UDHËZIM

Nr.12 datë 14.7.1995

 

PËR ORGANIZIMIN DHE FUNKSIONIMIN E POLICISË TATIMORE NË QËNDËR DHE NE RRETHE.

 

Në zbatim të dispozitave ligjore :Dekretit nr. 1074 datë 21.04.1995 datë 21.04.1995 miratuar me ndryshime me ligjin nr. 7938 datë 24.05.1995 "Mbi shpërbërjen e Policisë Financiare dhe krijimin e Policisë Tatimore dhe Polcisë Doganore" dhe me vendimin e Këshillit të Ministrave nr. 216 datë 15.05.1995 "Mbi kriteret e organizimit të Policisë Tatimore dhe asaj Doganore"

 

STRUKTURA DHE ORGANIZIMI I POLICISË TATIMORE.

1. Policia tatimore është organ ekzkekutiv i armatosur, i integruar në përbërje të organeve tatimore.

2. Policia tatimore është e vendosur direkt nën autoritetin e Drejtorit të Drejtorisë së Tatimeve.

3. Drejtuesi i Policisë Tatimore emërohet dhe shkarkohet nga Ministri i Financave, ndërsa e gjithë organika tjetër e policisë tatimore është nën autoritetin e Drejtorit te Drejtorisë se Tatimeve.

4. Në qënder:

Në strukturën e Drejtorisë së Tatimeve organizohet një degë e veçantë ajo e policisë tatimore që varet drejtpërdrejtë nga Drejtori i Tatimeve dhe që organizon punën e policisë tatimore në gjithë territorin e Republikes së Shqipërisë duke ushtruar kompetencat e saj sipas dispozitave ligjore në fuqi.

Në mënyrë të veçantë dega e policisë tatimore :

a. Përcakton metodat e punës së policisë tatimore.

b. Kontrollon dhe ndjek veprimtarinë e policisë tatimore.

c. Në kryerjen e detyrës policia tatimore bashkpunon me degët e tjera të Drejtorisë së Tatimeve , organizon marrëdhëniet nëpërmjet akteve të bashkëpunimit me institucionet dhe organizmat e tjerë shtetëror dhe ndjek zbatimin e tyre.

d. Organizon përgatitjen dhe ngritjen e nivelit profesional të punonjësve të policisë tatimore në fushën e sisitemit fiskal dhe në atë të përgatitjes speciale.

5. Në çdo rreth:

Krijohet policia tatimore në përbërje të degës së tatimeve të rrethit , kryetari i degës së tatimeve të rrethit përcakton, detyrat operative për t’u zbatuar nga policia tatimore ne kuadrin e detyrave dhe urdhërave që shtron drejtoria e tatimeve.

Përgjegjësi i policisë tatimore të rrethit ka vartësi të drejtpërdrejtë nga kryetari i degës së tatimeve të rrethit. Për probleme të veçanta raporton direkt te Drejtor i Tatimeve në Ministrinë e Financave.

 

TË DREJTAT DHE DETYRAT E POLICISË TATIMORE

Policia Tatimore ka këto të drejta dhe detyra:

1. Të sigurojë zbatimin e ligjshmërisë në sisitemin e tatim taksave, duke ekzekutuar sanksionet ligjore të vendosura nga organet tatimore në qëndër dhe në bazë dhe të pa zbatuar nga personi juridik e fizik, që ushtrojnë aktivitet ekonomik në territorin e Republikës së Shqipërisë .

2. Sekuestrojnë vlerat monetare dhe materiale në bazë të urdhërit të sekuestrimit, të nxjerrë nga organi epror i saj.

3. Ushtron kontroll për të zbuluar aktivitetin pa leje të ushtrimit të profesionit dhe që janë të paregjistruar në organet tatimore, duke ndjekur zbatimin e vendimeve të këtyre organeve për mbylljen e veprimtarisë pa leje.

Për të tilla raste me urdhër të organit epror sekuestron të ardhurat e përfituara në mënyrë të paligjshme dhe mallrat, objekti i këtij aktiviteti si dhe të bëjë ekzekutimin e masave të tjera ndëshkuese .

4. Merr pjesë së bashku me inspektorët e organeve tatimore në kontrollin e subjekteve ekonomike, në kontrollet e veçanta si: mbajtjen e dokumentave të kontabilitetit, regjistrimin e rregullt të tyre dhe pasqyrimin e drejtë në bilance kontabël, të kontrollojë lëshimin e faturave, përdorimin e arkave regjistruese dhe lëshimin e kuponave tatimorë.

5. Të kontrollojë dokumentin e levizjes së mallrave dhe udhëtarëve në të gjithë llojet e transportit, të bëjë kontrolle fizike mbi vërtetësine e përmbajtjes së dokumetacionit shoqërues.

6. Kontrolli në sektorin e transportit në të gjitha rastet do të bëhet nga grupi përkatës, në përbërjen e të cilit do të jetë edhe një inspektor i tatimeve.

7. Merr pjesë në kontrollin e deklaratave tatimore në mbështetje të operacioneve të verifikimit që zbatojnë inspektorët e tatimeve.

8. Bllokon kur e sheh të nevojshme, gjithë dokumentacionin që ka lidhje me veprimtarinë që kontrollohet.Për veprimet dhe rezultatet e kontrollit punonjësit e policisë tatimore, mbajnë proces verbalet përkatëse dhe informojnë me shkrim organin epror të tyre brenda 24 orëve i cili vendos për sanksionet dhe kundërvajtjet administrative në përputhje me legjislacionin tatimor në fuqi.

9. Mbledh informacione dhe të dhëna që lidhen me veprimtarinë e tatimpaguesve pranë:

Administratave dhe institucioneve publike si:

- Organet doganore

- Institucioneve bankare dhe financiare

- Institutit të Sigurimeve Shoqërore

- Subjekteve ekonomike, publike ose private. Me qëllim që të bëhet plotësimi dhe ballafaqimi i të dhënave të mbledhura me informacionet që disponojnë organet tatimore.

10. Punonjësit e policisë tatimore , mund të propozojnë por nuk mund të përcaktojnë masën e tatimeve ose të sanksioneve dhe masave të tjera ndëshkimore që merren ndaj tatimpaguesve.

 

RREGULLA TË VEÇANTA

1. Organet e policisë tatimore pajisen me mjete kryesore , armatim dhe inventari, të cilat i përdorin sipas kritereve dhe rregullave përkatëse.

2. Gjatë ushtrimit të veprimtarisë së tyre organet e policisë tatimore mbajnë dhe paraqesin dokumenta identifikimi të miratuara nga Ministri i Financave dhe për çdo rast largimi nga puna Kryetari degës së tatimeve dhe përgjegjësi i policisë tatimore tërheqin nga inspektori i larguar materialet , që kishte në inventar si dhe dokumentat identifikuese të policisë duke zbatuar rregullat përkatëse për administrimin e armëve.

3. Policia tatimore bashkëpunon me policinë doganore dhe në raste të duhura kërkon ndihmën e organeve të rendit, sipas protokoll marrëveshjeve të lidhura.

4. Shpenzimet për mbajtjen e policisë tatimore, përfshihen në buxhetin e shpenzimeve të miratuara për organet tatimore në qëndër dhe në rrethe.

5. Punonjësit e policisë tatimore për veprimet e kryera në kundështim me përmbushjen e detyrës, kur ato nuk bejnë vepër penale mbajnë përgjegjësi administrative sipas dispozitave në fuqi.

 

MINISTRI

Dylber VRIONI