Keshilli i Ministrave

UDHEZIM

Nr. _1_ date 1.01.1996

PER

PROKURIMIN PUBLIK

Me propozim te Agjencise se Prokurimit Publik, Keshilli i Ministrave

U D H E Z O N

KAPITULLI I

ENTI PROKURUES DHE URDHERI I PROKURIMIT.

1.       Enti prokurues eshte organi qendror ose lokal, te cilit i jane vene ne dispozicion fonde per prokurim, kur e kryen vete prokurimin e tyre. Ne rast se kryerjen e prokurimit organi qendror ose lokal ia delegon me shkrim nje personi tjeter juridik, atehere ky i fundit ka detyrat dhe pergjegjesite e nje enti prokurues te mirefillte.

2.       Titullari i entit prokurues, pas akordimit te fondit, nxjerr urdherin e prokurimit, ne te cilin percakton:

a)     objektin e prokurimit;

b)    fondin limit te vene ne dispozicion;

c)     proceduren e prokurimit;

d)    komisionin e vleresimit te ofertave;

e)     hartuesit e dokumentave te tenderit, atje ku nuk ka njesi prokurimi.

4.       Ne rastin kur objekti i prokurimit eshte ndare ne artikuj apo grup artikujsh, per secilin prej tyre te percaktohen fondi limit, kur enti prokurues kerkon te shpalle me shume se nje fitues.

KAPITULLI II

PROCEDURAT E PROKURIMIT

2.       Ne asnje procedure prokurimi nuk mund te percaktohen kufij maksimale apo minimale mbi bazen e te cileve, ofertat qe jane mbi ose nen keta kufij, skualifikohen.

(a)             Procedurat e tenderave te hapur dhe nderkombetare

Procedura e preferuar e prokurimit do te jete ajo e hapur, per arsye te shfrytezimit te burimeve njerezore vendase dhe avantazheve ne lidhje me zhvillimin e tenderave sepse:

-         afatet jane te shkurtra, prandaj prokurimi behet me shpejt;

-         ka lehtesi gjeografike ne lidhje me distancat ndermjet kontraktuesit dhe punedhenesit;

-         njoftimi behet vetem ne buletinin e agjencise dhe shtypin vendas, prandaj eshte me ekonomik;

-         perdoret gjuha vendase;

-         ka fitim ne kohe ne shkembimin e njoftimeve, takimeve dhe sqarimeve perkatese, marrjen e materialeve shtese (kur duhen), etj.;

(b)     Procedurat e parakualifikimit

Procedura e parakualifikimit perdoret sipas nenit 13 te ligjit 7971 dt.26.07.1995, ne rastet kur objekti i prokurimit eshte kompleks dhe kerkohet nje pune e madhe per pergatitjen e ofertave dhe shqyrtimin e vleresimin e tyre.

Kjo procedure inkurajon shoqerite per pjesemarrjen ne fazen parakualifikuese, sepse dokumentacioni qe duhet paraqitur ne kete faze, nuk kushton shume kohe dhe shpenzime.

Njoftimi ne proceduren parakualifikuese behet sipas kufijve kohore te tenderit te hapur dhe atij nderkombetar.

Verifikimi i informacionit te dhene ne paraqitjen e dokumentacionit per parakualifikim do te konfirmohet para nenshkrimit te kontrates fituese. Nese ky informacion rezulton i rreme, i pasakte ose jo i plote, ofertuesi skualifikohet ne baze te nenit 12, pika (5) dhe (6) te ligjit nr.7971 dt.26.07.1995. Ne kete rast enti prokurues shpall fitues konkuruesin qe rezulton i dyti ne klasifikim.

Procedura parakualifikuese mund te zbatohet edhe per grupe te caktuara objektesh te te njejtit lloj, duke caktuar nje fond kufi, nen te cilin parakualifikimi nuk eshte i nevojshem.

Ne kete rast parakualifikimi do te jete i vlefshem per nje periudhe te caktuar kohe, e cila duhet te jepet ne dokumentat e procedures parakualifikuese, periudhe mbas se ciles procedura e parakualifikimit duhet te perseritet. Ne keto dokumenta duhet te vendoset edhe nje limit per numrin ose vleren e pergjithshme te kontratave fituese per cdo pjesemarres ne tender, mbi bazen e burimeve te ketij te fundit.

(c)     Tenderi me dy faza

"Tenderi me dy faza" do te perdoret ne raste kur projektimii hollesishem dhe teknologjia e mallrave dhe punimeve qe do te prokurohen paraqesin veshtiresi ne pergatitjen e specifikimeve teknike dhe dokumentave te tjera te tenderit.

Kjo procedure prokurimi eshte e pershtatshme edhe ne rastet e pajisjeve qe i nenshtrohen perparimeve te shpejta teknologjike, si sistemet kryesore informatike dhe te komunikimit.

(ç)     Kerkesa per propozim

"Kerkesa per propozim" eshte nje lloj tenderi i kufizuar, ku numri i ofertave kushtezohet nga numuri i shoqerive ose personave te afte per te paraqitur propozime te vlefshme.

Nese "Kerkesa per propozim" behet nderkombetare, enti prokurues duhet te kerkoje propozime ne jo me pak se tre shtete.

"Kerkesa per propozim" mund te behet me ose pa parakualifikim.

Kur enti prokurues do te perdore "Kerkesen per propozim", pa zbatuar proceduren parakualifikuese, duhet te perpiloje me pare nje liste te shkurtuar te shoqerive ose personave qe kane aftesi te paraqesin propozime te vlefshme.

Kjo procedure prokurimi mund te perdoret ne rastet e konsulencave, studimeve, projekteve te beshmerise, drejtimit te punimeve,etj.

Dokumentat e tenderit duhet te permbajne termat e references, llojin dhe cilesine e propozimit te kerkuar, si dhe te gjitha aktet ligjore dhe nenligjore (n.q.s. ka), rregullat, standarte, kushtet teknike ku do te mbeshtetet lloji i propozimit te kerkuar.

(d)             Kerkesa per kuotim

"Kerkesa per kuotim" perdoret kur ndertimet, sherbimet apo mallrat qe do te prokurohen kane nje treg te stabilizuar dhe vlera e kontrates eshte e vogel.

Kjo procedure prokurimi eshte nje lloj tenderi i kufizuar qe ka avantazhe ne krahasim me format e tjera te prokurimit, sepse koha e nevojshme per kryerjen e prokurimit eshte me e shkurter dhe kerkesat per kualifikim me te reduktuara.

"Kerkesa per kuotim" mund te behet me ose pa parakualifikim.

(dh)   Prokurimi i drejteperdrejte

          Kur enti prokurues perdor proceduren "Prokurim i drejteperdrejte", hyn ne mardhenie dhe kerkon propozim nga nje kandidat, si dhe negocion per kushtet e kontrates. Prokurimi i drejteperdrejte nuk duhet te perdoret, ne asnje rast, per te menjanuar konkurrencen e mundshme apo per te diskriminuar kandidatet.

          Enti prokurues duhet te pergatise per kete procedure nje pershkrim te shkurter te nevojave dhe kerkesave te vecanta, si p.sh. per cilesine, sasine, kushtet dhe afatet e levrimit dhe me pas te negocioje me kandidatin e vetem.

KAPITULLI III

DOKUMENTET E TENDERIT

Dokumentet e tenderit perbehen nga  (a) pjesa e pergjithshme, sipas formulareve te bashkelidhur ketij udhezimi, ku perfshihen:

-         ftesa per oferte;

-         udhezime per pjesemarresit ne tender;

-         formulari i ofertes;

-         kushtet e vecanta dhe te pergjithshme te kontrates;

-         kerkesat per kualifikimin e pjesemarresve;

-         formulari i sigurimit te ofertes;

-         te dhenat e ofertes;

dhe (b) pjesa e vecante, ne perputhje me llojin e prokurimit, ku perfshihet:

1.     Per prokurimin te ndertimeve:

- specifikimet teknike;

- grafiku i levrimit;

3.     Per prokurimin e sherbimeve te projektimit:

(a)             Pjesa e Pergjithshme

Per tenderat nderkombetare dokumentet e tenderit duhet te pergatiten ne shqip dhe ne anglisht (ne qofte se ne marreveshjet perkatese nuk eshte parashikuar ndryshe), duke specifikuar tekstin e vlefshem ne njeren prej gjuheve te perdorura. Per tenderat kombetare gjuha e ofertes do te jete gjuha shqipe.

Gjithe pjesemarresve ne tender duhet t'u krijohen mundesi te barabarta per te pare sheshet e ndertimit te objekteve te medha e komplekse si dhe mund te organizohet nje konference paraprake (edhe ne rastin e levrimeve), ne te cilen gjithe pjesemarresit e mundeshem ne tender mund te kerkojne sqarime ne lidhje me paqartesite qe u kane lindur gjate pergatitjes se ofertes. Sqarimet do te kerkohen me shkrim dhe, pasi te pergatiten nga enti prokurues, do t'u shperndahen te gjithe kandidateve pa perjashtim.

Secilit kandidat do t'i dergohet cdo korigjim ose ndryshim ne dokumentat e tenderit, brenda nje periudhe te mjaftueshme kohe, perpara afatit  te fundit te marrjes se ofertave.

Ne dokumentat e tenderit duhet te theksohet gjithashtu se ofertuesi, gjate hartimit te ofertes duhet te perfshije te gjitha detyrimet fiskale qe jane ne fuqi 28 dite perpara hapjes se ofertave.

-Formulari i ofertes duhet te permbaje konfirmimin e kandidatit per vleren me te cilen ai merr persiper realizimin e kontrates si dhe deklaraten qe oferta e tij eshte ne perputhje me kushtet e kontates dhe specifikimet teknike te dhena ne dokumenat e tenderit.

- Kushtet e pergjithshme te kontrates duhet te perkufizojne gamen e punes qe do te kryhet, mallrat qe do te levrohen, te drejtat dhe detyrimet e entit prokurues dhe kontraktuesit si dhe funksionet dhe kompetencat e sipermarresit dhe Drejtorit te Punimeve ne mbikqyrjen dhe administrimin e kontrates. Vec kushteve te pergjithshme te kontrates do te jepen edhe kushtet e vecanta per mallrat dhe punimet specifike qe do te prokurohen. Ne kushtet e vecanta te kontrates jepet shuma e nevojshme per sigurimin e kontrates qe do te sherbeje per mbrojtjen e entit prokurues ne rastin e shkeljes se kontrates nga ana e kontraktuesit. Nje pjese e kesaj garancie do te shtrihet pertej dates se perfundimit te punimeve per te mbuluar pergjegjesite per difektet ose mirembajtjen deri ne marrjen ne dorezim nga enti prokurues. Kontrata mund te parashikoje edhe mbajtjen e nje perqindje ne cdo pagese periodike deri ne marrjen ne dorezim te objektit.

- Kerkesat per kualifikim duhet te permbajne dokumentacionin ligjor dhe administrativ te kandidatit, te cilat enti prokurues i vlereson te nevojshme per realizimin e kontrates, ne perputhje me nenin 12 te ligjit nr.7971 dt.26.07.1995 "Per Prokurimin Publik". Per sipermarrjet dhe projektimet, ne kerkesat per kualifikim do te bejne pjese, pervec dokumentacionit ligjor dhe administrativ, edhe te dhena te tjera per personelin, aftesite teknike dhe pervojen e shoqerise.

(b)             Pjesa e vecante

1.     Per prokurimin e ndertimeve

Specifikimet teknike duhet te shprehin qarte kerkesat e entit prokurues ne lidhje me cilesine e cdo punimi, materialet qe do te perdoren, si dhe kerkesa te tjera qe ka enti prokurues, pervec kerkesave te parashikuara ne projekt zbatimin e kushtet teknike.

Per sipermarrjen e rikonstruksioneve, kur nuk ka projekt zbatimi te plote e te detajuar, enti prokurues mund te perdore proceduren e prokurimit te tenderit me dy faza. Ne baze te specifikimeve teknike te nevojshme, ne fazen e pare do te kerkoje nga konkuruesit, pervec kerkesave per kualifikim, volumet e punes dhe eventualisht mendime te tjera ne lidhje me realizimin e objektit dhe, mbasi te fiksoje volumet e punes, ne fazen e dyte te kerkoje nga kandidatet vetem cmimin e ofertes.

Persa u perket kerkesave per kualifikim, specifikimeve teknike dhe kritereve te vleresimit do te procedohet si ne pikat paraardhese per sipermarrjet e ndertimit.

2.     Per mallrat

Menyra e levrimit te mallit do te jete sipas kritereve te vendosura nga enti prokrues ne dokumentat e tenderit.

Ne rast se kerkohet ne dokumentat e tenderit, kontratat per levrimin e mallrave duhet te garantojne pagese te plote per mallrat e kontraktuara pas levrimit dhe kontrollit te tyre, me perjashtim te kontratave per instalimin dhe venien ne pune. Ne te tilla raste nje pjese e pageses mund te kryhet pasi furnizuesi te kete permbushur te gjitha detyrimet e veta kontraktuese. Duhet t'i jepet perparesi menyres se pageses me L/C (leter kredi) te pakthyeshme te konfirmuar nga Bankat Shqiptare qe te sigurohet pagesa e menjehershme per furnizuesin.

Specifikimet teknike duhet te shprehin qarte pershkrimin e mallit ne lidhje me cilesine, funksionimin, sigurine, permasat, simbolet, terminologjine, ambalazhimin, marketimin dhe etiketimin, ne baze te nenit 14 te ligjit nr.7971 dt.26.07.1995.

Grafiku i levrimit te mallrave duhet te jape qarte menyren dhe afatet qe enti prokurues kerkon per levrimin e mallit.

Mbasi te jene plotesuar specifikimet teknike dhe afatet e levrimit, kriteri i vetem i vleresimit te ofertave do te jete çmimi i mallit.

3.     Per sherbimet

Lloji i sherbimit duhet te jete i shprehur sakte, me te gjitha kerkesat specifike te entit prokurues ne cilesi dhe ne afat.

Nese kerkesat e entit prokurues jane te qarta dhe te plota, atehere kriteri i vetem i vleresimit te ofertave mund te jete cmimi i sherbimit.

 Detyra e projektimit duhet te jete e plote dhe e qarte, ne menyre qe t'u jape mundesi te barabarta te gjithe konkuruesve. Ne te detyrimisht duhet te percaktohet fondi i parashikuar per ndertimin e objektit.

Ne specifikimet teknike duhet e shprehen sakte te gjitha kerkesat qe enti prokurues ka per projektimin e objektit, anen funksionale e teknologjike te vepres, rifiniturat dhe materialet qe duhen perdorur, etj.

Ne kerkesat per kualifikim duhet te jepen qarte kerkesat minimale ne lidhje me:

-         kualifikimet dhe licencat e personave qe do te merren drejtperdrejte me projektimin e objektit, drejtimin e punimeve ose konsulencen, d.m.th. curriculum vitae te secilit person;

-         projektet e ngjashme, gjithnje te vertetuara me certifikatat nga punedhenesit,(n.q.s.jane projektuar para vitit 1992, vlera e plote e tyre do te llogaritet me koeficentin e konvertimit.)

Pervec kerkesave per kualifikimin, kandidateve do t'u kerkohet, sipas gjykimit te komisionit, skice idea ose projekt idea, dhe preventivi paraprak, me cmime te njejta per te gjithe konkuruesit, (enti prokurues, ne dokumentat e tenderit do te jape udhezimet perkatese se si do te merren keto cmime). Kandidatet gjithashtu duhet te paraqesin cmimin e projektit, i cili duhet te jete kriter konkurrimi.

Gjate pergatitjes se dokumentave te tenderit per sherbimet e projektimeve, sipas nenit 39, pika 2/c, duhet te kihet parasysh qe te shenohet ne dokumentat e tenderit qe te gjithe kandidatet duhet te perjashtohen nga prokurimet e mallrave apo ndertimeve qe kane lidhje me projektin ne fjale.

Ne dokumentat e tenderit per sherbimet e projektimeve, ne urdherin e prokurimit, fondi i vene ne dispozicion eshte vlera e pageses se projektit dhe jo fondi i plote i objektit, ky i fundit do te jepet ne detyren e projektimit.

Kriteret vlereuese per projektimet do te jene jo me pak se 75 pike per oferten teknike, d.m.th. cilesine e projektit, rreth 15 pike per oferten ekonomike, d.m.th. vleren e preventivit paraprak dhe rreth 10 pike per cmimin e vete projektit.

Preventivi i projektzbatimit, pas reflektimit te te gjitha verejtjeve te keshillit teknik, nuk mund te tejkaloje vleren e preventivit paraprak te hartuar ne baze te projektidese dhe te paraqitur per konkurrim; ne rast te kundert, projektuesit i mbahet garancia bankare e sigurimit te kontrates.

Nje projektues nuk mund te paraqitet njekohesisht ne stafin e dy shoqerive projektuese te ndryshme, qe marrin pjese ne tender per te njejtin objekt.

Ne rastet kur do te prokurohet nje projekt zbatimi, projektideja e te cilit eshte e percaktuar ne vija te pergjithshme, dhe me nje tender te zakonshem projektimi nuk do te merreshin zgjidhje te ndryshme nga njera tjetra, arsye per te cilen krahasimi i tyre nuk do te kishte kuptim (p.sh.sistemim asfaltim rrugesh eksistuese, rrjete ujesjellesi e kanalizimesh te cileve u njihet traseja, etj), mund te perdoret tenderi me dy faza.

Ne fazen e pare kandidateve do t'u kerkohet preventivi paraprak me cmime te njejta per te gjithe konkuruesit, (enti prokurues, ne dokumentat e tenderit do te jape udhezimet perkatese se si do te merren keto cmime), se bashku me detaje te projekt idese, te cilat mund te influencojne ne vleren e ketij preventivi.

Mbasi enti prokurues te vendose, ne baze te ofertave te ardhura, variantin me te mire se bashku me preventivin paraprak, shpall fazen e dyte te tenderit per te marre ofertat per cmimin e vete projektit.

Kriteri i vetem i vleresimit ne kete rast eshte vlera me e ulet e ofruar..

Komisioni i vleresimit te oferatve perbehet nga jo me pak se 5 anetare, midis te cileve specialiste te fushes dhe ekonomist. Kryetar i komisionit rekomandohet te jete zevendestitullari i entit prokures. Titullari i entit prokurues nuk mund te jete kryetar komisioni.

Njesia e prokurimit (ose hartuesit e dokumentave te tenderit) perbehet nga jo me pak se 2 specialiste te fushes se prokurimit dhe nje jurist.

Njesia e prokurimit (hartuesit e dokumentave te tenderit), se bashku me komisionin e vleresimit te ofertave, te percaktuar ne urdherin e prokurimit, harton dokumentet e tenderit, sipas detyrave te percaktuara ne kete udhezim.

Ne raste te vecanta, ne varesi nga kompleksiteti i objektit qe prokurohet, dokumentat e tenderit mund te pergatiten edhe nga nje organ teknik i specializuar, vendas a i huaj.

Ne prokurimet e projektimeve enti prokurues do te caktoje edhe oponencat per secilin projekt.

Juristi qe ben pjese ne grupin e hartuesve te dokumenteve te tenderit, ka pergjegjesine e zbatimit te procedurave, mbeshtetur ne legjislacionin ne fuqi dhe te drejten e pezullimit te ketyre procedurave, kur ve re shkeljen e tyre.

Komisioni i vleresimit te ofertave merr pjese, se bashku me njesine e prokurimit, ne perpilimin e dokumenteve te tenderit dhe ka pergjegjesi per pjesen e vecante te ketyre dokumenteve qe ka te beje me specifikimet teknike dhe kerkesat per kualifikim si dhe per vendosjen e kritereve te vleresimit.

Gjate pergatitjes se ofertave nga kandidatet, njesia e prokurimit ka per detyre sqarimin e kandidateve per cdo paqartesi, qe mund te kene gjate hartimit te ofertave per dokumentacionin e marre nga enti prokurues, deri ne çastin e hapjes se ofertave. Ne rast se sqarimi qendron ne nje interpretim te kerkuar me shkrim ose ne nje shtojce qe duhet dhene nga ana e entit prokurues, atehere, bazuar ne  nenin 28 te ligjit nr.7971 dt.26.07.1995 "Per Prokurimin Publik", ky sqarim duhet t'u dergohet me shkrim te gjithe kandidateve, pavaresisht ne e kane kerkuar apo jo, dhe  behet pjese perberese e dokumenteve te tenderit.

N.q.s. per sqarimet e kandidateve, eshte e nevojshme te merret mendimi i komisionit te vleresimit te ofertave, atehere njesia e prokurimit, nepermjet kryetarit te komisionit, duhet te kerkoje mbledhjen e komisionit  dhe nese eshte e nevojshme te organizoje edhe nje takim te kandidateve me komisionin.

Anetaret e komisionit te vleresimit te ofertave nuk duhet te kene lidhje pune, gjaku apo interesash me ofertuesit. Per kete ato leshojne deklarata perkatese para hapjes se zarfave.

Dokumentacioni i hapur nga komisioni ben pjese ne dosjen e tenderit dhe nuk u kthehet ofertuesve as mbas mbylljes se tenderit.

Mbas pranimit te  ofertave, komisioni i vleresimit te ofertave ka detyren dhe pergjegjesine e perzgjedhjes se ofertes me te leverdisshme,  duke u bazuar ne kriteret e vendosura ne dokumentet e tenderit, ne perputhje me nenin 32 te ligjit 7971 dt.26.07.1995 dhe klasifimin e shkallezuar te te gjitha ofertave te tjera.

Vendimet e komisionit do te merren me konsensus ose me shumice votash te deklaruara, jo me votim te fshehte.

Njesia e prokurimit duhet te jete prezent gjate gjithe punes se komisionit te vleresimit, mund te jape mendime ose te beje verejtje.

KAPITULLI V

Ofertuesit qe nuk jane dakord me vendimin e entit prokurues dhe duan te dine shkaqet e mospranimit te ofertes se tyre, kane te drejte te ankohen prane entit prokurues brenda 5 diteve nga data e marrjes se njoftimit zyrtar.

Ne kete rast do te diskutohet vetem per oferten e ofertuesit qe ankohet dhe jo per ofertat e konkuruesve te tjere.

KAPITULLI VI

MIRATIMI

Enti prokurues harton nje raport permbledhes sipas pikes 2 te nenit 7 te ligjit 7971 dt.26.07.1995 "Per Prokurimin Publik", ku pasqyrohen te gjitha ankesat, nese ka, pergjigjet perkatese dhe i dergon ne organin qendror apo vendor i cili ve ne dispozicion fondin, ose ne Agjencine e Prokurimit Publik ne perputhje me rregullat e prokurimit publik, te percaktuara me vendim te Keshillit te Ministrave.

Titullari i organit, qe ve ne dispozicion fondin, apo Agjencia e Prokurimit Publik, ne baze te raportit dhe ankesave te mundshme te derguara nga enti prokurues, gjykon nese eshte e nevojshme te kerkohet shqyrtimi i plote i dokumentacionit te tenderit, ne rast te kundert ai miraton klasifikimin e ofertave dhe urdheron veprimet e metejshme.

Pas shqyrtimit te dokumentacionit te kerkuar, organi qendror apo vendor, apo Agjencia e Prokurimit Publik, jo me vone se 30 dite nga marrja e ketij dokumentacioni, duhet te japin miratimin a masa korrigjuese, nese ka.

Vetem mbas miratimit te oganit qe ve ne dispozicion fondin apo Agjencise se Prokurimit Publik, enti prokurues ka te drejte te shpalle fituesin dhe te lidhe kontraten per objektin e prokuruar.

Periudha e vlefshmerise se ofertes do te llogaritet nga njesia e prokurimit, duke mbledhur kohen qe enti prokurues parashikon qe do t'i duhet per shqyrtimin e ofertave nga ana e komisionit, me kohen e domosdoshme sipas rregullave per pritjen e ankesave dhe miratimin perkates, deri ne nenshkrimin e kontrates.

Ne rast se organi qendror apo vendor, i cili ve ne dispozicion fondin apo Agjencia e Prokurimit Publik, e kthen per rivleresim ne entin prokurues klasifikimin e ofertave, atehere periudha e vlefshmerise se ofertes mund te shtyhet dhe per kete njofton me shkrim te gjithe kandidatet e kualifikuar.