UDHEZIM

Nr.1, date 30.12.2003

PER

PERDORIMIN E FONDEVE BUXHETORE

Ne mbeshtetje te pikes 7.2 te Vendimit te Keshillit te Ministrave nr 675, date 20.12.2002 “Per perdorimin e fondeve buxhetore te planifikuara per mallrat, sherbimet dhe ndertimet”, Agjencia e Prokurimit Publik

UDHEZON:

I. REGJISTRI I PARASHIKIMEVE TE PROKURIMEVE   PUBLIKE

1. Institucionet e përmendura në Vendimin nr 675, datë 20.12.2002 të   Keshillit të Ministrave duhet të paraqesin pranë Agjencisë së Prokurimit Publik brenda afateve të përcaktuara në këtë vendim, regjistrin e parashikimeve të prokurimeve publike, sipas formularit nr 1, bashkëngjitur këtij udhëzimi. Nje kopje e ketij regjistri duhet t’i dergohet edhe Drejtorise se Thesarit dhe Buxhetit  prane Ministrise se Financave, e cila ua shperndan degeve te thesarit ne rrethe.

2.   Formulari të përmbajë keto të dhëna:

a)     Objektin e prokurimit që do të realizohet,

b)     Fondin limit që parashikohet për objektin që do të prokurohet, të ndarë në investime dhe shpenzime operative,

c)      Kohën e parashikuar për zhvillimin e procedurës së prokurimit,

d)     Procedurën e prokurimit që do të perdoret për objektin e prokurimit.

e)     Burimin e financimit

3.    Për fondet e krijuara ose të shtuara pas miratimit të buxhetit  të shtetit, ndryshimi i regjistrit të parashikimeve të prokurimeve publike do të dërgohet menjëherë pas vënies në dispozicion të fondit.

II. PROKURIMI I MALLRAVE, SHERBIMEVE DHE NDERTIMEVE

1. Në kuptim të pikës 3.2 të Vendimit të Keshillit të Ministrave nr 675, datë 20.12.2002 “Për përdorimin e fondeve buxhetore të planifikuara për mallrat, shërbimet dhe ndërtimet” me “fonde të krijuara” do të kuptojmë fondet e paparashikuara në fillim të vitit buxhetor. Gjithashtu, procedurat e prokurimit për fondet e krijuara ose të shtuara, nisin menjëherë pas vënies në dispozicion të këtyre fondeve, pra me marrjen e miratimit nga Ministria e Financave për celjen e  këtyre fondeve.

Në këtë rast, institucionet qendrore duhet të njoftojë Drejtorinë e Thesarit dhe të Buxhetit në Ministrinë e Financave, Agjencinë e Prokurimit Publik, të cilat bëjnë ndryshimet në regjistrat përkatës. 

III. REGJISTRI I REALIZIMEVE TE PROKURIMEVE PUBLIKE

1. Institucionet e përmendura në Vendimin e Këshillit të Ministrave nr.675, datë 20.12.2002, të paraqesin pranë Agjencisë së Prokurimit Publik, brënda afateve të përcaktuara në këtë vendim, regjistrin e realizimeve të prokurimeve publike, sipas formularit nr.2, bashkëngjitur këtij udhëzimi.

2.  Formulari nr.2 të përmbajë këto të dhëna:

a.     Objektin e prokurimit që është realizuar,

b.     Fondin limit me te cilin eshte zhvilluar procedura e prokurimit, të ndarë në investime dhe shpenzime operative,

c.      Vlera totale e ofertës fituese të procedurës së prokurimit të ndarë në investime dhe shpenzime operative,

d.     Data e zhvillimit të procedurës së prokurimit,

e.     Lloji i procedurës së prokurimit që është përdorur për objektin e prokurimit,

f.       Emri i firmës së shpallur fituese,

IV. TE VEÇANTA

1. Institucionet qendrore brenda afateve te percaktuara ne kete vendim përcaktojnë listat e mallrave, të ndërtimeve apo të shërbimeve të njëjta të parashikuara nga entet e varesisë, për të cilat ato gjykojnë se do të kryhen procedurat e përqëndruara të prokurimit. Këto procedura prokurimi do të kryhen nga institucioni qendror ose nga institucioni i autorizuar prej tij.

Me mallra, ndertime dhe sherbime te tjera ne kuptim te pikes 6.1/1 te ketij vendimi do te kuptohet jo vetem mallrat, ndertimet dhe sherbimet qe nuk jane te njejta por edhe ato qe jane te njejta, per te cilat procedurat e prokurimit per arsye objektive nuk mund te realizohen ne praktike nga institucioni qendror ose nga institucioni i autorizuar prej tij.

Me “Mallra te njejte” ne kuptim te ketij vendimi do te kuptohet ato mallra qe kane te njejtin emer dhe te njejtin funksion.

Me “Ndertime te njejta” ne kuptim te ketij vendimi do te kuptohet ndertimet e reja qe kane projekt, preventiv dhe strukture kosto te njejte.

Me “Sherbime te njejta” ne kuptim te ketij vendimi do te kuptohet sherbimet qe kane te njejtin objekt prokurimi.

2. Entet, të cilat prokurojne “Mallra që prishen”, sipas listës së përcaktuar në këtë Udhëzim, lejohen t’i kryejnë vetë procedurat e  prokurimit konform ligjit nr.7971 datë 26.07.1995 “Për Prokurimin publik”

“Mallra që prishen”, ne kuptim të Vendimit të Këshillit të Ministrave nr. 146 datë 07.03.2003, “Për një ndryshim në VKM nr. 675, datë 20.12.2002 “Për përdorimin e fondeve buxhetore të planifikuara për mallrat, shërbimet dhe ndërtimet”, do të jenë mallrat sipas listës së mëposhtme:

1. Mish i freskët dhe Nenproduktet e tij

2. Prodhime deti

3. Vezë

4. Bukë

5. Qumësht dhe Nenproduktet e tij,

6. Fruta

    7.  Zarzavate

    8.  Perime

Kesaj liste mund t’i shtohen sipas rastit edhe mallra të tjerë, me miratim të Agjencisë së Prokurimit Publik.

3. Entet prokuruese per llogari te te cilave kryhen procedurat e  prokurimit sipas pikes 6.2 te ketij vendimi  jane te detyruara te paraqesin prane institucionit te ngarkuar nga kjo pike e vendimit per kryerjen e procedurave te prokurimit te gjitha te dhenat teknike dhe sasiore qe enti i konsideron te nevojshme per realizimin e nje procedure prokurimi.

     Institucionet e ngarkuara sipas pikes se mesiperme te vendimit, pasi grumbullojne te dhenat e derguara nga entet prokuruese, duke u mbeshtetur dhe ne regjistrin e parashikimeve te prokurimeve publike, i cili i eshte derguar nga ana e Agjencise se Prokurimit Publik, kryejne procedurat e prokurimit. Keto institucione pasi perllogarisin fondin, i cili do te jete shuma e fondeve te miratuara per seicilin institucion, per realizimin e procedurave te prokurimit i referohen Kapitullit I, pika 4 te UKM nr 1, date 01.01.1996 “Per prokurimin publik” .

4.   Në Vendimin e Këshillit të Ministrave nr. 675, datë 20.12.2002 “Për përdorimin e fondeve buxhetore të planifikuara për mallrat, shërbimet dhe ndërtimet”, për zbatimin e pikës 6.2, nuk përfshihen Institucionet Qendrore të pavarura, të cilat nuk kane ente varësie me perjashtim të  blerjes së autoveturave të Titullarëve, për të cilat institucionet qendrore të pavarura janë të detyruara të zbatojne pikën 6.2 të këtij Vendimi, në të cilën parashikohet se: “Për blerjet e autoveturave për zyrtarët e lartë të shtetit ngarkohet Drejtoria e Sherbimeve Qeveritare, sipas përcaktimeve teknike dhe standarteve të sigurisë, të përcaktuara nga Ministria e Rendit Publik”.

Persa i perket numrit te references se vendosur ne Ftesen per Oferte pjese e dokumentave te tenderit ju sqarojme se ky numer do te perbehet nga shifrat e meposhtme:

·        Dy shifrat e para do te percaktojne institucionin qendror sipas listes bashkelidhur ketij udhezimi;

·        Dy shifrat ne vazhdim do te percaktojne institucionet qe jane ne varesi te institucionit qendror. Keto shifra do te percaktohen nga ana e institucionit qendror dhe t’i paraqiten per miratim Agjencise se Prokurimit Publik brenda dates 10 janar 2004. Ne rast se keto institucione nuk do te kene ente varesie atehere keto dy shifra do te jene 00;

·        Shifra e peste do te tregoje llojin e procedures se prokurimit konkretisht:

Procedura e prokurimit “Tender i Hapur” do te kete shifren                     1

Procedura e prokurimit “Tender i Kufizuar” do te kete shifren                  2

Procedura e prokurimit “Tender me Dy Faza” do te kete shifren              3

Procedura e prokurimit “Kerkese per Propozim” do te kete shifren          4

Procedura e prokurimit “Kerkese per Kuotim” do te kete shifren              5

Procedura e prokurimit “Prokurim i Drejteperdrejte” do te kete shifren    6

Procedura e prokurimit “T.Hapur Nderkombetar”do te kete shifren          7

Procedura e prokurimit“T.Kufizuar Nderkombetar”do te kete shifren        8

Procedura e prokurimit “K.Kuotim Nderkombetar”do te kete shifren         9

 

·        Shifrat e tjera ne vazhdim do te percaktojne objektin e prokurimit  sipas Kodit Buxhetor.

Udhëzimet e APP-së nr.1, datë 06.01.2003, nr.2, datë 07.04.2003 dhe nr. 8 datë 18.02.2003 shfuqizohen.

Ky udhëzim hyn në fuqi menjëherë.

D R E J T O R I

Behar ZENELILI

FORMULARET E UDHEZIMIT

INSTITUCIONI QENDROR   _____________________________________

Enti Prokurues ______________________________________