Në mbështetje të nenit 102, pika 4 e Kushtetutës së Republikës së Shqipërisë dhe në zbatim të nenit 8 të ligjit Nr. 7663, datë 20.1.1993, "Për statusin e invalidit të luftës kundër pushtuesve nazifashistë të popullit shqiptar, të nenit 13 të ligjit Nr. 7874 datë 17.11.1994 "Për statusin e veteranit të luftës kundër pushtuesve nazifashistë të popullit shqiptar", të nenit 6 të ligjit Nr. 7889, datë 14.12.1994 " Për statusin e invalidit ", të nenit 4 të ligjit Nr 8098, datë 28.03.1996 "Për statusin e të verbërve", Ministri i Financave,

1. Invalidët dhe veteranët e luftës kundër pushtuesve nazifashistë të popullit shqiptar, invalidët e punës, si dhe të verbërit përjashtohen nga taksat e drejtpërdrejta të parashikuara në ligjin Nr. 8977, datë 12.12.2002 " Për sistemin e taksave në Republikën e Shqipërisë".

2. Në kuptimin e përjashtimit nga taksat e drejtpërdrejta, konsiderohen taksa të drejtpërdrejta taksat e mëposhtme:

b. Taksa për përdorimin e aparateve radiotelevizive.

c. Taksa për përdorimin e numrit telefonik kabllor.

d. Taksa për regjistrimin në arsimin e lartë.

dh. Taksa për kalimin e kufirit të Republikës së Shqipërisë me avion.

e. Taksa për pajisjen me pasaportë lundrimi.

f. Taksa për pajisjen me dëshmi aftësie për drejtim automjeti.

3. Përjashtimet nga taksat e drejtpërdrejta.

a. Përjashtimi nga taksa për shërbimet konsullore bëhet në rastet e pajisjes së veteranit të punës apo të luftës, invalidit të punës ose të verbërve me pasaportë.

b. Taksa për përdorimin e aparateve radiotelevizive. Përjashtohen nga pagimi i kësaj takse invalidët e punës dhe të luftës, veteranët e luftës si dhe personat e verbër kur këto pajisje janë në emrin e tyre.

c. Taksa për përdorimin e numrit telefonik kabllor. Përjashtohen nga pagimi i kësaj takse invalidët e punës dhe të luftës, veteranët e luftës si dhe personat e verbër, kur abonimi telefonik është në emrin e tyre.

d. Taksa për regjistrimin në arësimin e lartë. Përjashtohen nga pagimi i kësaj takse invalidët e punës ose personat e verbër në rastet kur dëshirojnë të vazhdojnë arsimin e lartë.

dh. Taksa e kalimit të kufirit të Republikës së Shqipërisë me avion. Përjashtohen nga pagimi i kësaj takse invalidët e punës apo të luftës, veteranët e luftës si dhe personat e verbër, kur kalojnë kufirin e Republikës së Shqipërisë me avion.

e. Taksa për pajisjen me pasaportë lundrimi. Përjashtohen nga pagimi i kësaj takse invalidët e punës ose të luftës, veteranët e luftës si dhe personat e verbër, në rastet e pajisjes me pasaportë lundrimi.

f. Taksa për pajisjen me dëshmi aftësie për drejtim automjeti. Përjashtohen nga pagimi i kësaj takse invalidët e punës apo të luftës, veteranët e luftës si dhe personat e verbër, në rastet e pajisjes me dëshmi aftësie për drejtim automjeti.

3. Sipas nenit 16/1 të ligjit Nr. 7889 datë 14.12.1994 "Për statusin e invalidit", si dhe të nenit 4 të ligjit 8098, datë 28.3.1996 "Për statusin e të verbërit" kur invalidi i punës dhe personi i verbër ushtrojnë veprimtari private, nuk përjashtohen nga taksat e drejtpërdrejta.

4. Përjashtimi nga pagimi i taksave të mësipërme bëhet vetëm kur veprimet bëhen në emër të veteranit të luftës, invalidit të punës ose të luftës si dhe të verbërit.

5. Veterani i luftës, invalidi i luftës apo i punës, si dhe personat e verbër duhet të paraqesin pranë agjentit tatimor, librezën e veteranit, invalidit të punës apo të luftës, si dhe librezën e të verbërit së bashku me dokumentin që e ka pajisur dega e tatimeve të rrethit për përjashtimin nga këto taksa.

6. Të gjitha përjashtimet do të shënohen në një regjistër të veçantë ku do të jetë shënuar emri, mbiemri, si dhe ekstremet e librezës.

MINISTRI I FINANCAVE