TABELA E TATIMIT MBI TE ARDHURAT PERSONALE

Në mbështetje të neneve 81, 83 pika 1 dhe 155 të Kushtetutës së Republikës të Shqipërisë, me propozimin e Këshillit të Ministrave,

Me këtë ligj rregullohen marrëdhëniet që lindin në fushën e tatimit mbi të ardhurat personale, tatimit mbi fitimin si dhe të tatimit të mbajtur në burim të të ardhurave.

1. Për qëllim të këtij ligji:

 a. emërimi « tatimpagues » nënkupton çdo person që i nënshtrohet detyrimit të tatimit sipas këtij ligji;

 b. emërimi « person » nënkupton :

  - një « individ » (person fizik jotregtar sipas Kodit Civil);

  - një « person fizik » (person fizik tregtar) ;

  - një « person juridik » (shoqëri tregtare e themeluar sipas ligjit nr.7638, datë 19.11.1992 « Për shoqëritë tregtare », personat e tjerë juridike të themeluar sipas Kodit Civil, të cilët ushtrojnë veprimtari fitimprurëse në Republikën e Shqipërisë, si dhe personat e tjerë juridike të themeluar ose të njohur si të tillë me ligje të veçanta) ;

  - një « ortakëri », si bashkim personash, fizikë dhe juridikë, për të kryer një veprimtari të përkohshme, të përbashkët me qëllim fitimi, që nuk krijohet si person juridik më vete në format e parashikuara nga ligji nr.7638, datë 19.11.1992 « Për shoqëritë tregtare », nga Kodi Civil ose nga ligje të veçanta.

c. dy persona konsiderohen « persona të lidhur », nëse njëri prej tyre vepron ose mund të veprojë në përputhje me drejtimet, kërkesat, sugjerimet apo dëshirat e personit tjetër, ose që të dy mund të veprojnë në përputhje me drejtimet, kërkesat, sugjerimet apo dëshirat e një personi të tretë, pavarësisht nëse këto drejtime, kërkesa, sugjerime apo dëshira janë komunikuar (deklaruar). Në veçanti do të konsiderohen si « persona të lidhur » personat e mëposhtëm :

 - bashkëshortët, prindërit apo fëmijët e tyre ;

 - një shoqëri tregtare apo çdo person, që zotëron drejtpërdrejt ose tërthorazi 50 për qind ose më shumë, në vlerë apo në numër, të aksioneve apo të fuqisë votuese të një shoqërie tjetër.

 - dy ose më shumë shoqëri, nëse një person i tretë zotëron drejtperdrejt ose terthorazi 50 për qind ose më shumë, në vlerë ose në numër, të aksioneve ose të fuqisë votuese në secilën shoqëri.

2.a. Emërimi « Seli e Përhershme », nënkupton një vend të caktuar biznesi, nëpërmjet të cilit ushtrohet tërësisht apo pjesërisht biznesi i një personi.

 b. Do të konsiderohen si seli të përhershme: një zyrë administrative, një degë, një fabrikë, një punishte, një miniere apo çdo vend tjetër për shfrytëzimin e burimeve natyrore, si dhe një shesh ndërtimi, rikonstruksioni, instalimi apo montimi.

 c. Një person nuk do të konsiderohet se ka seli të përhershme nëse ai:

  - përdor mjediset vetëm për qëllim magazinimi apo ekspozimi të mallrave që i përkasin atij personi;

  - mban një gjendje mallrash që i përkasin atij personi vetëm me qëllim magazinimi apo ekspozimi;

  - mban një gjendje mallrash që i përkasin atij personi vetëm për qëllime përpunimi nga një person tjetër;

  - mban një vend të caktuar biznesi vetëm për qëllim blerjeje mallrash apo për mbledhje të dhënash për biznesin e atij personi;

  - mban një vend të caktuar biznesi vetëm për qëllim ushtrimin e çdo veprimtarie përgatitore apo ndihmese për biznesin e atij personi.

 ç. Pavarësisht nga dispozitat e shkronjave « a » dhe « b » të sipërpërmendura, kur një agjent i ndryshëm nga një agjent i pavarur, ndaj të cilit zbatohet shkronja « d » e përmendur më poshtë, vepron në emër të një personi, ka dhe zakonisht ushtron një autoritet për të përfunduar kontrata në emër të atij personi. Ai person do të trajtohet njëlloj sikur të kishte një seli të përhershme në vendin ku ushtrohen këto veprimtari, për çdo veprimtari që kryen agjenti për atë person, përveç rasteve kur veprimtaritë e agjentit kufizohen në shkronjën « c » të përmendur më sipër, të cilat edhe kur ushtrohen nëpërmjet një vendi të caktuar biznesi, nuk do ta bënin atë vend të caktuar biznesi një seli të përhershme.

 d. Një person nuk do të konsiderohet se ka një seli të përhershme kur ai ushtron biznesin e tij nëpërmjet një ndërmjetësi, agjenti komisioner të përgjithshëm, apo çdo agjenti tjetër me një status të pavarur, me kusht që këta agjentë të veprojnë në kuadër të zakonshëm të biznesit të tyre.

dh. Fakti që një shoqëri kontrollon ose kontrollohet prej një shoqërie tjetër, nuk përbën në vetvete arsye për ta quajtur secilën shoqëri seli të përhershme të tjetrës.

 a. "biznes" nënkupton çdo veprimtari ekonomike që ka për qëllim realizimin e një fitimi;

 b. "vendndodhje e biznesit" nënkupton çdo dyqan, njësi të veçantë ose vende të tjera të palëvizshme, ku kryhet biznes;

 c. "qarkullim" nënkupton të ardhurat gjithsej të realizuara nga shitja e mallrave dhe kryerja e shërbimeve;

 ç. "ambulant" nënkupton një person fizik, të angazhuar në shitjen e mallrave ose kryerjen e shërbimeve, i cili nuk ka vendndodhje fikse të biznesit të tij;

 d. "transport individual" nënkupton:

  - një person fizik, që kryen si biznes transportin e mallrave ose të pasagjerëve, duke përdorur jo më shumë se një automjet;

Rezident në Republikën e Shqipërisë janë këta persona:

Indidividi, në rast se:

- ka një vendbanim të qëndrueshëm në territorin e Republikës së Shqiperisë, në kuptim të nenit 12 të Kodit Civil;

- është shtetas shqiptar dhe funksionar konsullor, diplomatik ose i ngjashëm i Republikës së Shqipërisë, jashtë territorit të saj.

Individi, që, në mënyrë të vazhdueshme ose me ndërprerje, qëndron në Republikën e Shqipërisë për më tepër se 183 ditë të një periudhe tatimore.

***Personi juridik, i cili:

- ka selinë qendrore (zyrën qendrore) në Republikën e Shqipërisë;

- ka vendin e menaxhimit efektiv të biznesit në Republikën e Shqipërisë.

Personi fizik, që, sipas legjislacionit tregtar, është regjistruar me këtë cilësi në regjistrin tregtar të gjykatës kompetente.

Të ardhurat nga një burim në Republikën e Shqipërisë, pa u kufizuar vetëm në to, do të perfshijnë të ardhurat si vijon:

a. Të ardhurat nga marrëdhënia e punës së ushtruar në Republikën e Shqipërisë;

b. të ardhurat nga veprimtari kulturore apo sportive, si dhe nga veprimtari të tjera, personale në Republikën e Shqipërisë;

c. të ardhurat nga veprimtaria e zhvilluar nga një person jorezident, nëpërmjet një personi me seli të përhershme në Republikën e Shqipërisë;

d. të ardhurat nga kalimi i së drejtës së pronësisë mbi sendet e paluajtshme, që i përfiton një person me seli të përhershme në Republikën e Shqipërisë;

dh. të ardhurat nga pronësia mbi pasuritë e paluajtshme, aksesorët dhe frytet e tyre, si dhe të ardhurat nga të drejta të tjera, që rrjedhin nga pronësia mbi sendet e paluajtshme, në rast se këto sende ndodhen në territorin Republikës së Shqipërisë;

e. të ardhurat nga kalimi i pronësisë mbi pasuritë e parashikuara në gërmën "dh" të këtij neni;

ë. të ardhurat nga dividentët e shpërndarë nga një person juridik, rezident;

f. të ardhurat nga pjesët e fitimit, të paguar nga një ortakëri rezidente;

g. të ardhurat nga interesat e paguar nga organet e qeverisjes qëndrore apo vendore ose nga një rezident i Republikës së Shqipërisë, ose që paguhet nga një jo rezident, nëpërmjet një personi që ka seli të përhershme në Republikën e Shqipërisë;

gj. të ardhurat nga e drejta e autorit dhe pronësia intelektuale, qeraja dhe enfiteoza;

h. të ardhurat e tjera, të përfituara nga një jorezident, nëpërmjet një personi me seli të përhershme në Republikën e Shqipërisë.

i. të ardhura të tjera që nuk identifikohen në format e paraqitura në këtë nen.

Periudha tatimore fillon më 1 Janar dhe përfundon më 31 Dhjetor të çdo viti kalendarik.

Tatimi mbi të ardhurat personale, që më poshtë do të quhen "të ardhura", llogaritet mbi të ardhurat e individëve.

1. Individët rezidentë i nënshtrohen detyrimit për tatimin mbi të ardhurat personale gjatë periudhës tatimore, për të gjitha burimet e të ardhurave, sipas parashikimeve të këtij kreu.

2. Individët jorezidentë i nënshtrohen detyrimit për tatimin mbi të ardhurat personale gjatë periudhës tatimore, për burimet e të ardhurave, sipas parashikimeve të këtij kreu, të realizuara në territorin e Republikës së Shqipërisë.

Për qëllime të tatimit mbi të ardhurat personale, merren si të ardhura të tatueshme:

a. pagat dhe shpërblimet e tjera, në lidhje me marrëdhëniet aktuale të punës;

Përjashtohen të ardhurat nga pagat dhe shpërblimet për marrëdhëniet e punës të zyrtarëve të konsullatave, diplomatët, ose funksionarë të ngjashëm të vendeve të tjera, si dhe të organizatave ndërkombëtare, të cilët, gjatë kryerjes së funksioneve të tyre zyrtare në Republikën e Shqipërise, në përputhje me konventat ose marrëveshjet ndërkombëtare të nënshkruara, ose të pranuara nga Republika e Shqipërisë apo Qeveria Shqiptare, kanë statusin e diplomatit. Nuk i nënshtrohen përjashtimeve të këtij paragrafi individët, shqiptarë apo të huaj, të cilët nuk gëzojnë statusin e diplomatit, të njohur nga konventa apo marrëveshjet ndërkombëtare për këtë qëllim;

b. të ardhurat që rrjedhin nga fitimi i ortakut apo i aksionerit në shoqërinë tregtare;

c. të ardhurat nga interesat bankare apo ato të përfituara nga letrat me vlerë, me përjashtim të interesave të marra nga bonot e thesarit ose letra të tjera me vlerë të Qeverisë të emëtuara para hyrjes në fuqi të këtij ligji;

ç. të ardhurat që rrjedhin nga e drejta e autorit dhe pronësia intelektuale;

d. të ardhurat nga enfiteoza, huaja dhe qeratë, me përjashtim të rasteve, kur të ardhurat janë realizuar nga zhvillimi i një veprimtarie tregtare, në kuptim të legjislacionit tregtar;

dh. të ardhurat nga kalimi i së drejtës së pronësisë mbi pasuritë e paluajtshme;

e. të ardhurat e individëve nga lojërat e fatit dhe kazinotë.

f. të ardhurat e realizuara nga diferenca ndërmjet çmimit të shitjes dhe çmimit të blerjes  së kuotave ose aksioneve, që një ortak ose aksioner zotëron dhe ia shet një personi tjetër;

g. të ardhura të tjera, që nuk identifikohen në format e paraqitura në këtë nen, të realizuara nga individë rezidentë ose nga persona jorezidentë, por me burim në Republikën e Shqipërisë.

Neni 8/1

Të ardhura të përjashtuara

Përjashtohen nga tatimi mbi të ardhurat vetjake:

1. Të ardhurat e përfituara si rezultat i sigurimit në skemën e detyrueshme të sigurimeve shoqërore dhe shëndetësore, si dhe ndihmat ekonomike për individët pa të ardhura ose me të ardhura të ulëta, sipas përcaktimeve në legjislacionin përkatës në fuqi.

2. Bursat e nxënësve dhe të studentëve.

3. Shpërblimet e marra në raste sëmundjesh, fatkeqësish, në përputhje me dispozitat e legjislacionit përkatës në fuqi.

4. Të ardhurat e përfituara, përfshirë të ardhurat në formë monetare ose në natyrë, nga pronarët si shpërblim për shpronësimet që i bëhen nga shteti për interesa publikë.

5. Kontributet e detyrueshme të sigurimeve shoqërore dhe shëndetësore.

6. Të ardhurat që përjashtohen në bazë të marrëveshjeve ndërkombëtare të ratifikuara nga Kuvendi i Republikës së Shqipërisë.

1. Pagat dhe shpërblimet, në lidhje me marrëdhëniet e punës aktuale, do të tatohen sipas tarifave të përshkruara në pasqyrën nr. 1, e cila i bashkëlidhet këtij ligji.

2. Dividentët, të ardhurat që rrjedhin si fitim i ortakut, qoftë ky ortak i vetëm, interesat nga huatë, depozitat ose kontratat e ngjashme, të ardhurat nga e drejta e autorit ose pronësia intelektuale, si dhe të gjitha shpërblimet ose të ardhurat e tjera që nuk parashikohen ndryshe në dispozita të tjera të këtij ligji, tatohen me 10 për qind.

3. Shfuqizuar..

1. Çdo punëdhënës, që paguan një pagë a shpërblim të parashikuar në gërmën "a", të nenit 8 të këtij ligji, mban tatimin mbi të ardhurat personale, në përputhje me paragrafin e parë, të nenit 9 të këtij ligji, dhe e derdh tatimin e mbajtur në favor të organeve tatimore, jo më vonë se data 15 e muajit pasardhës të kryerjes së pagesës.

2. Të gjithë punëdhënësit mbajnë regjistrime të pagesave te specifikuara në gërmën "a", të nenit 8 të këtij ligji, sipas udhëzimeve të Ministrisë së Financave.

3. Të gjithë punëdhënësit dhe personat e vetëpunësuar janë të detyruar të deklarojnë tatimin mbi të ardhurat vetjake, të mbajtur në burim për punëmarrësit. Forma, përmbajtja, afatet dhe procedurat e dorëzimit të deklaratave përcaktohen në udhëzimin e Ministrit të Financave të nxjerrë në zbatim të këtij ligji.

1. Kalimi i së drejtës së pronësisë mbi pasuritë e paluajtshme tatohet sipas pasqyrës nr. 2, e cila i bashkëlidhet këtij ligji.

2. Tatimi derdhet nga personi që kalon të drejtën e pronësisë mbi pasurinë e paluajtshme, para kryerjes së regjistrimit te sendet e mësipërme, në përputhje me aktet ligjore. Pasuria e paluajtshme nuk regjistrohet, pa provuar pagimin e detyrimit pranë zyrave të regjistrimit të pasurisë së paluajtshme.

3. Zyrat e regjistrimit të pasurive të paluajtshme janë të detyruara që, brenda 10 ditëve, të derdhin tatimin e paguar sipas parashikimeve të këtij neni.

1. Çdo person, që përfiton një shumë nga lojërat e fatit dhe kazinotë, paguan një tatim në masën 20 për qind të shumës së fituar. Ky tatim mbahet nga organizatori i lojës së fatit apo kazinos, i cili është i detyruar që, brenda 24 orëve, ta derdhë këtë shumë në favor të organeve tatimore.

2. Personi organizator i lojrave të fatit apo kazinosë i lëshon fituesit një dokument, ku shënohet shuma e fituar, duke zbritur tatimin e mbajtur.

Çdo person që, gjatë periudhës tatimore, përfiton të ardhura, të cilat i nënshtrohen tatimit mbi të ardhurat personale, duhet t’i deklarojë këto të ardhura, sipas përcaktimeve të Ministrisë së Financave. Këtij detyrimi nuk i nënshtrohen personat që përfitojnë të ardhura sipas paragrafit të parë të nenit 10 dhe nenit 33 të këtij ligji.

Veprimet ose mosveprimet e mëposhtme sipas kreut II të këtij ligji, kur nuk përbëjnë vepër penale, janë kundravajtje administrative:

a. Mosdokumentimi i pagesave të kryera, mosllogaritja dhe mosmbajtja e tatimit në burim, si dhe fshehja ose falsifikimi i të dhënave për të ardhurat e paguara për çdo tatimpagues.

b. Mosdeklarimi dhe mosderdhja në mënyrë korrekte e detyrimit për tatimin mbi të ardhurat personale nga individët që detyrohen të bëjnë një gjë të tillë, në zbatim të nenit 13 të këtij ligji.

c. Mosderdhja në buxhetin e shtetit nga agjentët tatimorë të tatimit të llogaritur.

ç. Mosmbajtja e regjistrimeve për të ardhurat e paguara tatimpaguesve dhe për tatimet e mbajtura, të cilat janë transferuar në buxhet, duke përfshirë mbajtjen e regjistrimeve për çdo tatimpagues.

d. Paraqitja me vonesë e deklaratës së të ardhurave personale, e kërkuar në zbatim të nenit 13 të këtij ligji.

dh. Mospagimi i detyrimeve tatimore në afatet e përcaktuara në këtë ligj.

e. mosdorëzimi në kohë i deklaratës për tatimin mbi të ardhurat vetjake të mbajtura në burim sipas nenit 10 dhe mospagimi në kohë i tatimit të kërkuar;

ë. deklarimi më i ulët i të ardhurave vetjake për t’u paguar;

f. mbajtja në burim e tatimit mbi të ardhurat vetjake të punëmarrësve, por mospagimi i tyre në organin tatimor.

Kundërvajtjet administrative të parashikuara në nenin 14 të këtij ligji, dënohen si vijon:

a. Për rastet e shkeljeve sipas shkronjave "a", "b" dhe "c", të nenit 14, personat përgjegjës, përveç shumës së detyrimit të tatimit, paguajnë edhe një dënim të barabartë me shumën e këtij detyrimi tatimor.

b. Për rastet e shkeljeve sipas shkronjës "ç" të nenit 14, personat përgjegjës dënohen me gjobë në masën 10 mijë lekë.

c. Për rastet e shkeljeve sipas shkronjës "d" të nenit 14, personat përgjegjës dënohen me gjobë në masën 20 mijë lekë.

ç. Për rastet e shkeljeve sipas shkronjës "dh" të nenit 14, personat përgjegjës paguajnë interesa për pagesë të vonuar në përputhje me ligjin nr. 8560, datë 22.12.1999 "Për proçedurat tatimore në Republikën e Shqipërisë".

Proçedurat e ankimit dhe të ekzekutimit të masave administrative bëhen në përputhje me ligjin nr. 8560, datë 22.12.1999 "Për proçedurat tatimore në Republikën e Shqipërisë".

d. për rastet e shkeljeve të dispozitave, të parashikuara në shkronjën “e” të nenit 14, punëdhënësi gjobitet me 10 për qind të shumës së tatimit të mbajtur në burim, të deklaruar me vonesë, dhe jo më pak se 10 mijë lekë për çdo muaj ose pjesë të muajit që vijon pas datës që duhet të ishte bërë deklarimi;

dh. për rastet e shkeljeve të dispozitave të parashikuara në shkronjën “ë” të nenit 14, punëdhënësi gjobitet me 100 për qind të shumës së detyrimeve që nuk janë paguar;

e. në rastet e shkeljes së dispozitave të parashikuara në shkronjën “f” të nenit 14, punëdhënësi gjobitet me 100 për qind të shumës së papaguar të kontributeve. Kur këto kontribute nuk i janë paguar organit tatimor edhe pas një periudhe prej 3 muajsh nga data e përcaktuar në ligjin përkatës, atëherë mbi punëdhënësin bëhet kallëzim penal.”.

1. Tatimit mbi fitimin i nënshtrohen këta persona :

 a. **Personat juridikë dhe ortakëritë të parashikuara në nënparagrafet "iii" dhe "iv" të shkronjës "b" të pikës 1 të nenit 2 dhe që janë të regjistruar për TVSH-në.

 b. Personat juridikë, ortakëritë apo bashkimet e tjera të personave të themeluara ose të organizuara në bazë të një ligji të huaj dhe që ushtrojnë veprimtari në territorin e Republikës së Shqipërisë;

 c. Çdo person tjetër, pavarësisht nga forma juridike e regjistrimit apo e njohjes së tij, kur ky është subjekt i tatimit mbi vlerën e shtuar.

2. Tatimit mbi fitimin i nënshtrohen të gjithë personat fizikë, të regjistruar në TVSH dhe që nuk janë subjekte të tatimit mbi biznesin e bogël.

Neni 17

Detyrimi për të paguar

1.Tatimpaguesit rezidentë i nënshtrohen tatimit mbi fitimet e realizuara nga të gjitha burimet, brënda dhe jashtë territorit të Republikës së Shqipërisë.

2. Tatimpaguesit jorezidentë i nënshtrohen tatimit mbi fitimet e realizuara nga të gjitha të ardhurat, me burim në Republikën e Shqipërisë.

Përjashtohen nga tatimi mbi fitimin:

a. organet e qeverisjes qëndrore dhe vendore;

b. Banka e Shqipërisë;

c. personat juridikë që ushtrojnë vetëm veprimtari të karakterit fetar, humanitar, bamirës, shkencor apo edukativ, pasuria apo fitimi i të cilëve nuk përdoret për përfitimin e organizuesve apo anëtarëve të tyre;

ç. organizatat e punës apo dhomat e tregëtisë, industrisë ose bujqësisë, pasuria apo fitimi i të cilave nuk përdoret për përfitimin e një individi apo të një anëtari të tyre;

d. organizatat ndërkombëtare, agjensitë e bashkëpunimit teknik dhe përfaqësitë e tyre, përjashtimi nga tatimet i të cilave parashikohet nga marrëveshje të veçanta;

dh. personat e parashikuar në marrëveshjet ndërkombëtare të rartifikuara nga Kuvendi.

Fitimi i tatueshëm për periudhën tatimore përcaktohet në bazë të bilancit dhe të anekseve të tij, që duhet të jenë në përputhje me ligjin nr.7661, datë 19.1.1993 "Për kontabilitetin", me dispozitat e këtij ligji, si dhe me aktet nënligjore të nxjerra nga Ministria e Financave për këtë qëllim.

Për përcaktimin e fitimit të tatueshëm në Republikën e Shqipërisë njihen si shpenzime ato që kryhen për qëllime fitimi, sigurimi dhe ruajtje të fitimit, në masën që këto shpenzime provohen dhe dokumentohen nga tatimpaguesi, si dhe kur janë objekt i kufizimeve të specifikuara nga ky ligj.

Dokumenti i përdorur si bazë për justifikimin e shpenzimit, për efekt tatimor, është fatura tatimore me TVSH, fatura e thjeshtë tatimore dhe çdo dokument tjetër i përpiluar dhe i lëshuar, në përputhje me udhëzimet e Ministrit të Financave, në zbatim të legjislacionit tatimor.

1. Për efekt të përcaktimit të fitimit të tatueshëm, nuk njihen shpenzimet si vijon:

a. Kostoja e blerjes dhe e përmirësimit të tokës dhe të truallit;

b. Kosto e blerjes, përmirësimit, rinovimit dhe rikonstruksionit të aktiveve të veprimtarisë, të cilat amortizohen, në përputhje me nenin 22 të këtij ligji;

c. Zmadhimi i kapitalit themeltar të shoqërisë ose i kontributit të secilit person në ortakëri;

ç. vlera e shpërblimeve në natyrë;

d. kontributet vullnetare të pensioneve;

e. dividentët e deklaruar dhe ndarjet e fitimit për ortakët apo aksionerët e shoqërive tregtare, si dhe fitimet në rastet e ortakërisë;

ë. interesat e paguara, të cilat tejkalojnë interesin maksimal të kredisë së përcaktuar nga Banka e Shqipërisë;

f. gjobat, kamatë-vonesat dhe kushtet e tjera penale;

g. krijimi ose rritja e rezervave dhe e fondeve të tjera, speciale, përveç rasteve të parashikuara në ligj apo në akte nënligjore.

gj. tatimi mbi të ardhurat personale, akciza, tatimi mbi fitimin dhe tatimi mbi vlerën e shtuar të zbritshëm;

h. shpenzimet e përfaqësimit dhe shpenzimet për pritje-përcjellje që tejkalojnë shumën 0,3 për qind të qarkullimit vjetor;

i. shpenzimet e konsumit personal, të përcaktuara nga Ministri i Financave;

j. shpenzime të cilat tejkalojnë kufijtë e përcaktuar me ligj apo me akte nënligjore.

k. shpenzime për dhurata;

l. çdo shpenzim, masa e të cilit nuk vërtetohet me dokumente nga tatimpaguesi.

ll. shpenzimet për shërbime teknike, konsulencë dhe të menaxhimit të faturuara nga persona të tretë, por të palikuiduara brenda periudhës tatimore nga tatimpaguesi.

2. Në qoftë se gjatë periudhës tatimore, huaja dhe parapagimi tejkalon, mesatarisht, katër herë shumën e kapitalit themeltar, interesi i paguar për këtë masë nuk njihet si shpenzim i zbritshëm. Ky paragraf nuk zbatohet në rastin e bankave dhe të shoqërive të sigurimeve.

3. Në rastin e personave juridikë, që nuk janë themeluar sipas ligjit nr. 7638, datë 19.11.1992 "Për shoqëritë tregtare" paragrafi i dytë i këtij neni zbatohet në të njëjtën mënyrë si edhe për subjektet e tjera të parashikuara në këtë nen.

1. Në përcaktimin e fitimit të tatueshëm, amortizimi për aktivet e veprimtarisë llogariten nga:

 a. pronari i aktiveve të veprimtarisë, në të gjithë rastet, përveç atyre të përmendura në shkronjën "b" të këtij neni;

 b. në rastet e aktiveve të dhëna me qira, me huapërdorje ose në një formë tjetër, të parashikuar me dispozita ligjore, nga personi që mbart riskun për humbjen apo shkatërrimin e aktivit.

2. Toka, trualli, veprat e artit, sendet antike, bizhuteritë, metalet dhe gurët e çmuar, nuk amortizohen;

3. Kostot e blerjes ose ndërtimit, kostot e përmirësimit, rinovomit dhe rikonstruksionit të ndërtesave, të konstruksioneve dhe makinerive e pajisjeve me afat të gjatë shërbimi, amortizohen veçmas, në mënyrë lineare, me 5 për qind;

4. Kostot e blerjes ose të ndërtimit dhe kostot e përmirësimit, të rinovimit dhe rikonstruksionit, të aktiveve të patrupëzuara, amortizohen veçmas, në mënyrë lineare, me 10 për qind;

5. Dy kategoritë e mëposhtme të aktiveve amortizohen, në bazë të një sistemi grupimi, me përqindje si vijon:

 a. Kompjutera, sisteme informacioni, produkte "softëare" dhe pajisje të ruajtjes së të dhënave me 25 për qind.

 b. Të gjitha aktivet e tjera të veprimtarisë me 20 për qind.

 c.Për aktivet e ndërmarrjeve shtetërore apo shoqërive me kapital tërësisht shtetëror, që amortizohen sipas shkronjës "b" të paragrafit të pestë të këtij neni, norma e amortizimit për vitet 1999-2000 është 10 për qind.

6. Në çdo kategori, të përshkruar në paragrafin e pestë të këtij neni, përqindja e amortizimit, e specifikuar në këtë pikë, zbatohet mbi bazën e amortizimit të kategorisë përkatëse.

7. Baza e amortizimit të jetë vlera kontabël e kategorisë së regjistruar në bilancin e hapjes së periudhës tatimore:

 a. duke i shtuar koston e blerjes apo të krijimit të aktivit dhe koston e përmirësimit, rinovimit dhe rikonstruksionit të aktiveve të kategorisë gjatë periudhës tatimore;

 b. duke i zbritur çmimin e shitjes së aktiveve dhe kompensimet e marra për humbjen e aktiveve, për shkak të forcave të tjera madhore ose të shndërrimeve të tjera, të pavullnetshme gjatë periudhës tatimore.

Në rastin kur baza e amortizimit është një shumë negative, kjo shumë i shtohet fitimit të tatueshem dhe baza e amortizimit merret zero.

Në rastin kur baza e amortizimit nuk kalon 5 000 lekë, e gjithë baza e amortizimit të jetë një shpenzim i zbritshëm veprimtarie.

Në rastin kur bëhet rivlerësim i aktiveve të veprimtarisë nuk lejohet të llogaritet amortizimi për shumën e rivlerësuar.

Në fund të periudhës tatimore tatimpaguesi vlerëson gjëndjen e inventarit me metodën e zgjedhur të vlerësimit, e cila duhet të zbatohet në mënyrë të qëndrueshme.

Në përcaktimin e fitimit të tatueshëm, borxhi i keq njihet si shpenzim i zbritshëm, në rast se plotësohen, njëkohësisht, tri kushtet e mëposhtme:

a. Një shumë, që korrespondon me këtë borxh, është përfshirë më parë në të ardhurat;

b. borxhi është fshirë nga librat kontabël të tatimpaguesit;

c. janë ndërmarrë të gjitha veprimet e mundshme ligjore për arkëtimin e tij.

Në përcaktimin e fitimit të tatueshëm të bankave dhe të shoqërive të sigurimit, janë shpenzime të njohura rezervat teknike, të krijuara në përputhje me ligjin nr. 8081, datë 7.3.1996 "Për veprimtaritë e sigurimit dhe të risigurimit" dhe provizionet e bankave të krijuara, sipas rregullave të Bankës së Shqipërisë për këtë qëllim. Megjithatë, shumat e rimarra nga këto rezerva apo provizione i shtohen fitimit të tatueshëm.

1. Në përcaktimin e fitimit të tatueshëm të një personi rezident përjashtohen si të ardhura dividentët dhe ndarjet e fitimit,

2.Kur ato shpërndahen nga shoqëritë dhe ortakëritë rezidente që:

 a. janë subjekte të tatimit mbi fitimin;

 b. subjekti përfitues ka një paketë aksionesh, jo më pak se 25 për qind, në vlerë ose në numër, të kapitalit aksioner ose të së drejtës së votës dhe për ortakëritë jo më pak se 25 për qind të kapitalit fillestar.

1. Në rast se fitimi i tatueshëm në një periudhë tatimore rezulton negativ, humbjet e rezultuara mund të mbulohen me fitimet në tri periudhat e ardhshme tatimore, sipas parimit ‘‘humbja e parë më përpara se ajo e fundit’’.

2. Në rast se gjatë një periudhe tatimore pronësia e drejtpërdrejtë dhe/ose e tërthortë e kapitalit themeltar ose e të drejtave të votës, të një personi, ndryshon me më shumë se 25 për qind, në vlerë ose në numër, paragrafi i mësipërm nuk zbatohet për humbjet e pësuara nga ai person juridik në atë periudhë tatimore dhe në periudhat paraardhëse të tatimit.

Shkalla tatimore e tatimit mbi fitimin është 25 për qind.

Neni 29

Deklarimi tatimor dhe llogaritja përfundimtare e detyrimit

1. Çdo tatimpagues përgatit deklaratën vjetore të të ardhurave të tatueshme në formën e përcaktuar në udhëzimin e Ministrit të Financave në zbatim të këtij ligji. Tatimpaguesit paraqesin deklaratën vjetore në organet tatimore brenda datës 31 mars të vitit pasardhës, duke paraqitur në të njëjtën kohë bilancin kontabël së bashku me anekset e tij, si dhe çdo të dhënë tjetër të përcaktuar në udhëzimin e Ministrit të Financave në zbatim të këtij ligji. Për efekte fiskale, të dhënat e dokumenteve të mësipërme quhen të pranuara, kur miratohen nga administrata tatimore ose kur kalojnë dy muaj pas dorëzimit të tyre zyrtar dhe administrata tatimore nuk përgjigjet zyrtarisht.

2.Tatimi i llogaritur në bazë të deklaratës vjetore të të ardhurave të tatueshme, pakësuar me shumat e përcaktuara sipas nenit 37 të këtij ligji dhe me parapagimet e bëra gjatë periudhës tatimore, paguhet nga tatimpaguesi në llogarinë e organeve tatimore, në çastin e paraqitjes së deklaratës vjetore të të ardhurave të tatueshme.

3. Çdo parapagim i rezultuar më shumë se tatimi i llogaritur në bazë të pikës 2 të këtij neni, njihet nga organet tatimore për shlyerjen e detyrimeve tatimore të prapambetura ose për pagesën e detyrimeve tatimore të ardhshme ose, me kërkesën e tatimpaguesit, i rikthehet atij nga organet tatimore brenda 60 ditëve nga marrja e deklaratës tatimore.

1. Gjatë periudhës vijuese, tatimore, tatimpaguesi parapaguan, në llogarinë e organeve tatimore, jo më vonë se data 15 e çdo muaji, shumat si vijon:

 a. Për çdo njërin nga muajt janar, shkurt, mars e prill të periudhës vijuese tatimore, shumën e tatimit mbi fitimin për periudhën tatimore të dy viteve më parë pjestuar me 12;

 b. Për çdo njërin nga 8 muajt e tjerë të periudhës vijuese tatimore, shumën e tatimit mbi fitimin për periudhën paraardhëse tatimore, pakësuar me pagesat e bëra nga janari deri në prill të periudhës vijuese tatimore, pjesëtuar me 8.

2. Në rastin kur tatimpaguesi e fillon veprimtarinë gjatë periudhës tatimore të vitit të dytë paraardhës, parapagimet për muajt janar-prill të periudhës vijuese tatimore të jenë si vijon:

Shuma e tatimit mbi fitimin për periudhën tatimore të dy viteve më parë pjestuar me numrin e muajve gjatë të cilëve tatimpaguesi ka ushtruar veprimtarinë tatimore. Për përcaktimin e parapagimeve për muajt e tjerë të periudhës vijuese tatimore, tatimi llogaritet sipas shkronjës "b" të paragrafit të parë të këtij neni.

3. Në rastin kur tatimpaguesi e fillon veprimtarinë gjatë periudhës paraardhëse tatimore, parapagimet për muajt Janar-Prill të periudhës vijuese tatimore, të jenë sa shuma e vlerësuar e tatimit mbi fitimin për periudhën e mëparshme, pjesëtuar me numrin e muajve të periudhës së mëparshme, për të cilët është ushtruar veprimtari. Shkronja "b" e paragrafit të parë të këtij neni zbatohet për përcaktimin e parapagimeve, për efekt të muajve të mbetur nga periudha vijuese tatimore.

4. Në rastin kur një tatimpagues fillon të ushtrojë një veprimtari në periudhën vijuese tatimore, parapagimet për këtë periudhë të jenë sa shuma e vlerësuar e tatimit mbi fitimin për periudhën vijuese, pjesëtuar me numrin e muajve të mbetur nga periudha vijuese tatimore. **Përjashtimisht tarimpaguesit të cilët fillojnë veprimtarinë në periudhën vijuese dhe ushtrojnë veprimtari në sferën prodhuese, nuk do t’i nënshtrohen parapagimit të detyrimit për tatimin mbi fitimin për një periudhë 6-mujore ose për periudhën e mbetur deri në fund të vitit vijues, nëse kjo periudhë është edhe më e vogël se 6 muaj.

5. Në rastin kur tatimpaguesi, në çdo kohë, gjatë periudhës tatimore, vërteton para organeve tatimore se tatimi mbi fitimin për këtë periudhë tatimore do të jetë, në mënyrë domethënëse, më i ulët se tatimi mbi fitimin në periudhën paraardhëse ose periudhën e dytë paraardhëse, atëherë organet tatimore pranojnë zvogëlimin e parapagimeve, sipas rregullave të vendosura nga Ministria e Financave.

6. Nëse organet tatimore vlerësojnë se tatimi mbi fitimin për periudhën vijuese tatimore do të tejkalojë me më tepër se 10 për qind tatimin mbi fitimin e periudhës së mëparshme tatimore, ajo mund të rregullojë në rritje parapagimet, në përputhje me tatimin mbi fitimin e vlerësuar prej saj.

7. Për tatimpaguesit, parapagimet mujore të të cilëve, sipas paragrafit të parë të këtij neni, në periudhën vijuese ose atë paraardhëse tatimore nuk kanë kaluar 10.000 Lekë, këto parapagime mund të akumulohen për çdo 3-mujor dhe të paguhen deri në datën 15 të muajit që ndjek 3-mujorin.

Veprimet apo mos veprimet e mëposhtëme, sipas Kreut III të këtij ligji, kur nuk përbëjnë vepër penale, janë kundërvajtje administrative:

a. Mospasqyrimi i saktë i të ardhurave dhe shpenzimeve nga veprimtaria me efekt në rezultatin financiar.

b. Falsifikimi i të dhënave dhe i dokumentacionit për të ardhurat dhe shpenzimet.

c. Mosparaqitja brënda afatit kohor e deklaratës tatimore dhe e bilancit kontabël së bashku me anekset e tij.

ç. Mosrespektimi i afatit të përcaktuar në këtë ligj për pagimin e tatimit.

d. Mbajtja e gabuar e llogarive, pa pasoja në rezultatin financiar.

dh. **Mosplotësimi i saktë dhe moskuadrimi i të dhënave të pasqyrave të bilancit kontabël, anekseve të tij dhe të dhënave të tjera të kërkuara nga ligji nr.8438, datë 28.12.1998 "Për tatimin mbi të ardhurat" dhe aktet nënligjore në zbatim të tij.

Kundërvajtjet administrative të parashikuara në nenin 31 të këtij ligji, kur nuk përbëjnë, vepër penale, janë kundërvajtje administrative dhe dënohen si vijon:

a. Për rastet e shkeljeve sipas shkronjave "a" dhe "b" të nenit 31 të këtij ligji, personat përgjegjës, përveç shumës së detyrimit të tatimit, paguajnë edhe një dënim të barabartë me shumën e këtij detyrimi tatimor.

b. Për rastet e shkeljeve sipas shkronjës "c" të nenit 31 të këtij ligji, personat përgjegjës dënohen me gjobë në masën 40 mijë lekë.

c. Për rastet e shkeljeve sipas shkronjës "ç" të nenit 31 të këtij ligji, personat përgjegjës paguajnë interesa për pagesë të vonuar, në përputhje me ligjin nr. 8560, datë 22.12.1999 "Për proçedurat tatimore në Republikën e Shqipërisë".

ç. Për rastet e shkeljeve sipas shkronjës "d" të nenit 31 të këtij ligji, personat përgjegjës dënohen me gjobë 10 mijë lekë.

d. **Për rastet e shkeljeve sipas shkronjës "dh" të nenit 31, dënohen me gjobë:

 - në masën 25 mijë lekë individi, përgjegjësi që është ngarkuar nga tatimpaguesi për plotësimin e pasqyrave;

 - në masën 50 mijë lekë eksperti kontabël i autorizuar në rast se subjekti plotëson kushtet për ekspertizë kontabël.

**Për gjobën e vendosur ndaj ekspertit kontabël të autorizuar njoftohet Instituti i Eksperteve Kontabël të Autorizuar.

Proçedurat e ankimit dhe të ekzekutimit të masave administrative bëhen në përputhje me ligjin nr. 8560, datë 22.12.1999 "Për proçedurat tatimore në Republikën e Shqipërisë".

1. Tatimi i thjeshtuar mbi fitimin zbatohet ndaj çdo personi, i cili:

 a. ambulantët në fushën e tregtisë;

 b. nuk është i regjistruar ose i detyruar me ligj të regjistrohet për TVSH-në.

2. Përjashtohen nga tatimi i thjeshtuar mbi fitimin:

 a. ambulantët në fushën e tregtisë dhe të shërbimeve;

 b. ata që kryejnë veprimtari që lidhet me transportin individual.

 c. ata që realizojnë një qarkullim vjetor prej më pak se 3 milion lekë në fushën e shërbimeve.

1. Tatimpaguesit detyrohen të regjistrohen në organet tatimore përpara se të fillojnë biznesin. Në çdo vit kalendarik, pas vitit të regjistrimit të parë, tatimpaguesit detyrohen të riregjistrohen përpara datës 31 mars. Në rastet kur tatimpaguesit nuk regjistrohen ose nuk riregjistrohen në kohën e duhur, degët e tatimeve bëjnë regjistrimin e tyre dhe ky regjistrim do të ketë të njëjtat efekte, ashtu si dhe regjistrimi ose riregjistrimi i bërë nga vetë tatimpaguesit.

2. Tatimpaguesit do të regjistrohen ose riregjistrohen në degën e tatimeve të rrethit, ku ndodhet vendi kryesor i veprimtarisë. Mënyra e veprimeve për regjistrim ose riregjistrim përcaktohet me udhëzim të Ministrit të Financave.

3. Gjatë regjistrimit ose riregjistrimit tatimpaguesit duhet të paraqesin të dhënat e mëposhtme:

 a. Për regjistrimin:

   i. çertifikatë personale me fotografi;

   ii. dokumentin e regjistrimit në gjykatë;

   iii. llojin ose llojet e bizneseve që do të kryejë;

   iv. adresën e vendndodhjes ose të vendndodhjeve të kryerjes së biznesit;

   v. deklaratën për qarkullimin e parashikuar për vitin e regjistrimit .

 b. Për riregjistrimin:

   i. deklaratën e qarkullimit, sipas kërkesës së pikës 1 të nenit 32/4;

   ii. dokumentin që tregon se detyrimi tatimor për vitin e kaluar është paguar plotësisht.

4. Ministri i Financave përcakton me udhëzim mënyrën, metodën dhe çdo të dhënë ose dokument tjetër për regjistrim dhe riregjistrim. Kur tatimpaguesi ka plotësuar kërkesat e regjistrimit, dega e tatimeve e pajis me çertifikatë regjistrimi brenda 3 ditëve pune nga çasti i plotësimit të këtyre kërkesave. Formati i kësaj çertifikatë regjistrimi përcaktohet me udhëzim të Ministrit të Financave.

5. Çdo person i regjistruar pajiset nga dega e tatimeve me një çertifikatë regjistrimi. Kur tatimpaguesi e kryen biznesin e vet në dy ose më shumë vendndodhje, ai pajiset me një kopje origjinale të çertifikatës së regjistrimit për çdo vendndodhje, me numër të ndryshëm serie.

6. Tatimpaguesi është i detyruar të afishojë çertifikatën e regjistrimit në çdo vendndodhje të biznesit.

7.Tatimpaguesi njofton me shkrim degën e tatimeve për çdo ndryshim për të dhënat e paraqitura gjatë regjistrimit ose riregjistrimit. Ministri i Financave përcakton me udhëzim afatin kohor, brenda të cilit paraqiten ndryshimet e kryera.

Neni 32/3

Shkalla tatimore e tatimit të thjeshtuar mbi fitimin është në masën 4 për qind të qarkullimit të realizuar gjithsej nga tatimpaguesi gjatë një viti kalendarik.

1. Tatimpaguesi depoziton një deklaratë me shkrim për qarkullimin e tij gjatë vitit kalendarik jo më vonë se data 31 mars e vitit pasardhës. Forma e deklaratës përcaktohet me udhëzim të Ministrit të Financave.

2. Nëse tatimpaguesi e ndërpret veprimtarinë e vet ekonomike gjatë vitit, ose nuk është më objekt i tatimit të thjeshtuar mbi fitimin, siç përcaktohet në nenin 32/1, ai detyrohet të paraqesë një deklaratë për vëllimin e qarkullimit gjatë vitit në vazhdim deri në datën e ndërprerjes, brenda 15 ditësh nga ndërprerja.

1. Tatimpaguesi detyrohet të mbajë librin e shitjeve (qarkullimit) dhe librin e blerjeve, ku regjistrohen çdo ditë shitjet dhe blerjet ditore. Librat e mësipërm do të kenë formatin e përcaktuar në udhëzimin e Ministrit të Financave.

2. Tatimpaguesit, shitës me pakicë të mallrave ose shërbimeve, të pajisur me arkë regjistruese, lëshojnë kupon tatimor për çdo shitje. Tatimpaguesit e tjerë, shitës me pakicë të mallrave ose shërbimeve, të papajisur me arkë regjistruese, për çdo shitje të kryer lëshojnë dëftesë tatimore. Për shitjet me shumicë, tatimpaguesit lëshojnë faturë të

thjeshtë tatimore. Mënyra e lëshimit të këtyre dokumenteve përcaktohet në udhëzimin e Ministrit të Financave.

3. Me kërkesë të organeve tatimore, tatimpaguesi është i detyruar të paraqesë regjistrimet e veta për kontroll tatimor ose verifikim.

4. Tatimpaguesi detyrohet të lejojë inspektorët tatimorë të hyjnë në mjediset e biznesit për kontroll ose inspektim.

5. Libri i shitjeve (qarkullimit) dhe fatura e thjeshtë tatimore prodhohen dhe shpërndahen nga organet tatimore, në përputhje me udhëzimin e Ministrit të Financave.

1.a. Tatimpaguesi paguan këstet e detyrimit vjetor, në mbështetje të qarkullimit të vlerësuar për vitin kalendarik.

   b. Me përjashtim të rasteve të përcaktuara në shkronjën "c" të kësaj pike, llogaritja e qarkullimit të vlerësuar për një vit kalendarik bazohet në qarkullimin faktik të vitit të kaluar, në parashikimet e deklaruara nga vetë tatimpaguesi dhe në vlerësimet e bëra nga dega e tatimeve.

   c. Në rastin e subjekteve të regjistruara për herë të parë, qarkullimi i vlerësuar është qarkullimi i vlerësuar (parashikuar) i tatimpaguesit për periudhën nga data e regjistrimit deri në fund të vitit të parë kalendarik të biznesit të tij. Pas kësaj do të zbatohen dispozitat e shkronjës "b" të kësaj pike.

2. Tatimpaguesi do të paguajë tatimin në dy këste si më poshtë:

 a. Në rastin e një tatimpaguesi të riregjistruar:

   i. 25 për qind e detyrimit tatimor mbi qarkullimin e vlerësuar, të llogaritur sipas pikës 1 të këtij neni, paguhet brenda datës 31 mars.

   ii. 50 për qind e detyrimit tatimor mbi qarkullimin e vlerësuar, të llogaritur sipas pikës 1 të këtij neni, paguhet jo më vonë se data 30 shtator.

 b. Në rastin e një tatimpaguesi të regjistruar për herë të parë:

   i. 25 për qind e detyrimit tatimor mbi qarkullimin e vlerësuar, të llogaritur sipas pikës 1 të këtij neni, paguhet brenda tre muajve nga data e regjistrimit ose deri më 31 dhjetor, cilado qoftë më e hershmja;

   ii. 50 për qind e detyrimit tatimor mbi qarkullimin e vlerësuar, të llogaritur sipas pikës 1 të këtij neni, paguhet brenda nëntë muajve nga data e regjistrimit ose deri më 31dhjetor, cilado qoftë më e hershmja.

3. Me dorëzimin e deklaratës për vitin kalendarik, tatimpaguesi paguan diferencën pozitive ndërmjet detyrimit tatimor dhe parapagesave të bëra. Në rastet e një diference negative, ndërmjet detyrimit tatimor dhe parapagesave të bëra, kjo diferencë përdoret për të shlyer pjesë të parapagesave për vitin e ardhshëm.

4. Kur një inspektor tatimor zbulon se tatimpaguesi nuk ka dorëzuar deklaratën ose nuk ka deklaruar shumën e plotë të qarkullimit, ai do të bëjë një njoftim vlerësimi, ku jepet detyrimi tatimor shtesë. Detyrimi tatimor, në përputhje me njoftimin e vlerësimit, do të paguhet brenda 15 ditëve.

5. Kur një tatimpagues dorëzon një deklaratë për ndërprerjen e biznesit, siç përcaktohet në pikën 2 të nenit 32/4, shuma e plotë e diferencës pozitive ndërmjet detyrimit tatimor dhe pagesave të bëra deri në atë datë, do të paguhet brenda 15 ditëve nga data e ndërprerjes. Kur kemi të bëjmë me një diferencë negative ndërmjet detyrimit tatimor dhe pagesave të bëra, dega e tatimeve do ta rimbursojë këtë diferencë brenda 30 ditëve nga data e marrjes së deklaratës.

6. Tatimi do të paguhet dhe rimbursohet sipas mënyrës së përcaktuar në udhëzimin e Ministrit të Financave.

7. Tatimi i mbledhur derdhet në Buxhetin e Shtetit dhe transferohet në buxhetin e bashkisë ose komunës ku tatimpaguesi është i regjistruar ose ka vendndodhjen e biznesit. Procedura për derdhjen dhe për shkëmbimin e të dhënave ndërmjet organeve tatimore qendrore dhe bashkive ose komunave mbi shumën e mbledhur të tatimit, si dhe të dhënat për tatimpaguesit përcaktohen në udhëzimin e përbashkët të Ministrit të Financave dhe Ministrit të Pushtetit Vendor dhe Decentralizimit.

8. Nëse tatimpaguesi e përfundon proçesin e riregjistrimit dhe pajiset me çertifikatë tatimore përpara ditës së fundit të punës për muajin janar të çdo viti të riregjistrimit, ka të drejtën e një zbritjeje prej 2 për qind të shumës së tatimit për t'u paguar, sipas nenit 32/3 të këtij ligji;

 a. nëse tatimpaguesi e përfundon proçesin e riregjistrimit dhe pajiset me çertifikatë tatimore përpara ditës së fundit të punës të muajit shkurt të çdo viti të riregjistrimit, ka të drejtën e një zbritjeje prej 1 për qind të shumës së tatimit për t'u paguar, sipas nenit 32/3 të këtij ligji.

1. Ministria e Financave dhe Ministria e Pushtetit Vendor dhe Decentralizimit u dërgojnë bashkive dhe komunave planin e të ardhurave për tatimin e thjeshtuar mbi fitimin brenda datës 15 dhjetor të vitit paraardhës.

2. Organi tatimor njofton bashkinë ose komunën jo më rrallë se një herë në gjashtë muaj për punën e bërë për regjistrimin e tatimpaguesve të biznesit të vogël, për nivelin e vjeljes së tatimit të thjeshtuar mbi fitimin dhe masat e marra për mënjanimin e kundërvajtjeve administrative dhe vjeljen e gjobave.

3. Bashkia dhe komuna, kur e gjykojnë të nevojshme, i kërkojnë organit tatimor kryerjen e veprimeve për regjistrimin e bizneseve, që rezultojnë të paregjistruara, plotësimin e detyrave për administrimin e tatimit dhe derdhjen në favor të saj, sipas afatit ligjor të të ardhurave nga tatimi i thjeshtuar mbi fitimin.

1. Në kuptim të këtij ligji, kur shkeljet nuk përbëjnë vepër penale, përbëjnë kundërvajtje administrative dhe dënohen me gjobë si më poshtë:

 a. kur tatimpaguesi nuk regjistrohet ose nuk riregjistrohet, në përputhje me nenin 32/2, ai dënohet me një gjobë prej 50 000 lekësh;

 b. kur tatimpaguesi dorëzon një deklaratë të pasaktë, ai dënohet me një gjobë të barazvlefshme me 25 për qind të diferencës ndërmjet tatimit të deklaruar dhe detyrimit tatimor;

 c. kur tatimpaguesi nuk paguan tatimin brenda datës së duhur, ai dënohet me gjobë të barazvlefshme me 25 për qind të detyrimit tatimor;

 ç. kur tatimpaguesi nuk afishon certifikatën e regjistrimit, në përputhje me pikën 5 të nenit 32/2, ai dënohet me gjobë prej 10.000 lekësh;

 d. Kur tatimpaguesi nuk përmbush ndonjërën nga kërkesat e nenit 32/5, ai dënohet me gjobë prej 10 000 lekësh.

2. Në të gjitha rastet gjobat paguhen së bashku me shumën e plotë të detyrimit tatimor, brenda 15 ditëve nga data kur dega e tatimeve nxjerr njoftimin e kundërvajtjes.

3. Gjobat do të paguhen në mënyrën e përcaktuar për pagesën e këtij tatimi.

4. Nëse pas kalimit të afatit 15-ditor, të përcaktuar në përputhje me pikën 2 të këtij neni, tatimpaguesi nuk paguan detyrimin tatimor dhe gjobën përkatëse, dega e tatimeve vendos mbylljen e veprimtarisë deri në pagimin e plotë të detyrimeve dhe të gjobave.

5. Proçedurat e ankimit dhe të ekzekutimit të masave administrative bëhen në përputhje me ligjin nr.8560, datë 22.12.1999 "Për proçedurat tatimore në Republikën e Shqipërisë", i ndryshuar.

Neni 33

Mbajtja e tatimit në burim

 1. Të gjithë personat juridikë, ortakëritë, personat fizikë, tregtarë, që janë rezidentë shqiptarë, për qëllime tatimore, organet e qeverisjes qendrore e vendore, organizatat jofitimprurëse, mbajnë në burim tatimin në masën 10 për qind për pagesat e mëposhtme:

a) dividentët;

b) ndarjet e fitimit;

c) interesat, përveç interesave të bonove të thesarit dhe të letrave të tjera me vlerë të emetuara nga Këshilli i Ministrave para datës 1 janar 1999;

ç)  pagesat për të drejtat e autorit dhe të pronësisë intelektuale;

d) pagesat për shërbimet teknike;

dh) pagesat për menaxhim e për pjesëmarrje në këshillat drejtues;

e) pagesat për ndërtim, instalim, montim ose punë mbikëqyrëse;

ë) pagesat për qiratë;

f) pagesat për argëtues, artistë ose sportistë, në një shfaqje ose prezantim në Republikën e Shqipërisë dhe pagesa të tilla, bërë personave juridikë ose ortakërive, të cilët punësojnë argëtues, artistë ose sportistë ose ndërmjetësojnë shfaqje a prezantime të tilla;

g) çdo pagesë tjetër e bërë për shërbime, jo për mallra, që nuk përfshihet në pikat e mësipërme.

2. Pika 1 e këtij neni zbatohet vetëm kur pagesat u bëhen personave, të cilët nuk janë subjekt i tatimit mbi fitimin ose i tatimit të thjeshtuar mbi fitimin, si edhe kur pagesat u bëhen personave jorezidentë shqiptarë.

3. Pika 1 e këtij neni zbatohet edhe ndaj jorezidentëve, për pagesa të tilla, të lindura nga një person me seli të përhershme që ai mban në Republikën e Shqipërisë.

4. Pika 1 e këtij neni nuk do të zbatohet ndaj pagesave që i bëhen personave jorezidentë shqiptarë për shërbime të transportit ndërkombëtar të pasagjerëve dhe të mallrave.

Shfuqizuar.

1. Paguesi i shumave, për efekt të mbajtjes së tatimit të parashikuar në nenet 33 dhe 34 të këtij ligji, derdh tatimin e mbajtur në llogaritë e organeve tatimore jo më vonë se data 15 e muajit pasardhës të muajit të pagesës.

2. Paguesi i këtyre shumave duhet të nxjerrë pagesat e përfitimeve dhe mbajtjen në burim të tatimeve dhe t’ia vërë në dispozicion organeve tatimore, si dhe personit, për të cilin është bërë pagesa, regjistrimet përkatëse.

1. Kur janë vendosur apo krijuar kushte, ndërmjet personave të lidhur në një veprimtari në marrëdhëniet e tyre tregtare apo financiare, të cilat ndryshojnë nga ato që mund të ekzistojnë ndërmjet dy personave të pavarur, organet tatimore mund të vendosin, që të ardhurat e një apo më shumë prej këtyre personave të lidhur të përfshijnë fitimin që ai ose ata mund të kishin arritur, nëse nuk do të egzistonin këto kushte.

2. Për të siguruar zbatimin e drejtë dhe efektiv të këtij neni, organet tatimore mund të arrijnë marrëveshje me kushte që më pëpara me personat që kryejnë një veprimtari, të cilat do të përcaktojnë se kushtet specifike ndërmjet personave të lidhur nuk ndryshojnë nga ato që mund të ndodhin ndërmjet personave të pavarur.

1. Në qoftë se gjatë periudhës tatimore një rezident nxjerr nga burime jashtë territorit të Republikës së Shqipërisë fitime apo të ardhura, tatimi mbi të ardhurat personale apo tatimi mbi fitimin, i pagueshëm nga ai rezident, lidhur me këto të ardhura apo fitime duhet të reduktohen me atë masë të tatimit të pagueshëm mbi këtë të ardhur ose fitim. Masa e tatimit të huaj të pagueshëm duhet të vërtetohet me dokument autentik, të përcaktuar në udhëzimin e Ministrisë së Financave.

2. Reduktimi i tatimit mbi të ardhurat personale ose tatimi mbi fitimin, i dhënë në paragrafin e parë të këtij neni nuk duhet të kalojë tatimin e pagueshëm mbi fitimin apo të ardhurat nga burimi i huaj, në rast se këto të ardhura realizohen në Republikën e Shqipërisë.

3. Në rastin e një tatimpaguesi, i cili është subjekt i tatimit mbi fitimin, çdo reduktim i tatimit, i parashikuar në paragrafin e parë të këtij neni, kufizohet në tatimin, që do të ishte i pagueshëm në Republikën e Shqipërisë, i llogaritur sikur neni 27 i këtij ligji të zbatohej në çdo vënd të huaj, në lidhje me fitimet apo humbjet e rezultuara nga burime në atë vend të huaj.

4. Reduktimi i tatimit, sipas këtij neni, duhet të llogaritet në mënyrë të veçantë, lidhur me çdo vend të huaj, nga i cili janë përfituar të ardhurat apo fitimet.

1. Tatimi që duhet të mbahet në përputhje me paragrafin e parë dhe të dytë të nenin 10 dhe të nenin 33 të këtij ligji, do të mbahet nga pagesat e bëra pas hyrjes në fuqi të këtij ligji.

2. Ndërtesat, konstruksionet dhe impiantet e blera para datës 1 Janar 1999 do të amortizohen në bazë të kostos së tyre historike.

3. Aktivet e qëndrueshme, të patrupëzuara, të blera para datës 1 Janar 1999 do të amortizohen mbi bazën e kostos së tyre historike. Nëse vlera, e mbetur kontabël, e regjistrimit të këtyre pasurive në datën 1 Janar 1999 është më e vogël se 50 për qind e kostos së tyre historike, tatimpaguesit i lejohet të vazhdojë amortizimin, në përputhje me udhëzimin nr.8, datë 12.02.1992 "Mbi normat e amortizimit të aktiveve të qëndrueshme, të personave fizikë dhe juridikë".

4. Baza e amortizimit të kompiuterave, sistemeve të informacionit, produkteve "soft-ëare" dhe sistemeve të ruajtjes së të dhënave, si dhe të të gjitha aseteve të vepritarisë, të blera përpara datës 1 Janar 1999, për periudhën tatimore 1999, do të jetë vlera e këtyre aktiveve në librin e madh më 1 janar 1999, rregulluar siç është përshkruar në nenin 22, pika gjashtë e këtij ligji.

5. Fitimi i tatueshëm për periudhën tatimore 1999 dhe 2000 të reduktohet me humbjet e pësuara nga tatimpaguesi përpara datës 1 Janar 1999, të llogaritet në përputhje me nenin 8 të ligjit nr. 7677, datë 3.3.1993 "Për tatimin mbi fitimin", në qoftë se këto humbje janë regjistruar në deklaratat e fitimit të vitit 1998. Humbjet e pësuara në vitet 1996 dhe 1997 nuk mbarten.

6. ***Tatimpaguesit, që kanë përfituar lehtësi tatimore në përputhje me nenin 6 të ligjit nr.7677 datë 3.3.1993 "Për tatimin mbi fitimin", i gëzojnë këto lehtësi sipas kushteve të parashikuara në ligjin e mësipërm.

7. **Tatimpaguesit që kanë gëzuar lehtësi dhe përjashtime me ligjin nr.7665, datë 21.01.1993 "Për zhvillimin e zonave që kanë përparësi turizmin", me ligjin nr.8098, datë 28.03.1996 "Për statusin e të verbërit" dhe me dekretin nr. 782, datë 22.02.1994 "Për sistemin fiskal në sektorin e hidrokarbureve", do t’i gëzojnë lehtësitë, sipas kushteve të parashikuara në këto ligje.

8. **Ministri I Financave dhe Ministri i Pushtetit Vendor dhe Decentralizimit përcaktojnë me udhëzim të përbashkët mënyrën e programimit dhe të realizimit të të ardhurave nga ky tatim për vitin 2003.

1. Ligji nr. 7786, datë 27.1.1994, "Për tatimin mbi të ardhurat personale", me ndryshimet përkatëse, si dhe të gjitha aktet e tjera, që vijnë në kundërshtim me këtë ligj, shfuqizohen.

2. Ligji nr. 7677, date 3.3.1993, "Për tatimin mbi fitimin", me ndryshimet përkatëse, si dhe të gjitha dispozitat e tjera, që vijnë në kundërshtim me këtë ligj, shfuqizohen.

Ngarkohet Ministria e Financave për nxjerrjen e akteve nënligjore në bazë dhe për zbatim të këtij ligji.

Ky ligj hyn në fuqi 15 ditë pas botimit në Fletoren Zyrtare.

KRYETARI

Skënder GJINUSHI

Tabela e tatimit mbi të ardhurat personale nga pagat.

Pasqyra Nr. 1

Pasqyra Nr. 2