Në mbështetje të nenit 102, pika 4 të Kushtetutës së Republikës së Shqipërisë dhe në zbatim të nenit 3, pika 4, dhe neneve 5, 6, 7, 8 të Ligjit Nr.8978, datë 12.12.2002 "Për taksën vendore mbi biznesin e vogël", Ministri i Financave dhe Ministri Pushtetit Vendor dhe Decentralizimit

Taksa vendore mbi biznesin e vogël administrohet nga Drejtoria e Përgjithshme e Tatimeve. Të gjitha referimet në Ligjin Nr. 8978, datë 12.12.2002 "Për Taksën Vendore mbi Biznesin e Vogël" për "organin tatimor" nënkuptojnë degën e tatimeve të rrethit përkatës.

Për qëllimet e këtij Ligji, një njoftim i lëshuar nga dega e tatimeve në rreth apo nga Komisioni i Apelimit të Tatimeve, konsiderohet i marrë

në datën kur njoftimi është dërguar dorazi në ambjentet e biznesit ose të banimit te tatimpaguesit; ose

7 ditë nga data në të cilën njoftimi është postuar.

2.1. Niveli tregues i takses

Nivelet treguese të taksës vendore mbi biznesin e vogël, të dhëna në tabelën 1 te ligjit janë nivele orientuese. Shuma faktike e tatimit për t’u paguar për çdo kategori biznesi përcaktohet nga organi legjislativ (këshilli) i bashkisë ose komunës në të cilën ndodhet biznesi. Këshilli i bashkisë ose komunës mund të ndryshojë nivelin orientues të taksës të përcaktuar në tabelën 1, duke e rritur ose ulur atë deri në 30%. Kështu për shembull, nëse niveli orientues i taksës është 100.000 lekë, niveli faktik mund të vendoset

ndërmjet 70.000 dhe 130.000 lekë. Por nëse vendoset të ndryshohen nivelet orientuese të taksës, ndryshimi përfshin të gjithë nivelet në tabelën 1, me të njëjtën përqindje. Nëqoftëse për shembull, këshilli i bashkisë ose i komunës vendos të rrisë nivelin tregues të taksës vendore mbi biznesin e vogël me 20%, ky ndryshim është i njëjtë, papërjashtim për të gjithë kategoritë e bizneseve që ushtrojnë veprimtari në juridiksionin territorial të bashkisë apo të komunës përkatëse.

2.2. Publikimi i nivelit të taksës

Organi legjislativ (këshilli) i bashkisë ose komunës duhet të informojë tatimpaguesit e rrethit në të cilin zbatohen nivelet e taksës për vitin kalendarik ,jo më vonë se data 15 Dhjetor e vitit pararendës, duke i botuar ato në gazetat e mediat lokale duke vendosur afishe në ndërtesa e vende publike dhe duke i dërguar me shkrim Degës së Tatimeve të Rrethit përkatës, nivelet e taksave që do të zbatohen. Nëse bashkia apo komuna nuk e bën një gjë të tillë, Dega e Tatimeve në rreth do të zbatojë nivelet orientuese të taksës të përcaktuar në tabelën 1 të ligjit. Pasi të jenë botuar, nivelet e taksës të vitit nuk mund të ndryshohen gjatë vitit.

Për vitin 2003, nivelet orientuese të taksës të përcaktuara në tabelën 1 të ligjit, nuk mund të ndryshohen.

2.3. Fillimi dhe mbyllja e biznesit

Nëse biznesi fillon apo pushon veprimtarinë gjatë vitit, detyrimi tatimor llogaritet duke shumëzuar taksën me kuotë fikse për vitin e plotë kalendarik, me numrin e muajve të plotë apo të pjesshëm gjatë të cilëve veprimtaria është kryer ose do të kryhet (përfshi muajin e regjistrimit në rastet kur biznesi fillon për herë të parë) dhe duke e pjestuar atë me 12.

Kështu për shembull:

- nëse biznesi e fillon veprimtarinë më 15 prill, detyrimi i tij tatimor do të jetë i barabartë me 9/12 e shumës për t’u paguar për vitin.

- nëse biznesi pushon veprimtarinë më 15 prill, detyrimi i tij tatimor do të jetë i barabartë me 4/12 e shumës për t’u paguar për vitin.

Llogaritja si më sipër për zbritjen e detyrimit tatimor të tatimpaguesit, bëhet vetëm pasi tatimpaguesi i regjistruar të ketë dorëzuar çertifikatën e tij të regjistrimit në degën e tatimeve të rrethit ku është regjistruar.

2.4. Ndërprerja e veprimtarisë së biznesit

3.1. Vendndodhja e biznesit

Tatimpaguesit i kërkohet të paguajë taksën vendore mbi biznesin e vogël për çdo vendodhje biznesi në përputhje me nivelin tatimor të përcaktuar për llojin e biznesit dhe kategorine e zonës gjeografike ku ai është regjistruar. Bizneset e ndryshme nën administrimin e tatimpaguesve të ndryshëm që ushtrojnë veprimtari në një vendndodhje (në një godinë) do të tatohen gjithnjë si vendndodhje biznesi më vete.

Një "Vendndodhje biznesi" është një zonë e dallueshme dhe e ndarë si në të njëjtën godinë ashtu edhe në godina të ndryshme. Për shembull :

3.2. Ndryshimi i vendndodhjes së biznesit

Tatimpaguesi është i detyruar të paguajë taksën vendore mbi biznesin e vogël për çdo vendndodhje biznesi sipas nivelit tatimor në fuqi në kohën e regjistrimit. Deri në momentin e riregjistrimit në vitin e ardhshëm pas ndryshimit të vendodhjes, nuk do të ketë rritje apo zbritje të detyrimit tatimor.

3.3. Kategorizimi i veprimtarive për efekt të taksës vendore mbi biznesin e vogël

Në grupin "shitje me pakicë" përfshihen të gjitha pikat fikse (dyqanet, njësitë, barakat, etj.) të tregtimit të mallrave të ndryshme me pakicë. Po këtu përfshihen dyqanet e veshjeve, dyqanet e modës, të luksit (boutique), parfumeritë, dyqanet që tregtojnë bizhuteri argjendi, floriri e materiale të tjera të çmuara. Gjithashtu në grupin "shitje me pakicë" hyjnë edhe njësitë e ushqimit social si: restorante, fast-food, bar-bufe, disko, kafe-internet,

pub, e të tjera të ngjashme me to.

Në grupin "shitje me shumicë" përfshihen të gjitha pikat fikse (magazina, dyqane etj.) të cilat realizojnë shitje me shumicë të artikujve që tregtojnë. Do të konsiderohen shitje me shumicë, shitjet që bëhen për tatimpagues të tjerë me qëllim rishitjen e mallrave. Nëse një njësi realizon njëkohësisht shitje të mallrave me shumicë, të cilat blihen nga tatimpagues të tjerë me qëllim rishitjeje, si dhe shitje me pakicë për konsumatorët, kjo njësi do të klasifikohet në grupin "shitje me shumicë"

Në grupin "prodhim" përfshihen tatimpaguesit që ushtrojnë veprimtari prodhimi, përpunimi dhe tregëtimi, si: përpunim duralumini, metalesh, druri, tapicerie, prodhim tulla, tjegulla, blloqe betoni, furra gëlqereje, etj, të ngjashme me to. Po këtu përfshihen prodhimet me karakter ushqimor si: prodhime buke, embëlsirash, mishi, peshku, bulmeti, etj, të ngjashme me to.

Në grupin "shërbime" përfshihen veprimtari të tilla si: riparimi i artikujve elektroshtepiake, radio televizorë, frigoriferë, lavatriçe, magnetofon, paisje fonie e të tjera të ngjashme me to. Po kështu klasifikohen në këtë grup veprimtaritë e shërbimit të fotokopjimit, sallon bukurie, autoservisë, kurse për makina (autoshkolla) për traktorë, për kompjuter e për parukeri, agjenci doganore, agjenci këmbimi valute, agjensi turizmi, motele, pikat e shërbimit të makinave (autoservis), parkimi i makinave, lavanteritë, pastrimi kimik, shërbime të rojeve civile, sallat e lojrave të ndryshme (gjimnastike, aerobie, cirqe, kënde lojrash për fëmijë, pingpong, etj.) e të tjera shërbime të ngjashme me shërbimet e lartëpërmendura.

Në grupin "profesione të lira" përfshihen tatimpaguesit që ushtrojnë veprimtarinë e avokatit, noterit, mjekut, mjekut-laborant, stomatologut, farmacistit, ekonomistit kontabël të miratuar, ekspertit kontabël të autorizuar, mësuesit, veterinierit, agronomit, botuesit, inxhinierit, arkitektit, projektuesit, e të tjera profesione të lira, të cilat ushtrohen në njësi fikse apo në ambiente të ndryshme. Në këtë grup përfshihen edhe galeritë e artit të piktorëve, skulptorëve dhe artistëve të tjerë që prodhojnë dhe tregtojnë objekte artistike. Po kështu në këtë grup përfshihen institucionet jopublike të edukimit (shkollat, kopshtet apo çerdhet), shërbimet në klinikat e specialiteteve të ndryshme mjekësore, shërbimet në laboratore diagnostifikimi etj, në rastet kur nuk e kalojnë kufirin e regjistrimit në TVSH.

Kërkesa për regjistrim ose riregjistrim duhet të bëhet duke përdorur formularin Kërkesë për Regjistrim të lëshuar nga Drejtoria e Përgjithshme e Tatimeve.

4.1. Në rastin e regjistrimit për herë të parë

Kur një tatimpagues regjistrohet për herë të parë ai duhet të paraqesë sa më poshtë:

4.2. Në rastin e riregjistrimit të përvitshëm

Kur një tatimpagues bën riregjistrimin e përvitshëm, ai duhet të paraqesë sa më poshtë:

4.3. Pajisja me Çertifikatë Regjistrimi.

Dega përkatëse e tatimeve do të pajisë me Çertifikatë Regjistrimi çdo tatimpagues që përmbush të gjitha kërkesat e mësipërme. Një tatimpagues që është regjistruar me detyrim nuk do të pajiset me Çertifikatë, deri sa ai të ketë përmbushur të gjithë kërkesat.

Çertifikata e regjistrimit përmban emrin e tatimpaguesit, numrin e identifikimit të Tatimpaguesit që i është caktuar atij, numrin e vendimit të gjykatës, adresën e vendndodhjes së biznesit me të cilin lidhet dhe periudhën kohore për të cilën është e vlefshme kjo Çertifikate. Çertifikata e regjistrimit është e detyrueshme të vendoset në një hapsirë të dukshme të vendndodhjes së biznesit, me qëllim identifikimin e regjistrimit të kësaj vendndodhje. Çertifikata e regjistrimit është subjekt inspektimi nga organet vendore ose kombëtare.

Degët përkatëse të tatimeve, u japin organeve tatimore të bashkive dhe komunave listën e çertifikatave të lëshuara për vendndodhjet e biznesit brenda juridiksionit të tyre. Inspektorët e bashkive dhe komunave mund ta përdorin informacionin për qëllime verifikimi dhe janë të detyruar të informojnë degën përkatëse të tatimeve lidhur me çdo subjekt për të cilin janë në dijeni se nuk është i pajisur me çertifikatë regjistrimi.

Pagesat duhet të bëhen duke përdorur formularin e pagesës së zakonshme, lëshuar nga organi tatimor dhe vlefta e pagesës duhet të jetë e barabartë me shumën e treguar në formularin e pagesës. Formulari duhet të tregojë NIPT-in e tatimpaguesit që bën pagesën, identitetin e tij, adresën e vendndodhjes së biznesit, si dhe çdo të dhënë tjetër të kërkuar në këtë formular,

Tatimi mund të paguhet në një degë banke ose zyrë postare, e cila vepron në rolin e agjentit të organit tatimor. Pagesa e detyrimeve bëhet në datën e duhur ose përpara saj, në një degë banke ose zyrë postare që ndodhen në territorin përkatës ku është i regjistruar tatimpaguesi.

Çdo rimbursim që i duhet bërë tatimpaguesit, kërkohet nga ana e tij nëpërmjet formularit të kërkesës për rimbursim, dhe paguhet pas marrjes së kërkesës, pasi të jenë kryer të gjitha verifikimet e nevojshme.

Apelimi bëhet me shkrim dhe ai përmban :