësimit tatimor dhe datën e rishqyrtimit. Mosdërgimi i njoftimit për rezultatet e rishqyrtimit nga organet tatimore, brenda afatit 30-ditor, vlerësohet si përgjigje në favor të personit të tatueshëm.

8.Kur në bazë të një rishqyrtimi vlerësimi tatimor ndryshohet ose anullohet, organet tatimore japin një vlerësim të mëtejshëm tatimor në bazë të nenit 41, për të zbatuar rishqyrtimin.

1.Çdo person që ka kërkuar një rishqyrtim në bazë të nenit 42 dhe nëse nuk ështe dakord për ndonjë arsye me rezultatet e rishqyrtimit, ka të drejtë të ankohet në gjykatë kundër vlerësimit tatimor.

2.Ankimi bëhet brenda 30 ditëve nga data e rishqyrtimit dhe duhet të paraqesë arsyet përse personi që bën ankimin nuk ka rënë dakort me vlerësimin tatimor dhe rishqyrtimin.

3.Në gjykimin e një ankimi gjykata ka të drejtë të vendosë që vlerësimi tatimor, kundër të cilit personi ankohet, të konfirmohet, të ndryshohet ose të anullohet, siç e gjykon të drejtë.

4.Organet tatimore zbatojnë çdo vendim të gjykatës në bazë të këtij neni.

Organet tatimore nuk kanë të drejtë të bëjnë një vlerësim tatimor mbas 5 vjetësh pasi ka përfunduar periudha tatimore me të cilën ai lidhet, përveç rasteve kur ky vlerësim tatimor bëhet vetëm për të zbatuar një rishqyrtim ose ankim kundër vlerësimit tatimor të kryer brenda këtij afati kohor.

1.Vlefshmëria e vlerësimit tatimor nuk diskutohet nga çdo lloj proçedure, përveçse nëpërmjet rishqyrtimit dhe ankimit në bazë të këtij ligji.

2.Vlefshmëria e rishqyrtimit nuk diskutohet nga çdo lloj proçedure, përveçse nëpërmjet ankimit në bazë të këtij ligji.

3.Të gjitha vlerësimet tatimore dhe të gjitha informacionet e përfshira në vlerësimin tatimor, gjykohen të jenë përfundimisht të sakta, përderisa këto vlerësime të mos ndryshohen ose anullohen në përshtatje me rishqyrtimin e ankimin në bazë të këtij ligji.

Organet tatimore kanë të drejtë të detyrojnë:

a)personin e tatueshëm apo drejtorin, nëpunësin, përfaqësuesin tatimor apo agjentin e atij personi;

b)çdo person të cilin organet tatimore e gjykojnë se duhet të jetë person i tatueshëm apo drejtorin, nëpunësin, përfaqësuesin tatimor apo agjentin e atij personi;

c)çdo person i cili importon apo eksporton mallra ose ka lidhje me importimin apo eksportimin e atyre mallrave apo drejtorin, nëpunësin, përfaqësuesin tatimor apo agjentin e atij personi;

ç)çdo person tjetër i cili është ose mund të jetë në lidhje me personin e përmendur në paragrafët (a), (b) dhe (c);

- t’u paraqesin organeve tatimore informacion në lidhje me çdo furnizim mallrash apo shërbimesh sipas kërkesës së organeve tatimore dhe të japin çdo dokument apo regjistrim elektronik të dhënash në zotërim të tyre në lidhje me furnizimin.

1.**Personi i autorizuar nga organi tatimore ka të drejtë të hyjë dhe të kërkojë në çdo vend që përfshin tokë, ndërtesë, automjet, anije etj., kur ai ka arsye për të besuar që mallrat ose dokumentet e përdorura prej personit të tatueshëm, për qëllimet e zbatimit të këtij ligji, mbahen atje.

2.Personi që kërkon të hyjë në ndonjë tokë apo ndërtesë në bazë të këtij neni, nuk mund ta bëjë atë, përderisa:

a)ai nuk paraqet, sipas kërkesës së personit në atë tokë a ndërtesë, autorizimin me shkrim për të hyrë;

b)ai nuk përshtatet me çdo detyrim tjetër të përcaktuar nga Ministri i Financave.

3.Personi që hyn në tokat a ndërtesat në bazë të pikës 1, inspekton ato toka e ndërtesa si dhe çdo dokument e mallra në atë tokë a në atë ndërtesë.

4.Personi që hyn në ndonjë tokë a ndërtesë në bazë të pikës 1, mund të inspektojë dhe të marrë kopje të çdo llogarie, regjistrimi a dokumenti.

5.Personi që hyn në një ndërtesë në bazë të pikës 1, inspekton dhe kontrollon operimet e çdo kompjuteri, arkave regjistruese a pajisjeve të tjera në atë ndërtesë dhe mund të marrë kopjet e çdo llogarie, regjistrimi apo informacion tjetër në ato pajisje.

6.Ministri i Financave nxjerr udhëzime për autorizimin e personave për parashikimin në të gjitha rastet të kompetencave me shkrim dhe për kushtet në të cilat përdoren kompetencat nga personat e autorizuar në bazë të këtij neni.

1.Pagesa e TVSH-së bëhet nga personi i tatueshëm për organet tatimore a mënyra të tjera, siç përcaktohet nga Ministri i Financave në udhëzim.

2.Personi i tatueshëm shoqëron çdo deklaratë të bërë prej tij në përshtatje me nenin 37 me:

a) pagesën e detyruar të TVSH-së;

b) ose dokumentin e pagesës së detyruar të TVSH-së nga data e detyruar.

1.Kur personi i tatueshëm nuk paguan shumën e plotë të detyruar të TVSH-së në bazë të këtij ligji në datën në të cilën ajo është e detyruar, paguhen interesa mbi shumën e papaguar te TVSH-së nga data në të cilën ajo ka qenë e detyruar të paguajë deri në datën në të cilën ajo paguhet.

2.Ministri i Financave përcakton në udhëzim normën ose normat e pagueshme të interesit në bazë të paragrafit l.

3.Interesat e pagueshme në bazë të paragrafit 1 bëhen detyrimisht në fund të muajit kalendarik në të cilin ato krijohen.

4.Interesat e pagueshme në bazë të këtij paragrafi janë njëlloj të detyrueshme dhe nxirren sikur të ishin TVSH i pagueshëm në bazë të këtij ligji.

1.Nëse kreditimi i tatimit për një periudhe tatimore është më i madh se TVSH i zbatuar për atë periudhë, personi i tatueshëm ka të drejtën të mbartë shumën e mbetur si kreditim tatimor për periudhën pasardhëse tatimore në bazë të nenit 32.

2.Një person i tatueshëm kërkon rimbursim të tepricës së kreditimit tatimor kur:

a)personi i tatueshëm ka mbartur një shumë të kreditimit tatimor për 6 muaj rradhazi, në bazë të paragrafit 1;

b)rimbursimi i kërkuar tejkalon shumën prej 400 000 lekë.

3.Për rastet kur në marrëveshjet financiare të ratifikuara nga Kuvendi Popullor ose në marrëveshjet e granteve të miratuara nga Këshilli i Ministrave parashikohet mospërdorimi i burimeve financiare të huaja për të paguar taksa e tatime, duke përfshirë ose jo tatimin mbi vlerën e shtuar, tatimi mbi vlerën e shtuar i paguar u rimbursohet financuesve të huaj nga administrata tatimore brenda 45 ditëve, sipas rregullave të caktuara nga Ministri i Financave.

4.Eksportuesit kanë të drejtë të kërkojnë rimbursim kur teprica e tyre tejkalon shumën 400.000 (katërqindmijë) lekë.

Organet tatimore bëjnë rimbursimin e tepricës kreditore të TVSH-së për këtë kategori tatimpaguesish, brenda 30 ditëve nga data e paraqitjes së kërkesës.

5.Këshilli i Ministrave përcakton kategorinë e eksportuesve të përmendur në pikën 4 të këtij neni.

( Pikat 4 dhe 5 hyjnë në fuqi më 19.01.2001, shënim i DPT.)

Organet tatimore, para se të bëjnë një rimbursim të kreditimit tatimor për një person të tatueshëm kanë të drejtë ta detyrojnë atë person të paraqesë një garanci për pagesën e ardhshme të TVSH-së prej tij.

Rimbursimet si pasojë e rishqyrtimit ose ankimit

Kur në bazë të ndonjë rishqyrtimi ose ankimi sipas këtij ligji një vlerësim tatimor ulët apo anullohet, organet tatimore i rimbursojnë personit, kundër të cilit ishte bërë vlerësimi tatimor, të gjithë shumën e TVSH-së të paguar më tepër sipas afateve dhe rregullave të përcaktuara në ligjin nr.9160, datë 18.12.2003 "Për procedurat tatimore në Republikën e Shqipërisë".

a)Kur organet tatimore bëjnë një rimbursim të TVSH-së për një person në bazë të nenit 52, ato paguajnë interesa për shumën e rimbursimit sipas përqindjeve të përcaktuara në nenin 49, vetëm kur rimbursimet bëhen më vonë se një vit mbas datës në të cilën personi ka paguar TVSH dhe ai llogaritet nga fundi i periudhës prej një viti deri në datën e rimbursimit.

b)Kur organet tatimore nuk bëjnë rimbursimin e TVSH-së, të kërkuara nga tatimpaguesi në afatet e përcaktuara në nenin 50 të këtij, ato paguajnë interesa për shumën e rimbursimit, sipas përqindjeve të përcaktuara në nenin 49.

(Ky nen i ndryshuar hyn në fuqi në 19.01.2001)

1.Nëse TVSH-ja e detyruar në bazë të këtij ligji nuk është paguar deri në datën në të cilën ai është i detyrueshëm, organet tatimore kanë të drejtë të ndërmarrin veprime për të nxjerrë me forcë TVSH-në e detyruar së bashku me interesat apo gjobat e vëna në bazë të këtij ligji, si një borxh të personit të tatueshëm ndaj Ministrit te Financave.

2.Për të zbatuar dispozitën e paragrafit 1:

a)organet tatimore kanë të drejtë të urdhërojnë çdo bankë që mban llogari të personit të tatueshëm apo çdo person të tretë që i ka detyrime këtij personi të paguajnë nga këto mjete detyrimet e prapambetura të personit të tatueshëm. Urdhëri është titull ekzekutiv.

b)Drejtori i Drejtorisë së Tatimeve pasi i ka dërguar një njoftim me shkrim personit të tatueshëm, e urdhëron atë të shlyejë detyrimin brenda 10 ditëshit të ardhshëm dhe nëse detyrimi nuk shlyhet brenda kësaj periudhe:

 - publikon emrin dhe detyrimin e personit të tatueshëm në gazetë, televizion apo radio,

 - mbyll ambientin e ushtrimit të veprimtarisë ekonomike të personit derisa detyrimi të paguhet,

 - vendos sekuestro mbi mallra, sende ose pasuri të paluajtshme të personit të tatueshëm deri në shlyerjen e detyrimit tatimor.

Pasuritë e sukuestruara sipas parashikimit të kësaj pike kalojnë në favor të shtetit mbas 15 ditësh të marrjes së vendimit të sekuestrimit.

1.Kur një person është person i tatueshëm për qëllimet e këtij ligji, por nuk ka një vend të veprimtarisë ekonomike, apo në rastin e një individi një vend të zakonshëm të rezidencës në Shqipëri, Ministria e Financave ka të drejtë t'i kërkojë atij të emërojë një person tjetër si përfaqësuesin e tij tatimor.

2.Një person emërohet si përfaqesues tatimor vetëm në qoftë se ai ka një vend të veprimtarisë ekonomike ose në rastin e një individi vendin e zakonshëm të rezidencës në Shqipëri.

3.Një person i emëruar si përfaqësues tatimor është personalisht përgjegjës, në bazë të këtij ligji, për të përmbushur të gjitha detyrimet, duke përfshirë çdo gjobë a dënim, për të cilat kryesori i tij detyrohet dhe merr të gjitha të drejtat e kryesorit të tij sipas këtij ligji.

Përfaqëuesi Personal

Kur një person i tatueshëm vdes, bëhet i paaftë, falimenton, shkon në likuidim a shpërndarje, çdo person që vazhdon veprimtarinë ekonomike trajtohet si një person i tatueshëm.

Dënimet jepen për këto raste shkeljesh:

- Nuk kërkon të regjistrohet.

- Nuk regjistrohet në formën e duhur.

- Mosnjoftimi i ndryshimeve.

- Nuk kërkon të çregjistrohet.

- Moslëshimi i faturës.

- Lëshimi i faturës që nuk plotëson detyrimet.

- Lëshimi i faturës që vullnetarisht ose jo përmban informacion të gabuar.

- Mospërshtatja me ndonjë kërkesë të legjislacionit doganor për sa ai zbatohet për TVSH-në.

- Mosshënimi i çmimit përkatës të shitjes.

- Mosbërja e saktësimeve.

- Deklarimi i mallrave a shërbimeve me zero për qind, kur ato nuk janë të tilla.

- Kërkesa për kreditim tatimor, për të cilin personi nuk ka të drejtë.

- Lëshimi i faturës me tatim nga persona të paregjistruar.

- Mosbërja e deklaratës brenda datës së caktuar.

- Mosbërja e deklaratës në formën e saktë.

- Bërja e një deklarate false a të gabuar.

- Mospagimi i tatimit brenda datës së caktuar.

- Mospagimi i tatimit mbas vlerësimit tatimor.

- Mosmbajtja e regjistrimeve përkatëse.

- Mosparaqitja e regjistrimeve dhe dokumenteve sipas kërkesës.

- Mosparaqitja e informacionit siç kërkohet.

- Pengimi a mosdhënia e ndihmës ose moslejimi i hyrjes dhe inspektimit.

- Kërkesa false ose e gabuar për kreditim tatimor dhe rimbursim.

- Shkeljet nga përfaqësuesit tatimor.

- Mosregjistrimi në bazë të dispozitave tranzitore.

Kur shkeljet e mësipërme nuk përbëjnë vepër penale, ato denoncohen me gjobë deri në një milion lekë dhe me sekuestrim të pjesshëm a të plotë të pasurisë. Ministri i Financave cakton me udhëzim kriteret më të hollësishme për masat e dënimit me gjobë dhe sekuestrim sipas shkeljeve të mësipërme në kushte e rrethana të përcaktuara.

Ministri i Financave përcakton në udhëzim skemat e veçanta për personat e tatueshëm të biznesit të vogël ose kategori të veçanta të biznesit, apo për persona të tatueshëm të cilët bëjnë furnizime mallrash a kategori të veçanta mallrash, të furnizuara atyre nga persona të tjerë, përveç personave të tatueshëm.

Çdo person i tatueshëm regjistrohet në bazë të nenit 5 me efekt nga data e hyrjes në fuqi të këtij ligji dhe kërkon të regjistrohet në bazë të nenit 3 jo më vonë se një muaj para datës së hyrjes në fuqi të TVSH-së.

Çdo person ka të drejtë të regjistrohet në bazë të nenit 4 me efekt nga data e hyrjes në fuqi të TVSH-së, ka të drejtë të kerkojë të regjistrohet në përshtatje me nenin 3 në çdo kohë pas fillimit të periudhës së regjistrimit.

Fillimi i periudhës së regjistrimit caktohet nga Ministri i Financave.

Ky ligj hyn në fuqi menjëherë. Zbatimi i TVSH-së dhe zevëndësimi i tatimit mbi qarkullimin fillon në gjashtëmujorin e dytë të vitit 1996. Data e saktë e fillimit të zbatimit të këtij tatimi caktohet nga Këshilli i Ministrave . Me fillimin e zbatimit të TVSH-së, ligji Nr. 7676 datë 3.3.1993 "Për tatimin mbi qarkullimin", si dhe çdo dispozitë tjetër e lidhur me të shfuqizohen.

***Ndryshuar me ligjet:

Ligji nr. 8126, datë 9.07.1996 Ligji nr. 8845, datë 11.12.2001

Ligji nr. 8130, datë 22.07.1996 Ligji nr. 8963, datë 24.10.2002

Ligji nr. 8149, datë 11.09.1996

Ligji nr. 8070, datë 15.02.1996

Ligji nr. 8186, datë 23.01.1997

Ligji nr. 8201, datë 20.03.1997

Ligji nr. 8240, datë 16.09.1997

Ligji nr. 8445, datë 21.01.1999

Ligji nr. 8505, datë 7.07.1999

Ligji nr. 8714, datë 15.12.2000

Ligji nr. 8779, datë 26.04.2001