Marrëdhëniet juridike që kanë të bëjnë me akcizat në Republikën e Shqipërisë rregullohen me Ligjin nr.8976 dt.12.12.2002 “Për akcizat” i ndryshuar. Ky ligj rregullon marrëdhëniet juridike, që kanë të bëjnë me përcaktimin e akcizave, të kushteve, proçedurave, të të drejtave dhe detyrimeve, të cilave u nënshtrohen subjektet e akcizës, si dhe çështjet që lidhen me rregullat për mbledhjen dhe administrimin e të ardhurave nga organet tatimore për mallrat, subjekt i akcizës.

Grup artikujt kryesore që taksohen me Akcizë në Republikën e Shqipërisë janë:

•  Nënproduktet e naftës

•  Pijet alkoolike, birra, vera etj

•  Duhani dhe nënproduktet e tij

•  Kafeja

•  Lëngjet e frutave, dhe pijet freskuese

•  Artikujt e kozmetikës, parfumerisë e tualetit

 

6.1. Proçedurat Administrative për Akcizat

6.1.1. Personat e tatueshëm

Persona të tatueshëm, janë të gjithë personat që zotërojnë mallra akcize dhe që janë të detyruar ta paguajnë atë.

Në personat e tatueshëm përfshihet edhe përfaqësuesi tatimor i çdo personi, që importon mallra të tatueshme me akcizë, i autorizuar sipas rregullave.

6.1.2. Detyrimi për pajisjen me autorizim akcize

Çdo person që prodhon mallra të akcizueshme në territorin e Republikës së Shqipërisë ose importon ngarkesa tregtare mallrash subjekt akcize, për përpunim të miratuar në një magazinë tatimore të miratuar, detyrohet të pajiset me autorizimin e organeve tatimore.

Çdo person, që kërkon të marrë autorizimin për të prodhuar dhe për të mbajtur mallra akcize, duhet të përcaktojë:

•  Proçesin e prodhimit që do të kryejë;

•  sasitë e lëndës së parë të përdorur për të prodhuar produkte akcize të gatshme;

•  humbjet në prodhim ose magazinim (firo të lejuara), që do të ndodhin gjatë rrjedhës normale të veprimtarisë ekonomike

 

6.3. Detyrimi për të Kërkuar Miratimin e Magazinës Tatimore

Çdo person i autorizuar, nëse kërkon të prodhojë ose të mbajë mallra akcize në ndonjë truall, ndërtesë ose mjedis tjetër nën regjimin e pezullimit tatimor, duhet të kërkojë më parë në organet tatimore, që ato t'i miratojnë atij si magazinë tatimore truallin, ndërtesën ose mjedisin tjetër që ai disponon. Miratimi i magazinës tatimore bëhet çdo vit.

Për mallrat e akcizës, që kërkojnë pullë fiskale, miratimi i magazinës tatimore, në kuadër të regjimit të pezullimit tatimor, bëhet vetëm për troje, ndërtesa ose mjedise të tjera, ku mbahen vetëm mallra që i nënshtrohen proçesit të vjetërimit (siç është periudha e maturimit për disa pije alkoolike), mallra që i nënshtrohen një përpunimi të mëtejshëm para se të ambalazhohen për shitje me pakicë, si dhe mallra të prodhuara për eksport, në sasitë e autorizuara nga organet tatimore.

 

6.4. Mënyra e Kërkesës për Marrjen e Autorizimit të Akcizës dhe Miratimit të Magazinës Tatimore

Çdo person që kërkon të pajiset me autorizim akcize duhet të bëjë kërkesë me shkrim në degën e tatimeve ku ka selinë qëndrore.

Çdo person i autorizuar, që kërkon të pajiset me miratim për magazinë tatimore për çdo rast duhet të bëjë kërkesë me shkrim në degën e tatimeve të rrethit ku ndodhen magazina tatimore, për të përpunuar dhe prodhuar mallra akcize.

 

6.5. Lista e Mallrave të Akcizueshme dhe Nivelet e Akcizës
 

Kodi NK	Përshkrimi	Shkalla tatimore
	KAFE
09 01 11 00 09 01 12 00	Kafe jo e pjekur e dekafeinizuar ose jo	40 lekë/kg
09 01 21 00 09 01 22 00	Kafe e pjekur e dekafeinizuar ose jo	80 lekë/kg
09 01 90	Lëkura dhe lëvoret e kafesë Zëvendësuesit e kafesë që përmbajnë kafe	40 lekë/kg
21 01 11 21 01 12	Ekstrakte, esenca, koncentrate kafeje dhe përgatitje prej tyre (neskafe etj.)	250 lekë/kg
	LËNGJE FRUTASH, UJË DHE PIJE FRESKUESE
20 09	Lëngje frutash dhe perimesh të pafermentuara, pa shtesa alkoolike, që përmbajnë ose jo lëndë embëlsuese	3 lekë/litri
22 02	Ujërat minerale ose të gazuara, me ëmbëlsues ose aromatizues shtesë, pijet freskuese joalkoolike, përjashtim lëngjet e frutave	3 lekë/litri
	BIRRË, VERË, ALKOOL DHE PIJE ALKOOLIKE
22 03	Birrë e bërë nga malto	30 lekë/litri
22 04	Verë dhe verërat e gazuara; shampanjë; musht rrushi	20 lekë/litri
22 05	Vermut e verëra të tjera të përgatitura nga bimë ose substanca aromatizuese	20 lekë/litri
22 06	Të tjera pije të fermentuara (p.sh. cider, cider dardhe, hydromel); përzierje të pijeve të fermentuara dhe pijeve joalkoolike të papërmendura diku tjetër	20 lekë/litri
22 07 10 00	Alkool etilik jo i denatyruar I një force alkoolike ndaj volumit prej 80% ose më tepër	100 lekë/litri
22 07 20 00	Alkool etilik i danatyruar	0
22 08	Alkool etilik jo i denatyruar I një force alkoolike deri në 80%; pije alkoolike, likerna dhe alkoole të tjera	100 lekë/litri
22 08 20 29	Raki	80 lekë/litri
	DUHANI DHE NËNPRODUKTET E TIJ
24 02 10 00	Puro dhe cigarillos që përmbajnë duhan	2 240 lekë/kg
24 02 20	Cigare që përmbajnë duhan	20 lekë/paketa
24 02 90	Puro, cigarillos dhe cigare me zëvendësues duhani	2 240 lekë/kg
24 03	Duhan tjetër i përpunuar dhe zëvendësuesit e duhanit, duhan i homogjenizuar ose i rindërtuar, ekstrakte dhe esenca prej duhani	1 500 lekë/kg
	NËNPRODUKTET E NAFTËS
27 10 11 41 27 19 11 45 27 10 11 49 27 10 11 51 27 10 11 59	Vajra të lehtë (benzinë dhe benzol) Benzinë dhe benzol pa plumb, me përmbajtje plumbi jo më tepër se 0,013 gr/litër - me më pak se 95 oktan - me 95-98 oktan - me 98 e më shumë oktan Benzinë me plumb, me përmbajtje plumbi më tepër se 0,013 gr/litër - me më pak se 98 oktan - me 98 e më shumë oktan	33 lekë/litri 38 lekë/litri
27 10 19 11 deri 27 10 19 29 27 10 19 21	Vajguret Karburant jet, tip vajguri	20 lekë/litri 0
27 10 19 31 deri 27 10 19 49	Vajra të rënda (gazoil)	65 për qind
27 10 19 51 deri 27 10 19 69	Vajra të rënda si lëndë djegëse (lëndë djegëse, solar, mazut)	1 lek/kg
27 10 19 71 deri 27 10 19 99	Vajra lubrifikante dhe vajra të tjera	40 lekë/kg
27 13 11 00 27 13 12 00	Koks nafte i kalçimuar ose jo	1 lek/kg
27 13 20 00	Bitum nafte	5 lekë/kg
27 13 90	Mbetje të vajrave të naftës dhe të mineraleve bituminoze (bitumen)	5 lekë/kg
27 14	Bitum dhe asfalt, natyral, rreshpe bituminoze ose rreshpe nafte dhe rëre bituminoze; asfaltet dhe gurët asfaltikë	5 lekë/kg
27 15	Përzierje bituminoze të bazuara në asfaltin natyral, në bitumen e naftës, në katranin mineral, ose në terpentinën e katranit mineral (masticet bituminoze)	5 lekë/kg
29 01 29 02	Hidrokarbure aciklike dhe ciklike përfshirë (etilen, benzen, toluol, ksilol)	5 lekë/kg
	ARTIKUJ KOZMETIKË,TUALETI dhe PARFUMERI
33 03 00 10 33 03 00 90 33 07 20 00	Parfume Ujëra tualeti Deodorante	50 për qind 50 për qind 50 për qind

 

6.6. Përjashtimet nga Akciza

Lejohet kryerja e transanksioneve pa pagimin e akcizës, kur provohet se:

•  mallrat e akcizës eksportohen;

•  mallrat e akcizës janë vendosur nën regjimin e pezullimit doganor;

•  mallrat e akcizës importohen nga përfaqësitë diplomatike, të akredituara në Republikën e Shqipërisë;

•  mallrat e akcizës importohen nga organizatat ndërkombëtare, në kuadër të marrëveshjeve të ratifikuara në Kuvendin e Shqipërisë, në të cilat parashikohet shprehimisht përjashtimi nga pagimi i akcizës;

•  mallrat e akcizës janë vendosur nën regjimin e pezullimit tatimor.

Lejohet të bëhet rimbursimi i akcizës së paguar, kur provohet se:

•  mallrat e akcizës janë subjekt i një proçesi të miratuar;

•  mallrat e akcizës eksportohen.

Nuk u nënshtrohen pagimit të akcizave, mallrat e mëposhtme që mund të përmbajnë alkool:

•  mallrat ushqimore, ku përmbajtja e alkoolit nuk e tejkalon sasinë prej 8,5 litra alkool të pastër për 100 kilogramë produkt;

•  aromat dhe esencat alkoolike

 

6.7. Pagesa e Akcizës

Akciza për mallrat, që i nënshtrohen akcizës, paguhet në çastin e importimit ose të prodhimit të mallrave të akcizës në territorin e Republikës së Shqipërisë.

 

6.8. Pullat e Akcizës dhe Përdorimi i Tyre

Pulla e akcizës nënkupton një shirit unik të përgatitur, që përmban një ose disa nga treguesit e mëposhtëm:

•  faktin që është paguar akciza për mallrat e akcizës;

•  tarifën e akcizës së paguar;

•  shumën e akcizës së paguar;

•  çastin e pagimit të akcizës;

Mallrat që i nënshtrohen akcizës, nëpërmjet pullave të akcizës, duhet të kenë një pullë të ngjitur në njësinë e ambalazhimit ose të paketës.

Mallrat e akcizës të importuara që duhet të pajisen me pullë akcize, duhet ta kenë pullën e akcizës në çastin që importohen

Pulla e akcizës duhet të ngjitet në mënyrë të tillë që të griset ose të bëhet e papërshtatshme për ripërdorim kur kontenieri ose paketa hapet.

 

6.9. Pagesa e Akcizës për Mallrat që Kërkohet të Pajisen me Pullë

Pagesa e akcizës për mallrat, për të cilat kërkohet detyrimisht pajisja me pulla akcize, bëhet nëpërmjet blerjes së pullave të akcizës në vlerë të barabartë me tatimin e detyrueshëm për t'u paguar mbi sasinë ose vlerën e mallrave të akcizës në njësi ambalazhimi ose ambalazh tjetër, në të cilin duhet ngjitur pulla.

Pagesa e akcizës për mallrat e akcizës, për të cilat kërkohet pajisja me pullë, bëhet nëpërmjet blerjes së pullave të akcizës në sasinë përkatëse, përpara se mallrat të importohen ose të nxirren për shitje nga trojet, ndërtesat ose mjediset e tjera të autorizuara për prodhim.