Në zbatim të Nenit 55 të Ligjit Nr. 8976 "Për Akcizat", Ministri i Financave, nxjerr këtë :

1.1 Ky udhëzim zbatohet për mallrat që tatohen me akcizë në Republikën e Shqipërisë dhe ndaj çdo personi që prodhon dhe/ose tregton mallra akcize, si dhe për troje, ndërtesa ose ambjente të tjera ku mbahen ose prodhohen mallra akcize, sipas përcaktimeve në nenin 2 të ligjit Nr. 8976 "Për akcizat" (që në vijim do t’i referohemi shkurt "Ligji").

1.2 Ky udhëzim hyn në fuqi më 1 korrik 2003. Megjithatë, në rrethanat kur një personi, objekt i këtij udhëzimi, i kërkohet të bëjë ndryshime materiale në magazinën e miratuar tatimore dhe në rast se personi në fjalë do të prodhojë ose tregtojë mallra akcize përpara 1 korrikut, çdo ndryshim i tillë duhet te kryhet deri më 1 shtator 2003.

1.4 Prodhimi i mallrave të akcizës përfshin :

2)normativat e lëndeve të para që përdoren për prodhimin e mallrave të gatshme të akcizës;

3)humbjet ne prodhim ose ruajtje gjatë ecurisë së zakonshme të biznesit.

1. Një tatimpagues akcize i autorizuar që dëshiron të prodhojë mallra akcize (përveç atyre personave që klasifikohen brenda përkufizimit të nenit 4 (7) të ligjit) ose të mbajë mallra nën regjimin e pezullimit tatimor (përveçse kur mbahen në një magazinë të miratuar si magazinë doganore nga Drejtoria e Përgjithshme e Doganave), duhet ta bëjë këtë vetëm në një magazinë të miratuar tatimore.

2. Kërkesa për miratimin e një magazine tatimore duhet të paraqitet duke përdorur formularin në shtojcen 2 të këtij udhëzimi dhe, bashkë me të gjithë informacionin plotësues që kërkon formulari, duhet të dorëzohen në degën e tatimeve që mbulon magazinën tatimore të propozuar, të paktën 30 ditë përpara se aplikanti të fillojë veprimtarinë tregtare (ose përpara 1 korrikut 2003, nëse është tatimpagues ekzistues akcize).

3. Çdo kërkese duhet t’i bashkëngjitet një mandatpagesë që vërteton pagesën e shumës së parimbursueshme prej 10.000 Lekësh.

Aplikanti nuk duhet:

- të blejë ose marrë me qera tokë posaçerisht për ndërtimin e një magazine tatimore;

- të blejë një ndërtesë me qëllimin e vetem të përdorimit të saj si magazinë tatimore;

- të fillojë ndonjë punë ndërtimore ose strukturore;

- të ndërmarre veprime të tjera, duke marrë të mirëqenë miratimin e magazines tatimore.

- Plani i paraqitur pasqyron me saktësi planimetrinë e magazinës tatimore të propozuar

- Lëndët e para ruhen në një ambjent të veçantë brenda magazinës, që është i ruajtur dhe mund të kyçet, dhe asnjë lëndë e parë nuk mund të hyjë ose dalë nga ambjentet e magazinimit pa u regjistruar dhe evidentuar siç duhet.

- Ambjentet për magazinimin e mallrave të mbajtura në regjimin e pezullimit tatimor janë të përcaktuara qartë dhe të ndara nga ambjentet ku mbahen mallrat e tatueshme, dhe asnjë mall, qoftë i pezulluar ose i tatueshëm, nuk mund të hyjë ose të dalë nga magazina pa u regjistruar dhe evidentuar ashtu siç duhet.

- Aplikanti duhet të kuptojë dhe të zbatojë të gjitha kerkesat për mbajtjen e regjistrimeve. Në rastet kur regjistrimet mbahen në kompjuter, sistemi i informatizuar duhet të jetë në gjendje të riprodhojë të dhënat e kërkuara dhe të nxjerrë raporte periodike sipas këtyre udhëzimeve.

- Depozitat që do të përdoren në magazinën tatimore të propozuar duhet të kenë të shënuar qartë një numër identifikimi dhe vëllimin e tyre.

- Testimi i të gjitha paisjeve matëse është bërë në mënyrën e duhur.

- Të kontrollohet mënyra e ngjitjes së pullave të akcizës për të siguruar zbatimin e këtij udhëzimi dhe veçanërisht duhet të miratohen materialet që do të përdoren për ngjitjen e pullave të akcizës.

- Të gjitha hapësirat ku magazinohen mallrat e akcizës, të ambalazhuara ose jo, të jenë të sigurta dhe të mbahen të kyçura.

Në rrethanat kur informacioni i dhënë nuk është i saktë, kërkesa ose plani duhet ndryshuar duke shpjeguar shkaqet e këtij gabimi.

7. Miratimi për magazinë tatimore nuk do të jepet nëse aplikanti nuk paraqet një garanci për magazinë tatimore të miratuar nga një institucion financiar i miratuar, në përputhje me dispozitat e parashikuara në pikën 10 më poshtë.

- Çdo mall akcize duhet të jetë lehtesisht i identifikueshëm me anë të caktimit të një numri reference të stokut (mallit gjendje) dhe datës së prodhimit.

- Mallrat e akcizës për eksport duhet të dallohen lehtë dhe të jenë të gatshme për inspektim.

- Të mbahen regjistra të veçantë në zbatim të dispozitave të ligjit dhe të këtij udhëzimi.

- Magazina tatimore duhet të ruhet dhe të ketë një sistem sigurimi në mënyrë që të minimizohet rreziku i vjedhjes së mallrave të akcizës. Sistemi i sigurimit duhet të sigurojë që të gjitha hyrjet të mbyllen dhe te kyçen mirë, dhe atje ku ka dritare të vihen hekura. Çdo person që mban çelës dhe që hap dhe mbyll dritare dhe dyer, duhet të jetë i autorizuar nga dega e tatimeve që mbulon magazinën tatimore dhe emrat e çelesmbajtësve të autorizuar duhet të renditen në dokumentin e miratimit të magazinës tatimore.

- Të gjitha paisjet që përdoren për prodhimin, matjen ose magazinimin e lëndëve të para, produkteve të ndërmjetme ose produkteve të gatshme të akcizës, duhet të kontrollohen, numërohen ose plumbosen.

12. Autorizimi i lëshuar sipas këtij udhëzimi do të mbahet gjatë gjithë kohës në magazinën tatimore, për të cilën lëshohet dhe duhet t’i paraqitet punonjësit tatimor sipas kërkesës në raste inspektimi.

1. Revokimi (heqja) e autorizimit të tatimpaguesit të akcizës, në kuptimin e nenit 9(3) të ligjit, mund të bëhet në rastet kur:

- tatimpaguesi i autorizuar i akcizës, për çdo magazinë tatimore të administruar prej tij, nuk ka paguar në kohë akcizën mbi 4 herë brenda një periudhe 12-mujore, në të cilën është paralajmëruar me shkrim nga organet tatimore;

- tatimpaguesit i është bërë rivlerësim për tatim të papaguar të akcizës më tepër se 3 herë brenda një periudhe 12-mujore, ose ka marrë një paralajmerim me shkrim për heqje të autorizimit gjatë asaj periudhe 12-mujore;

- tatimpaguesi ka reklamuar në menyrë të qëllimshme një vlerë akcize që nuk i takon;

- tatimpaguesi ka penguar një punonjës tatimor për ushtrimin e detyrës;

- tatimpaguesi ka kryer veprime që e klasifikojnë atë si person të parregullt dhe të pabesueshëm.

2. Arsye për revokimin e autorizimit të tatimpaguesit te akcizës, shprehur ne nenin 9(3) te ligjit, do te konsiderohen ato raste kur tatimpaguesi i autorizuar i akcizes nuk ka siguruar nivelin e kërkuar të garancisë financiare; nuk ka mbajtur ose azhornuar të dhenat e duhura edhe pasi është paralajmeruar me shkrim nga punonjesi i tatimeve; ka vazhduar te kryejë operacione të paautorizuara ose ka perdorur paisje te paautorizuara ose kur i eshte revokuar garancia financiare nga garantuesi i autorizuar dhe nuk e ka zevendesuar atë.

3. Organi tatimor duhet të njoftojë tatimpaguesin e autorizuar të akcizës dhe/ose operatorin (administratorin) e një magazine të miratuar tatimore për qellimin e revokimit të autorizimit/miratimit të lëshuar sipas nenit 4 dhe/ose 5 te ligjit, duke e informuar atë për datën në të cilën autorizimi/miratimi do të shfuqizohet. Data e shfuqizimit duhet caktuar , jo më herët se 90 ditë nga data e njoftimi të revokimit, me perjashtim të rastit kur revokimi bëhet për arsye të tërheqjes së garancisë së kërkuar nga garantuesi, rast në te cilin, data e revokimit për miratimin e magazinës tatimore (dhe jo autorizimit), do të jetë data kur skadon garancia.

1. Vetëm institucionet financiare të miratuara nga Drejtori i Përgjithshëm i Tatimeve mund të veprojnë si garantues. Çdo institucion financiar që kërkon miratim si garantues i miratuar, duhet të bëjë një kërkesë pranë organit tatimor duke përdorur formularin e paraqitur në shtojcën 3, të dorëzojë dokumetet që kërkohen në shënimet e formularit dhe të paraqesë një listë të nënshkruesve të autorizuar zyrtarisht me shkrim nga institucioni financiar, e cila do të mbetet në fuqi derisa të amendohet zyrtarisht me shkrim nga institucioni financiar.

2. Për qëllim të këtij udhëzimi, "garantuesi i miratuar" është një institucion financiar i autorizuar që merr përsiper t’i paguaj administratës tatimore një shume të barabartë me akicizën për t’u paguar ose një shumë tjetër për t’u arkëtuar si akcizë e pagueshme, por e papaguar mbi mallrat e akcizës që mbulohen nga kushtet e garancisë, siç përcaktohet me poshtë në paragrafin 8.1 të këtij udhëzimi, në rastin kur një tatimpagues i autorizuar akcize nuk arrin të paguaje tatimin e duhur ose çdo shumë tjeter për t’u arkëtuar si tatim për t’u paguar mbi mallrat e akcizës të mbuluara nga kushtet e garancisë.

1. Tatimpaguesi i autorizuar i akcizës, përgjegjes për pagimin e akcizës është përgjegjes për përgatitjen e një garancie të miratuar me garantuesin e miratuar.

2. Detyrimi i tatimpaguesit të autorizuar të akcizës nuk kufizohet në shumën që mbulon garancia. Organi tatimor mund të bëjë vlerësim tatimor për tatimpaguesin e autorizuar të akcizës, për të gjithë tatimin e pashlyer të akcizës që rezulton nga parregullsitë në magazinën tatimore, ose gjatë çdo levizjeje për të cilat tatimpaguesi i autorizuar i akcizës ka siguruar një garanci.

1. Termi "garanci e miratuar" ka të njëjtin kuptim si ajo që është dhënë në nenin 2 të ligjit dhe është një marrëveshje ndërmjet garantuesit të miratuar, tatimpaguesit të autorizuar të akcizës dhe organit tatimor, ku garantuesi i miratuar është institucioni financiar që duhet të veprojë në përputhje me dispozitat e paragrafit 6.1 më lart.

2. Garancia duhet mbajtur në magazinën tatimore përkatese dhe duhet t’i paraqitet punonjësit tatimor sa herë që kerkohet.

3. Në rrethanat kur mbahet një garanci për vendndodhje të ndryshme, një kopje e garancisë duhet të mbahet në secilën nga magazinat tatimore perkatese.

1. Për marrjen e garancisë së miratuar për magazinën tatimore, duhet të bëhet një kërkesë pranë degës së tatimeve duke përdorur formularin në shtojcen 4.

2. Kërkesat do të pranohen për:

a)një garanci për magazinë tatimore;

b)një garanci për lëvizjen e mallrave të akcizës;

c)një garanci të përbashkët për magazinën tatimore dhe levizjen;

d) një garanci për magazina tatimore në vendndodhje të ndryshme, me kusht që operatori [administratori] i magazines tatimore të jetë i njëjti person për të gjitha magazinat tatimore.

3. Garantuesi duhet të dorëzojë formularin e kërkesës pranë degës tatimore që mbikqyr magazinën tatimore, të cilës i referohet garancia ose degës tatimore që mbulon vendin kryesor të biznesit në rastin e garancive për vendndodhje të ndryshme.

4. Dega e tatimeve nuk do të lëshojë një miratim për magazinë tatimore, po të mos ketë një garanci të vlefshme për magazinën tatimore dhe të miratuar nga dega e tatimeve.

5. Leja për lëvizjen e mallrave në regjimin e pezullimit tatimor nuk do të jepet po të mos ketë një garanci të vlefshme për levizjen, dhe të miratuar nga dega tatimore.

6. Në rastet kur kërkohet një garanci për magazinë tatimore dhe një garanci lëvizjeje, mund të pranohet një garanci e vetme, e përbashkët, me kusht që shuma e garancisë të jetë e mjaftueshme për të përmbushur detyrimet sipas pikës 10 më poshtë dhe detyrimet të jenë të ndara qartë ndërmjet detyrimit të akcizës në magazinën tatimore dhe detyrimit mbi lëvizjet në regjimin e pezullimit tatimor.

7. Në rrethanat kur kërkohet një garanci për vendndodhje të ndryshme, ku me garanci për vendndodhje të ndryshme nënkuptojme një garanci që mbulon detyrimet e më shumë se një magazinë tatimore që administrohet dhe zotërohet nga i njejti person, mund të pranohet një kërkesë e vetme me kusht që, në formularin e kërkesës të përfshihen të dhënat që lidhen me të gjitha detyrimet e akcizës për çdo magazinë tatimore të subjektit që bën kërkesën.

8. Nëse kërkesa për garanci pranohet, dega e tatimeve përgjegjëse për magazinën dhe vendin kryesor të biznesit të tatimpaguesit të autorizuar të akcizës, sipas rastit do t’i dërgojë një letër pranimi garantuesit dhe tatimpaguesit të autorizuar të akcizës, duke ruajtur kërkesën në dosjet e degës tatimore.

b. operatori i magazinës tatimore ka vonuar pagesen e tatimit të akcizës më shumë se një herë gjatë dy viteve te fundit;

11.Terheqja e një garancie

Garancia do të mbetet në fuqi, derisa të njoftohet si e terhequr nga garantuesi, ose derisa garancia të skadojë sipas datës së caktuar nga garantuesi në formularin e garancisë. Megjithatë, organi tatimor duhet të njoftohet 30 ditë përpara, për tërheqjen e garancisë nga garantuesi dhe garancia do të mbetet në fuqi, derisa të përfundojë ky afat, përveçse në rastet kur garancia është zëvendësuar nga një garanci e re nga i njëjti garantues.

Kur një garanci terhiqet ose skadon, dhe tatimpaguesi i autorizuar i akcizës nuk e zevendëson garancinë, organi tatimor do të revokojë miratimin përkatës të magazinës tatimore dhe akciza mbi mallrat e akcizës në magazinë duhet të paguhet menjëherë, dhe asnjë mall akcize nuk mund të nxirret nga magazina nën regjimin e pezullimit tatimor, përveçse në rastet kur levizja e mallrave mund të përfundohet përpara tërheqjes ose skadimit të garancisë ose kur mbulohet nga një garanci individuale lëvizjeje.

Garancia nuk mund të tërhiqet sa kohë që vazhdon lëvizja e kategorive të ndryshme të mallrave të akcizës nën regjimin e pezullimit tatimor, derisa detyrimi tatimor mbi ato mallra të sigurohet nga një garanci tjetër ose të paguhet plotësisht, ose të garantohet sipas kërkesave të organit tatimor.

Detyrimet tatimore të papaguara do t’i njoftohen garantuesit kryesor me anë të lëshimit të një vlerësimi sipas nenit 14 të ligjit, që ka të bëjë me tatimpaguesin e autorizuar të akcizës në magazinën tatimore të miratuar ku lindi detyrimi tatimor, ose nga e cila ngarkesa është larguar nën regjimin e pezullimit tatimor duke mos u evidentuar.

Organi tatimor do të bëjë kërkesë kundrejt një garancie, vetëm nëse personi i autorizuar nuk ka paguar një vlerësim të lëshuar sipas nenit 14 të ligjit dhe, pasi është bërë kërkesa kundrejt garancisë, administrata tatimore do t’i kërkojë garantuesit që të bëjë pagesën.

Organi tatimor do të bëjë një kërkesë kundrejt garancisë, duke i lëshuar një letër kërkesë garantuesit për shumën e vlerësuar të akcizës së papaguar nga tatimpaguesi i autorizuar i akcizës, sipas pikës 12.1, duke kërkuar pagesën e akcizës së papaguar deri në nivelin që mbulohet nga garancia në fuqi. Kërkesa nuk i nënshtrohet proçesit të apelimit dhe shuma e kërkuar duhet të paguhet brenda pesë ditëve pune. Çdo shumë e vlerësuar sipas pikës 12.1 por e papaguar nga garantuesi, do të mbetet borxh i pashlyer nga tatimpaguesi i autorizuar i akcizës.

Dispozitat e kësaj pike duhen koordinuar me dispozitat e pikave 55 deri 58 më poshtë.

13.2 Përpara se ngarkesat e mallrave të akcizës të lënë magazinën tatimore, tatimpaguesi i autorizuar i akcizës duhet të njoftojë dy dite me përpara degën e tatimeve sipas fomularit ne shtojcën 5.

Të gjitha lëvizjet e mallrave të akcizës nën regjimin e pezullimit tatimor ndërmjet magazinave tatimore të miratuara në Republikën e Shqipërisë ose nga një magazinë e miratuar për eksport, duhet të shoqërohen nga dokumenti i lëvizjes në shtojcën 6. Të gjitha rubrikat përkatëse të formularit duhet të plotësohen dhe të verifikohen nga dega tatimore përpara se mallrat të lëvizin.

Lëvizjet e mallrave të akcizës nën regjimin e pezullimit tatimor mund të kryhen vetëm pasi dega e tatimeve të ketë kontrolluar mallrat që do të lëvizin, me përjashtim të rasteve kur dega e tatimeve të ketë autorizuar me shkrim tatimpaguesin e autorizuar të akcizës, përgjegjës për pagesën e akcizës mbi mallrat e akcizës në ngarkesë, për të lëvizuar mallrat pa i kontrolluar ato. Lëshimi i një lejeje të tillë bëhet vetëm në rrethanat kur nuk është e mundur që punonjësi të jetë i pranishëm në datën e parashikuar të nisjes, me kusht që, tatimpaguesi i autorizuar i akcizës t’i përmbahet detyrimit të njoftimit sipas paragrafit 13.2 më lart dhe në të njëjtën kohë shuma e akcizës për ngarkesën të jetë më pak se 100.000 Lek.

Automjeti ose konteineri me të cilin do të transportohen mallrat e akcizës, duhet të jetë i tipit të miratuar, si dhe duhet të plotësohen kushtet e plumbosjes sipas Udhëzimit 16.

Tatimpaguesi i autorizuar i akcizës plotëson në magazinën tatimore dokumentin e lëvizjes në tre kopje dhe ia dorëzon punonjësit të degës së tatimeve.Punonjësi do të verifikojë ngarkesën kundrejt regjistrave të magazinës dhe dokumentit të lëvizjes, e nëse mbetet i kënaqur, do të nënshkruajë të tri kopjet, duke mbajtur kopjen e tretë e duke i kthyer kopjen e parë dhe kopjen e dytë tatimpaguesit të akcizës. Nëpërmjet nënshkrimit, punonjësi vërteton sasinë e mallrave të akcizës dhe numrin e përdorur të vulave.

Tatimpaguesi i akcizës duhet të dërgojë kopjet 1 dhe 2 të dokumentit të lëvizjes së bashku me ngarkesën e mallrave të akcizës në magazinën pritëse ose vendin e eksportit sipas rastit dhe t’ia paraqesë dokumentin punonjësit të degës së tatimeve në magazinën tatimore pritëse ose në Doganë, sipas rastit.

Dega e tatimeve që mbulon magazinën ose doganën pritëse duhet të firmosë të dyja kopjet e dokumentit të lëvizjes duke deklaruar që vulat janë të paprekura ose të pahapura. Nëse ngarkesa kontrollohet, sasite dhe lloji i mallrave të akcizës të verifikuara, duhet të shënohen në dokumentin e lëvizjes. Kopjo e parë mbahet nga dega e tatimeve për magazinën ose doganën pritëse sipas rastit. Kopjo e dyte duhet t’i kthehet magazinës së nisjes.

Doganat duhet të kontrollojnë nëse vula e të gjitha ngarkesave të mbërritura për eksport është prekur, fallsifikuar ose ka humbur.

Një magazinë tatimore mund të pranojë vetëm kategoritë e mëposhtme të mallrave të akcizës nën regjim pezullimi tatimor:

mallra akcize që janë prodhuar ose ambalazhuar në Republikën e Shqipërisë dhe dërgohen ose livrohen për në magazinat tatimore që janë pronë dhe administrohen nga i njëjti person;

ngarkesat tregtare të mallrave që janë prodhuar ose ambalazhuar në Republikën e Shqipërisë dhe dërgohen ose livrohen dhe për në magazinat tatimore që janë pronë dhe administrohen nga i njëjti person; dhe

ngarkesat tregtare të mallrave të akcizës që janë importuar me kusht që të zbatohen dispozitat sipas Udhëzimit 15.

Për rastet e lëvizjes së parashikuar në paragrafët 14.1(a) dhe (b) më lart, duhet të zbatohet proçedura e përcaktuar në paragrafët 14.3 deri 14.7, ndërsa për rastet e lëvizjeve në paragrafin 14.1 (c) duhet të zbatohet proçedura e përcaktuar në pikën 15.

Të paktën 2 ditë përpara marrjes së mallrave të akcizës, tatimpaguesi i akcizës përgjegjës për magazinën tatimore pritëse, i paraqet inspektorit të degës së tatimeve që gjendet në magazinën tatimore të dy kopjet e dokumentit të lëvizjes.

Në ditën e mbërritjes së mallit, tatimpaguesi i autorizuar i akcizës në magazinën tatimore pritëse, duhet të informojë degën e tatimeve, përgjegjëse për kontrollin e magazinës tatimore pritëse, për kohën e parashikuar të mbërritjes së ngarkesës. Njoftimi mund të bëhet gojarisht.

Në mbërritjen e ngarkesës nën pezullim tatimor, tatimpaguesi i autorizuar i akcizës për magazinën pritëse, duhet të paraqesë në degën e tatimeve të dyja kopjet e dokumentit të lëvizjes. Dokumentet duhet të përpunohen nga dega e tatimeve sipas paragrafëve 13.6 dhe 13.8 më lart.

Asnjë ngarkesë e mallrave të akcizës nën regjimin e pezullimit tatimor nuk mund të shkarkohet pa praninë e punonjësit të degës së tatimeve, i cili duhet të verifikojë mbërritjen e mallrave në magazinën tatimore, me përjashtim të rasteve kur dega e tatimeve i ka dhënë leje me shkrim tatimpaguesit të autorizuar për shkarkimin e mallit pa praninë e punonjësit të degës së tatimeve.

Një leje e tillë mund të lëshohet në rastet kur punonjësi i degës së tatimeve nuk mund të jetë i pranishëm në datën e mbërritjes së mallit dhe kur tatimpaguesi i autorizuar i akcizës të ketë përmbushur detyrimin e njoftimit për lëvizjen dhe në të njëjtën kohë shuma e akcizës të jetë më e vogël se 100.000Lek.

Kur një ngarkesë e mallrave të akcizës duhet të importohet dhe të vendoset në një magazinë tatimore të autorizuar, duhet të ndiqet proçedura e mëposhtme.

Të paktën 2 ditë përpara datës së parashikuar për mbërritjen e mallrave të akcizës në magazinën e miratuar tatimore, tatimpaguesi i autorizuar i akcizës duhet të njoftojë degën e tatimeve për mbërritjen e mallit me anë të formularit në shtojcën 5.

Me marrjen e njoftimit për mbërritjen e mallrave, organi tatimor e pajis tatimpaguesin me formularin e shtojcës 6 (dokumenti i akcizës që shoqëron e mallit). Ky formular plotësohet nga tatimpaguesi në tre kopje në bazë të dokumentacionit të importit që shoqëron mallin dhe dorëzohet pranë autoriteteve doganore së bashku me deklaratën doganore të importit (DAV) dhe me të gjitha dokumentat e tjera të importit që shoqërojnë mallin.

Formulari i lëvizjes së mallit (shtojca 6) i dorëzuar në organin doganor duhet të përmbajë numrin e tij të identifikimit si dhe nënshkrimin dhe vulën e organit tatimor.

Organi doganor me marrjen e të gjithë praktikës doganore të parashikuar në pikën 15.3 më lart, proçedon me kontrollin dokumentar të deklaratës doganore dhe të shtojcës 6, duke verifikuar përputhshmërinë ose jo të deklarimit të bërë nga tatimpaguesi me dokumentet shoqëruese të mallit.

Pas kryerjes së proçedurës së zhdoganimit organi doganor pasqyron në Shtojcën 6 rezultatet e kontrollit dhe vendos në të njëkohësisht edhe referencat e DAV të importit në kutinë 2. Kopja e tretë e dokumentit të lëvizjes (Shtojca 6), i bashkëngjitet praktikës doganore, ndërsa dy kopjet e tjera shoqërojnë mallin.

Tatimpaguesi paguan detyrimin doganor, TVSH-në, taksën e rrugës dhe sipas rastit edhe taksat e tjera, por nuk paguan akcizë.

Në kutinë 47 të deklaratës doganore, në një rresht të veçantë do të përllogaritet vlera e akcizës dhe përkrah saj do të vendoset shënimi "pezullim tatimor", ndërsa në kutinë 44 të deklaratës doganore do të vendoset numri i identifikimit të tatimpaguesit dhe data e dokumentit të lëvizjes (shtojca 6).

Dogana firmos dokumentin e lëvizjes me zbulimet e kontrollit së bashku me të dhënat e vulave të përdorura dhe mban kopjen e tretë të dokumentit të lëvizjes.

a)Kur dokumenti mbërrin në pikën doganore të importit dhe vula e ngarkesës është e paprekur, punonjësi doganor nënshkruan formularin e lëvizjes së mallrave ku edhe deklaron se në momentin e mbërritjes së ngarkesës në doganë, vula ishte e paprekur dhe se nuk ishin kryer kontrolle doganore mbi ngarkesën.

b) Nëse vërehet se vula është thyer ose falsifikuar, ose kur dogana kërkon të ushtrojë një kontroll fizik të ngarkesës, punonjësi doganor duhet të kontrollojë sasinë e mallrave të akcizës brenda ngarkesës dhe të firmosë formularin e lëvizjes duke shënuar sasinë e mallrave të akcizës brenda në ngarkesë.

c)Në rastet kur, për qëllimet e kryerjes së një kontrolli sipas Kodit Doganor vula thyhet nga doganat, ose kur vula e dërguesit është thyer ose prekur, punonjësi i administratës doganore duhet të riplumbosë ngarkesën me një vulë doganore ose të mbikqyrë vendosjen e një vule nga shoqëria spedicionere dhe të nënshkruajë, formularin e lëvizjes duke shënuar sasinë e gjetur të mallrave të akcizës dhe numrin e ri të vulës.

Pasi mallrat të jenë zhdoganuar në doganën e hyrjes, tatimpaguesi i akcizës ose një agjent që vepron në emër të tij, njofton verbalisht degën tatimore përkatëse për kohën e parashikuar të mbërritjes së ngarkesës së mallrave të akcizës në magazinën tatimore të destinacionit dhe deklaron nëse ngarkesa ka vulën e dërguesit ose, nëse është kryer një kontroll doganor mbi mallrat dhe, prej ketu mallrat duhet të dërgohen drejtpërdrejtë në magazinën tatimore duke ndjekur rrugën me të shkurtër të shoqëruar nga kopja e parë dhe e dytë e dokumentit të lëvizjes.

Nëse në momentin e mbërritjes së ngarkesës punonjësi i degës së tatimeve nuk është i pranishëm në magazinën tatimore pritëse, duhet njoftuar menjëherë dega e tatimeve për mbërritjen e mallit.

Punonjësi i degës së tatimeve duhet të kontrollojë sasinë e mbërritur të mallrave të akcizës kundrejt sasisë së mallrave të akcizës në dokumentin që shoqëron lëvizjen nga vendi i importit dhe të firmosë në dy kopje gjetjet e rezultuara nga ekzaminimi. Kopja e parë duhet të mbahet nga punonjësi dhe të vendoset në dosjen e tatimpaguesit dhe kopja e dytë i kthehet doganës në pikën e importit.

Në rastet kur sasia e mbërritur e mallrave të akcizës është më e vogël sesa sasia në dokumentin e lëvizjes, duhet të zbatohen dispozitat e pikës 24 të këtij udhëzimi.

Asnjë ngarkesë e mallrave të akcizës nën regjimin e pezullimit tatimor nuk mund të shkarkohet pa praninë e punonjësit të degës së tatimeve, i cili duhet të verifikojë mbërritjen e mallrave në magazinën tatimore, përveçse në rastet kur dega e tatimeve i ka dhënë leje me shkrim tatimpaguesit të autorizuar të akcizës për shkarkimin e mallit pa praninë e punonjësit të degës së tatimeve.

Dega e tatimeve mund të lëshojë një leje të tillë vetëm në rastet kur nuk ka asnje punonjës të pranishëm në datën e mbërritjes së mallit, dhe kur tatimpaguesi i autorizuar i akcizës ka zbatuar proçedurën e kryerjes së njoftimit dhe shuma e akcizës për t’u paguar nuk i tejkalon 100,000 lekë, por leja nuk jepet nëse organet doganore nuk kanë ushtruar kontroll mbi ngarkesën.

Kur shkarkimi është autorizuar të kryhet pa praninë e punonjësit tatimor, tatimpaguesi i autorizuar i akcizës duhet të marrë masa për ruajtjen e vulës doganore ose tregtare pas heqjes dhe numri i vulës të jetë shënuar në dokumentin e lëvizjes. Sasia e mallrave të akcizës duhet të regjistrohet në regjistrat e magazinës dhe në formularin e lëvizjes dhe, nëse rezulton ndonjë mospërputhje ndërmjet sasisë në formularin e lëvizjes dhe në sasinë faktike të mbërritur, duhet të njoftohet menjëherë, ose në rastin me të parë të volitshëm, dega e tatimeve.

Importet e mallrave të akcizës nga përfaqësitë diplomatike të akredituara në Shqipëri ose organizatat ndërkombëtare që kanë një marrëveshje të ratifikuar në Kuvend për përjashtim nga akciza, duhet të kryhen dhe të kontrollohen sipas proçedurave të përcaktuara nga Drejtoria e Përgjithshme e Doganave.

Për qëllimet e këtij udhëzimi me "konteiner" nënkuptojmë çdo lloj depozite [tanker, rifuxho] që përdoret për të transportuar ngarkesat tregtare të mallrave të akcizës, me përbërje metalike dhe kur të gjitha hyrjet e konteinerit të mallrave e akcizës duhet të plumbosen.

Për qëllimet e këtij udhëzimi një "automjet" nënkupton çdo mjet të motorizuar transporti që mund të plumboset. Një automjet nuk mund të përdoret për transportimin e mallrave të akcizës kur anët e automjetit përbehen nga pëlhurë ose material tjetër i butë, ose kur mallrat nuk janë të mbuluara.

Për qëllimet e këtij udhëzimi, me "vulë" nënkuptohet një pajisje treguese që duhet të shkatërrohet kur hapet kontenieri ose automjeti në të cilin është instaluar, në mënyrë që mos mund të përdoret përsëri.

Në rastet kur gjatë verifikimit nga punonjesi tatimor vihet re që vula nuk është konform specifikimit të kërkuar atëherë:

- duhet paguar akciza për ngarkesën;

- lëvizja e ngarkesës nuk duhet të lejohet derisa të vihen vulat e duhura.

Çdo përdorues i vulave duhet të zbatojë kushtet e mëposhtme:

- vulat duhet të kenë një shenjë të përhershme unike identifikimi, të kenë numër serial dhe të përdoren sipas radhës;

- të gjitha vulat dhe pajisjet për vulosje duhen të mbahen të kyçura dhe çelësi duhet të mbahet nga personi përgjegjes i tatimpaguesit të akcizës;

- duhet mbajtur një regjistër i përhershëm i stoqeve që të tregojë marrjen e mallit, numrat serialë, përdorimin dhe shkatërrimin e vulave, i cili duhet t’i paraqitet punonjësit përkatës të degës së tatimeve me kërkesën e këtij të fundit;

- e gjithë gjendja e vulave duhet të inspektohet rregullisht dhe të rakordohet;

të gjitha vulat me difekt dhe vulat e hequra pas përdorimit duhet të inspektohen nga një punonjës i organit tatimor përpara shkatërrimit të tyre, që bëhet në mënyrën e miratuar;

- shenjat e numrave të vulave duhet të tregohen qartë në dokumentet që shoqërojnë mallrat e akcizës dhe të verifikohen përpara lëvizjes së tyre sipas pikës 13.4 më lart;

- vulat mund të vihen ose të hiqen nga personeli i magazinës tatimore që është autorizuar nga administrata tatimore. Person i autorizuar është ai që përmendet në miratimin e magazinës tatimore, që ka kompetencën e duhur për përdorimin e vulave.

Çdo person i autorizuar sipas Nenit 4 të Ligjit, në çdo magazinë të miratuar tatimore, sipas biznesit të akcizës që kryen, duhet të mbajë regjistrimet e mëposhtme në mënyrën e përshkruar në paragrafët 17.2 dhe 17.4 më poshtë:

 - regjistri i të gjitha lëndëve të para të marra, siç specifikohet në miratimin për magazinën tatimore, sipas formularit të përcaktuar në shtojcën 7;

 - regjistri i prodhimit duke përdorur një faqe të vaçantë për çdo cikël prodhimi, në formën dhe mënyrën e përcaktuar në shtojcën 8, çdo cikli prodhimi i caktohet një numër brenda një serie vijuese vjetore.

 - regjistri i materialit ambalazhues gjendje dhe shpërndarjes së tij, në formën dhe mënyrën e përcaktuar në Shtojcën 9;

 - regjistri i daljes nga magazina tatimore të mallrave të tatueshme, sipas Shtojcës 10;

 - regjistri i daljes nga magazina tatimore të mallrave në regjim pezullimi, sipas Shtojcën 11;

 - regjistri i mbetjeve, në formën dhe mënyrën e përcaktuar në Shtojcën 12;

 - llogaritë vjetore;

 - dokumentet bankare;

 - regjistrat e arkës dhe regjistra të tjerë kontabiliteti;

 - dokumentet e importit dhe eksportit;

 - librat e shitjeve dhe blerjeve;

 - faturat e blerjes dhe shitjeve;

 - korrespondenca e të gjitha bizneseve.

Operatorët e magazinave tatimore të miratuara vetëm për magazinim dhe shpërndarje nuk janë të detyruar të mbajnë regjistrat në lidhje me prodhimin e mallrave të akcizës.

Në rastet kur lloji i biznesit të akcizës nuk kërkon mbajtjen e të gjithë regjistrave të renditura në paragrafin 17.1 më lart, tatimpaguesi i autorizuar i akcizës, në marrëveshje me shkrim me degën e tatimeve mund të përdorë regjistra të ndryshëm të cilët i paraqet së bashku me kërkesën me shkrim. Kërkesa për të mbajtur regjistra të ndryshëm duhet të provojë që me anë të tyre realizohet skema e kontrollit dhe paraqitja e plotë e informacionit.

Kur regjistrat mbahen në mënyrë të informatizuar ato duhet të paraqesin të njëjtat të dhëna, ashtu si dhe regjistrat e përcaktuar në paragrafin 17.1 më lart.

Personi i autorizuar si përfaqesues tatimor sipas Nenit 7 të ligjit, duhet të mbajë të gjitha të dhënat në lidhje me ngarkesat e mallrave të akcizës për të cilat është i detyruar të paguajë tatimin e akcizës, përfshirë këtu:

a) llogaritë vjetore;

b) dokumentat bankare;

c) regjistrat e arkës dhe të dhëna të tjera kontabiliteti;

d) dokumente importi dhe eksporti;

dh) librat e blerjes dhe shitjes;

e) faturat e blerjes dhe shitjes;

f) të gjithë korrespondencën e biznesit.

Përveç kësaj, përfaqësuesi tatimor duhet të mbajë të dhëna për çdo tatimpagues që përfaqson, ku të një përmbledhje e të gjithë shumës së akcizës së pagueshme për çdo periudhë tatimore (muaj kalendarik).

Pëfaqesuesi tatimor nuk mund të mbajë asnjë mall akcize në kuadrin e regjimit të pezullimit tatimor.

Përveç regjistrimeve të renditura në pikën 17 më lart, për çdo muaj kalendarik, duhet të përgatitet një deklaratë e stokut që përmban informacionin e duhur e cila duhet të jetë në formën dhe mënyrën e përcaktuar në Shtojcën 14 dhe duhet të dorëzohet në degën e tatimeve që mbulon magazinën tatimore me të cilën ka lidhje deklarata e stokut, në ditën e 15 të muajit që vijon pas atij, të cilit i referohet deklarata.

Lëndët e para duhet të mbahen në një vendndodhje të vaçantë për magazinim brenda magazinës tatimore, në planimetrinë e dorëzuar si pjesë e miratimit të magazinës tatimore, në mënyrë që të mund të identifikohen lehtë.

20.2 Çdo mbërritje lëndësh të para në magazinën tatimore dhe shpërndarjet e lëndeve të para nga ambjenti i ruajtjes së lëndëve të para brenda magazinës, duhet të maten dhe të regjistrohen në regjistra, siç është përcaktuar në pikën 17 dhe në Shtojcën 7.

21. Magazinimi dhe regjistrimi i mallrave të akcizës që janë nën pezullim tatimor

Mallrat e akcizës që i janë nënshtruar regjimit të pezullimit tatimor mund të mbahen vetëm në një magazinë tatimore të miratuar, në hapësira të veçanta, të përcaktuara qartë brenda planimetrisë së paraqitur si pjesë e miratimit të magazinës tatimore.

Për mallrat e ambalazhuara të akcizes, çdo kuti ose paletë duhet të ketë përmasa standarte sipas përmasave të veçanta të paketës, shishes ose konteinerit.

Kur vera dhe pijet alkoolike, përpara se të ambalazhohen për t’u shitur me pakicë, vendosen në një konteiner me vëllim më të madh se 5 litra, në konteiner duhet shënuar numri i serisë së prodhimit të mallrave të akcizës, dhe data e magazinimit, përveç shenjave dhe numrave që identifikojnë konteinerin sipas kushteve të përcaktuara në miratimin e magazinës tatimore.

Mallrat e akcizës që normalisht kërkojnë pulla akcize, por janë për eksport duhet të mbahen në një ambjent veçmas nga ambjenti ku mbahen mallrat e akcizës që kanë pulla akcize, në përputhje me planin e dorëzuar si pjesë e miratimit të magazinës tatimore.

22.1 Mallrat për të cilat paguhet akcizë (përfshi mallrat e akcizës me pullë) mund të mbahen vetëm në një magazinë tatimore të miratuar, në hapësira të përcaktuara veçanërisht për to, veçmas nga mallrat që janë nën regjimin e pezullimit tatimor dhe që janë përcaktuar qartë brenda planit të paraqitur në formularin e kërkesës.Tatimpaguesi duhet të ketë në dispozicion dokumentet që vërtetojnë pagesën e akcizës të cilat përfshijnë:

- regjistrat që tregojnë se, kur është paguar tatimi dhe është bërë shpërndarja e mallrave për të cilat është paguar akciza (kur mallrat janë prodhuar nga një operator i autorizuar i magazinës tatimore në të cilën mbahen );

- dokumenti i livrimit, faturën tatimore dhe/apo dokumentin bankar në lidhje me pagesën e akcizës, në rrethanat kur mallrat për të cilat akciza është paguar, nuk janë prodhuar nga operatori i magazinës tatimore.

Akciza e pagueshme mbi mallrat e akcizës nuk duhet të paguhet kur ka humbje, siç përcaktohet në nenin 13 të ligjit, nëse kjo humbje llogaritet dhe shpjegohet sipas dispozitave të këtij udhëzimi.

Për ngarkesat e mallrave të akcizës nën pezullim tatimor, qofshin këto ngarkesa tregtare ose të tjera, të cilat udhëtojnë nga pika e importit për në magazinën tatimore në Shqipëri ose nga një magazinë tatimore tek një tjetër brenda Shqipërisë, dhe që janë nën pronësinë dhe administrimin e të njëjtit person, kur këto ngarkesa janë më të vogla se ato që paraqiten në dokumentin e lëvizjes në momentin e dorëzimit, atëherë duhet nisur menjëherë një investigim.

Investigimi duhet të përfshijë stafin që punon në magazinën tatimore pritëse, stafin që punon në vendin e nisjes dhe personin përgjegjës për transportimin e mallit. Në rastet kur sasia e marrë është më e vogël, se ajo e deklaruar në dokumentin e lëvizjes, investigimi duhet të përcaktojë nëse humbja ka ndodhur për shkak të ndonjë aksidenti.

24.3 Për të mundësuar arritjen në një përfundim nga ana e degës së tatimeve, lidhur me pagesën apo jo të akcizës mbi humbjen, duhet të përgatitet një raport me shkrim mbi rrethanat e humbjes.

Pavarësisht nga pika 23 me lart, në rastet kur një ngarkesë e mallrave të akcizës nuk rivuloset [riplumboset] në doganë, importuesi i mallrave të akcizës është përgjegjës për akcizën mbi të gjitha humbjet e përcaktuara në nenin 13 të ligjit. Dega tatimore përkatëse vlerëson akcizën mbi sasinë e mallrave që kanë lidhje me humbjen.

Humbjet e zakonshme në proçesin e prodhimit (diferenca midis produkteve përfundimtare me akcizë që janë prodhuar dhe sasisë maksimale teorike të produkteve përfundimtare me akcizë që mund të prodhohen nga lëndët e para të përdorura në proçes), në ambalazhim (dëmtimet dhe humbjet) dhe magazinim (të tilla si avullimi i alkoolit), nuk tatohen me akcizë. Për shifrat e prodhimit faktik, të humbjes në prodhim dhe magazinim duhet të biet dakord dhe këto të pëfshihen në miratimin dhe autorizimin përkatës që i jepet personit për magazinën tatimore. Megjithatë, në asnjë rrethanë humbja e miratuar nuk duhet të tejkalojë:

- për alkolin dhe pijet alkolike, 2% të vëllimit që është parashikuar të prodhohet nga sasia e lëndëve të para që përdoren në prodhim, dhe 2% për ambalazhimin, që përfshin sasinë e lëngut të derdhur të mallrave të akcizës në proçesin e ambalazhimit, ambalazhime të demtuara apo të mbushura me pak ose të avulluara;

- për pijet joalkolike, që përfshihen në kodin NC 20 09 dhe 22 02, humbja maksimale është 2% e vëllimit që ishte parashikuar të prodhohej nga sasia e lëndëve të para të përdorura në prodhim;

- për cigaret, humbja maksimale është 2% e sasisë së cigareve që ishte parashikuar të prodhoheshin nga sasia e lëndëve të para të përdorura në prodhim;

- për karburantin, humbja maksimale është 2% e vëllimit që ishte parashikuar të prodhohej nga sasia e lëndëve të para të përdorura në prodhim dhe jo më shumë se 1% e humbjeve në magazinim kur vëllimi përcaktohet sipas pikës 59 më poshtë.

Pavarësisht nga nivelet maksimale të renditura më lart në paragrafin 25.1, kur shkaku i humbjes nuk mund të shpjegohet, për të gjitha humbjet e pashpjeguara paguhet akcizë.

Humbjet e pazakonta (çdo humbje e ndodhur papritur, siç janë plaçkitjet në magazinë, derdhjet, dëmtimet nga keqfunksionimi i makinerisë etj.) do t’i nënshtrohen një vlerësimi. Megjithatë, nëse humbja është e shpjegueshme mund të mos paguhet akcizë, por kjo humbje duhet të evidentohet dhe të mos jetë e vazhdueshme. Çdo person që ka marrë një vlerësim që rezulton nga humbja, mund të paraqesë një shpjegim me shkrim si pjesë e proçesit të apelimit. Shpjegimi duhet të paraqesë evidencë që po merren të gjitha hapat e arsyeshëm, që:

të sigurojë gjatë ngarkimit, transportimit dhe shkarkimit mallrat e akcizës nën regjimin e pezullimit tatimor;

të masë me saktësi sasitë e dala dhe të marra;

të sigurojë mbledhjen dhe dhënien e të gjithë informacionit përkatës në lidhje me ndonjë incident, aksident ose gabim që dëmton mallrat e akcizës.

Shpjegimi që paraqet si shkak një humbje aksidentale nuk pranohet pa fakte të mjaftueshme vërtetuese.

Në rrethanat kur identifikohet një humbje e pazakontë dhe tatimpaguesi i akcizës do të kërkojë mospagimin e akcizës për humbjen, duhet që të bëhet një shënim në regjistrin e ciklit të prodhimit dhe regjistrin e mbetjeve në shtojcën 12, si dhe të raportohet humbja e pazakontë në shtojcën 13. Tatimpaguesit i duhet gjithashtu që, menjëherë pasi të jetë identifikuar humbja, të kontaktojë degën tatimore përkatese deri në fund të ditës pasardhëse të punës.

Raporti i humbjeve të pazakonta duhet të përfshijë datën dhe kohën kur është identifikuar humbja, datën dhe kohën kur është njoftuar punonjësi i degës tatimore, një shpjegim të plotë të shkakut të kësaj humbjeje, sasinë e vlerësuar të mallrave ose lëndëve të para që kane humbur dhe masat që janë marrë për mospërsëritjen e saj.

Vlerësimi i akcizës për humbjet i lëshohet personit që është përgjegjës për mallin e akcizës në kohën kur ka ndodhur humbja. Personi të cilit i është bërë vlerësimi mund të apelojë dhe të sigurojë fakte që humbja ndodhi për një arsye të ligjshme ose kur humbja ka ndodhur në momentin që mallrat nuk kanë qenë në zoterim të personit.

Një arsye e drejtë është kur humbja ndodh për shkaqe të natyrshme brenda proçeseve operative ose dëmtimeve gjatë proçesit të ambalazhimit në shishe ose për shkak të një aksidenti duke e bërë të pamundur konsumin e mallrave.

Të gjitha sasitë e humbura të mallrave të akcizës për shkak të tejmbushjes së vazhdueshme të tatohen me akcizë.

"Humbjet" e mallrave të akcizës për shkak të vjedhjes ose plaçkitjes nuk konsiderohen si humbje të pranuara. Kur një mall akcizë nën regjimin e pezullimit tatimor vidhet, personi i autorizuar që ka qënë në zotërim të mallit, duhet të paguajë akcizën mbi sasinë e mallrave të vjedhura.

Marrja e mostrave është e lejuar. Tatimpaguesi i autorizuar i akcizës mund të marrë sasi të prodhimit dhe mostra si referencë për t’i analizuar, por jo për konsum dhe në këtë rast sasia e prodhimit të marrë si mostër përjashtohet nga akciza.

Të përjashtuara nga akciza janë vetëm mostrat që nuk konsumohen nga njerëzit. Të gjitha mostrat e tjera, siç janë mostrat tregtare që përdoren për qëllime tregtare ose promocionale, ose për provë janë të tatueshme me akcizë.

Tatimpaguesi i autorizuar i akcizës mund të marrë dhe të heqë mostra nga një proçes prodhimi, proçes ambalazhimi në shishe ose magazinimi pa paguar tatim për:

- kontrollet e cilësisë;

- qëllime reference;

- kërkime shkencore ose testim.

Një regjistër i veçantë i njohur si "Regjistri i Mostrave" duhet të mbahet sipas formës dhe mënyrës në shtojcën 15 më poshtë.

Të gjitha mostrat që janë të përjashtuara nga tatimet duhet të klasifikohen me detaje që mund të rakordohen me regjistrin e mostrave. Madhësia e çdo mostre duhet të jetë minimumi i asaj që nevojitet për perdorimin e veçantë.

Pasi të jenë marrë mostrat, ato duhet të kthehen në mallin gjendje ose të shkatërrohen sipas proçesit të përshkruar më poshtë në pikën 28.

28.1 Personi që mban mallrat e akcizës në magazinën e tij tatimore dhe që dëshiron t’i shkatërrojë ato, duhet të njoftojë punonjësin e degës tatimore në rreth për çdo lloj shkatërrimi brenda magazinës tatimore pesë-ditë pune më përpara (përjashtuar të shtunat, të dielat ose ditët e festave zyrtare) sipas njoftimit të formularit të shkatërrimit të mallrave të akcizës në shtojcën 16.

28.2 Organi tatimor mund të japë leje për shkatërrimin e mallrave të akcizës për të cilat akciza nuk është paguar nëse mallrat:

- janë të dëmtuara;

- rezultojnë më shumë pas operacioneve;

- rezultojnë mbetje;

- janë në kushte të patregtueshme.

28.3 Nga tatimpaguesi i autorizuar i akcizës nuk mund të bëhet shkatërrimi pa marrë fletën e "Miratimit". Ogani tatimor do të kthejë pranimin pesë ditë- pune nga marrja e tij.

29.1 Proçeset e miratuara të përcaktuara në nenin 19(2)(a) janë:

prodhimi i produkteve të pranuara mjekësore të miratuara nga organi tatimor dhe që i nënshtrohen proçedurave të pikës 30 më poshtë;

prodhimi i uthullës, që i nënshtrohet proçedurave në pikën 31 më poshtë;

prodhimi për tregtim i mallrave ushqimore duke përdorur pije alkoolike;

ç. përdorimi i karburantit për motorët e anijeve të peshkimit;

prodhimi i alkoolit të denatyruar që i nënshtrohet proçedurave të pikës 32 dhe 33 më poshtë.

29.2 Akciza e paguar mbi mallrat, të cilat janë përdorur në proçeset e miratuara më lart jashtë magazinës tatimore, mund të bëhet objekt i një kërkese për rimbursim.

29.3 Sipas dispozitave të kësaj pjese, kur një person i vërteton organit tatimor që:

- çdo sasi alkooli e tatueshme, për të cilën është paguar akcizë, është përdorur në një proçes të miratuar në pikën 29.1 më lart, ai person ka të drejtë të bëjë kërkesë në organin tatimor për rimbursimin e akcizës së paguar mbi mallrat përkatëse të akcizës të përdorura në prodhimin e atij produkti; ose

çdo sasi e tatueshme karburanti, për të cilën është paguar akcizë, është përdorur në motorin e një anijeje tregtare peshkimi për udhëtime për peshkim, ai mund të bëjë kërkesë në organin tatimor për rimbursimin e akcizës së paguar për karburantin e përdorur gjatë udhëtimeve të peshkimit.

Rimbursimi i akcizës në lidhje me ndonjë sasi alkooli ose karburanti nuk duhet bërë, përveçse ndaj një personi i cili:

 - është personi që ka përdorur alkoolin ose pijen alkoolike në një proçes të miratuar të specifikuar në paragrafin 29.1 më lart dhe kryen një biznes si furnizues produktesh të renditura në paragrafin 29.1 më lart, të cilat nxirren ose prodhohen për qëllimet e atij biznesi; ose

 - është organizata e menaxhimit të peshkimit e miratuar me Vendim të Këshillit të Ministrave, për akcizën e paguar për karburantin e furnizuar personave që zotërojnë anije tregtare peshkimi, që përdoren vetëm për udhëtime peshkimi.

Çdo person që blen mallra akcize që do të përdoren në një proçes të miratuar, duhet të sigurohet që fatura të përfshijë:

 - një numer serial vijues;

 - sasinë dhe llojin a mallrave të blera të akcizës;

 - detyrimin e akcizës mbi ngarkesën.

Rimbursimi do të bëhet vetëm kur mund të verifikohet evidenca e përdorimit të mallrave të akcizës në proçesin e miratuar dhe të jetë paguar akciza që kërkohet nga rimbursimi. Çdo person që dorëzon një kërkesë për rimbursim të tatimit të akcizës së paguar mbi mallrat, që janë përdorur në një proçes të miratuar, duhet të mbajë të dhënat e mëposhtme (perveç të dhënave të zakonshme tregtare) dhe t’i dorëzojë ato sa herë që kërkohen nga organi tatimor:

 - regjistrimet e alkoolit të marrë dhe të përdorur;

 - faturat që tregojnë shumën e akcizës së paguar për mallrat;

 - për një rimbursim të karburantit të përdorur në peshkim, duhet të paraqiten të dhënat sipas paragrafëve 29.7 dhe 29.8 më poshtë.

Në rastet kur karburanti përdoret në motorin e anijes tregtare të peshkimit gjatë një udhëtimi për peshkim, rimbursimi do të kryhet vetëm pasi të evidentohet një përdorim i tillë, siç përshkruhet në paragrafin 29.8 me poshtë dhe furnizimi i karburantit, veprimtaria e peshkimit dhe veprime të tjera të jenë konform Vendimit të Këshillit të Ministrave. Për qëllimin e këtij udhëzimi, një udhëtim për qëllime tregtare peshkimi nënkupton një udhëtim që kryhet nga një shoqëri peshkimi me qëllim zënien e peshkut për shitje.

Organizata e Menaxhimit të Peshkimit që bën kërkesë për rimbursimin e akcizës së paguar për karburantin e përdorur në motorin e një anijeje peshkimi gjatë një udhëtimi për peshkim, duhet të mbajë të dhënat e mëposhtme dhe t’ia paraqesë ato organeve tatimore sa herë që nevojitet:

 - detaje për sasinë e karburantit të përdorur për udhëtime tregtare peshkimi;

 - detaje për sasinë e karburantit që i furnizohet çdo anije tregtare peshkimi;

 - numrat e regjistrimit të të gjitha anijeve tregtare të peshkimit me të cilat ka të bëjë kërkesa për rimbursim;

 - faturat e furnizimit të karburantit anijeve të peshkimit, që trëgojnë numrin e regjistrimit të çdo anijeje;

 - fatura e blerjes së karburantit që tregon veçmas detyrimin e akcizës për karburantin e blerë;

 - ditari i udhëtimit të anijes tregtare të peshkimit që tregon orarin e nisjes dhe kthimit në port, qëllimin e udhëtimit dhe vendin ku është kryer peshkimi.

Kërkesa për rimbursim duhet të bëhet në periudha kalendarike tre mujore, në degën e tatimeve ku është i regjistruar kërkuesi duke përdorur formularin e paraqitur në Shtojcën 22 të këtij Udhëzimi.

29.10 Pas marrjes së kërkesës për rimbursim së bashku me dokumentet mbështetëse, dega e tatimeve nëse bindet, do të marrë masa për miratimin e rimbursimit, që do të paguhet brenda 30 ditëve nga paraqitja e kërkesës, përveçse në rastet kur kërkesa i nënshtrohet një investigimi të mëtejshëm për të verifikuar vërtetësinë e saj.

Një prodhues i produkteve të njohura mjekësore duhet të jetë një shoqëri farmaceutike, interesi kryesor i biznesit të së cilës është prodhimi i produkteve të njohura mjekësore.

Një produkt i njohur mjekësor është ai produkt me cilësi mjekësore të njohura dhe i verifikuar nga Ministria e Shëndetësisë. Për qëllimet e këtij udhëzimi, ilaçet herbale dhe homeopatike nuk konsiderohen si produkte mjekësore të njohura.

Regjistrimet e ambalazheve dhe shpërndarjes së prodhimit siç paraqiten në pikën 17 dhe shtojcën 7, shtojcën 8 dhe shtojcën 9 të këtij udhëzimi duhet të mbahen në formë të tillë që tregon sasinë e alkoolit të marrë dhe të përdorur për prodhimin e produkteve mjekësore.

Uthulla që klasifikohet sipas kodit të Nomenklaturës Doganore 22.09 është e përjashtuar nga akciza.

31.2 Tatimpaguesi i autorizuar i akcizës që prodhon uthull duhet të mbajë të dhënat e ambalazhimit dhe shpërndarjes së mallrave të akcizës përfshirë të dhënat për uthullën, të renditura më lart në pikën 17 dhe shtojcën 7, Shtojcën 8 dhe Shtojcën 9 të këtij udhëzimi, si dhe të plotësojë të gjitha kushtet e miratimit të magazinës tatimore.

32.1 Alkooli denatyrohet kur i shtohen kimikate ose substanca të tjera që nuk pihen, me qëllim që ta bëjnë atë të papijshëm.

32.2 Kategoritë e alkoolit të denatyruar që njihen në Republikën e Shqipërisë si alkool i denatyruar, dhe si rrjedhojë përjashtohen nga tatimi i akcizës në vendin e importit janë renditur në pikat 32.3 deri 32.8 në vijim, si dhe përbërjet jostandarte të alkoolit të denatyruar të miratuar sipas pikës 33.4 më poshtë.

32.3 Kategoritë e alkoolit të denatyruar janë:

Alkool krejtësisht i denatyruar;

Alkool pjesërisht i denatyruar;

Alkool i denatyruar në ambjentet tregtare.

32.4 Formulimi standart i alkoolit tërësisht të denatyruar është:

- 90 pjesë të vëllimit të pijeve alkoolike;

- 9.5 pjesë të vëllimit të vajgurit drusor;

- 0.5 pjesë të vëllimit të piridinës së papërpunuar që shtohet për çdo 1.000 litra

- 3.75 litra të mineralit vajguror (naftë);

- 1.5 gram të metilit bojevjollcë.

Në rastet kur nuk mund të përdoret alkooli krejtësisht i denatyruar, në vënd të tij mund të përdoret ai pjesërisht i denatyruar në përbërjen e mëposhtme:

- 95 pjesë të vëllimit të pijeve alkoolike;

- 5 pjesë të vëllimit të vajgurit drusor.

32.6 Alkool pjesërisht i denatyruar mund të përdoret në:

prodhimin e ndonjë artikulli që në trajtën e tij përfundimtare nuk përmban lëndë alkoolike;

prodhimi i produkteve mjekësore, veterinare dhe farmaceutike vetëm për përdorim të jashtëm;

proçese pastrimi industriale ose komerçiale.

32.7 Përberje alkooli të denatyruar, veçanërisht për tregti, mund të përdoren në prodhimin e artikujve kosmetike dhe parfumeve në përbërjet e mëposhtme:

- 999 pjesë të vëllimit të pijeve alkoolike (të një fortësie jo me pak se 85% e vëllimit);

- 1 pjesë e vëllimit të alkoolit butil tretësor të cilit i shtohet 10 mikrograme bitreks për mililitër.

Alkooli i denatyruar që përfshihet në përkufizimet e pikës 32 më lart ose përputhet me formulën e miratuar nga organi tatimor sipas paragrafit 33.5 më poshtë është i përjashtuar nga akciza.

Regjistrimet e ambalazhimit dhe shpërndarjes së prodhimit siç tregohen në pikën 17 dhe shtojcën 7, shtojcën 8 dhe shtojcën 9 të këtij udhëzimi duhet të mbahen duke treguar sasinë e akoolit të marrë dhe të përdorur në prodhimin e alkoolit të denatyruar.

Vetëm sasitë e alkoolit të përdorur në ato formulime të alkoolit të denatyruar që miratohen nga organi tatimor janë të pranueshme për rimbursim.

Përbërje të ndryshme dhe receta kimikatesh dhe substancash të tjera mund të përdoren për qëllime të ndryshme. Një prodhues mund të bëje kërkesë në degën e tatimeve për të marrë leje për përdorimin e një formule jostandarte alkooli të denatyruar në rrethanat kur përbërjet standarte nuk janë të përshtatshme.

Për të bërë kërkesë për një formulë jostandarte alkooli të denatyruar, prodhuesi i alkoolit të denatyruar duhet t’i paraqesë një kërkesë me shkrim degës së tatimeve, duke i dhënë një përshkim të përbërjes së re, arsyen pse nuk mund të përdoren formulimet në autorizimin ekzistues dhe një mostër të alkoolit të denatyruar për t’u testuar nga instituti i teknologjisë ushqimore.

Pas këshillimit me "institutin e teknologjisë ushqimore", Dega e Tatimeve do të vendosë nëse përbërja e re mund të prodhohet.

Prodhuesi i alkolit të denatyruar që përdor një formulë jostandarte nuk mund të aplikojë për rimbursim, përderisa formula jostandarte të jetë miratuar me shkrim.

Dispozitat e këtij udhëzimi që lidhen me rimbursimin nuk zbatohen në rastet kur alkooli i denatyruar është prodhuar në të njëjtën magazinë tatimore ku është prodhuar alkoli natyral.

Dispozitat e kësaj pjese zbatohen për deklaratën dhe pagesën e akcizës për mallrat që tregtohen pa pullë akcize. Këto dispozita nuk zbatohen mbi mallrat e akcizës të importuara për të cilat akciza i paguhet Drejtorisë së Përgjithshme te Doganave.

Çdo person që duhet të paguajë çfarëdolloj shume akcize gjatë një periudhe tatimore apo që kërkon rimbursimin e akcizës për një periudhë tatimore, duhet që, në çdo periudhë tatimore, të dorëzojë një deklaratë.

Deklarata duhet të jetë në formën e përcaktuar në shtojcën 17 dhe duhet të firmoset nga një nënshkrues i autorizuar që konfirmon se informacioni i dhënë është i vërtetë dhe i plotë.

Për qëllimet e këtyre dispozitave, periudha tatimore është muaji kalendarik.

Deklarata plotësohet dhe paraqitet në dy kopje, dhe pagesa bëhet nga tatimpaguesi i autorizuar i akcizës ose një nënshkrues i autorizuar në filialin e bankës përkatëse, e cila ka një marrëveshje me organin tatimor për pranimin e pagesave në lidhje me akcizën.

Deklarata duhet të paraqitet dhe tatimi duhet të paguhet në bankë në rrethin ku gjëndet magazina tatimore e miratuar, jo më vonë se data 15 e çdo muaji për muajin (periudhën tatimore) paraardhës. Ditët e pushimit ose festat nuk