Sistemi Tatimor ne Shqiperi - Tatimi mbi Pasuritë

Taksës mbi pasurinë e paluajtshme i nënshtrohen të gjithë personat fizikë ose juridikë, vendas ose të huaj, që janë pronarë të pasurive të paluajtshme në territorin e Republikës së Shqipërisë, pavarësisht nga niveli i shfrytëzimit të tyre. Bëjnë përjashtim rastet kur në ligj parashikohet ndryshe.

Në taksat mbi pasurinë e paluajtshme përfshihen:

Taksa mbi ndërtesat
Taksa mbi tokën bujqësore

7.2.2. Baza mbi të cilën llogariten taksat

Baza e taksës mbi ndërtesat është sipërfaqja e ndërtimit në metër katror e ndërtesës ose e pjesës së saj mbi dhe nën nivelin e tokës dhe për çdo kat. Sipërfaqja në pronësi të taksapaguesit përcaktohet sipas dokumenteve që e vërtetojnë këtë pronësi.

Baza e taksës mbi tokën bujqësore është sipërfaqja e tokës bujqësore, në hektar, në pronësi të taksapaguesit. Sipërfaqja e tokës në pronësi përcaktohet sipas dokumenteve që e vërtetojnë atë.

7.2.3. Përjashtimet nga taksat mbi pasurinë e patundshme

• Përjashtohen nga taksa mbi ndërtesën:

• pronat e shtetit dhe të njësive të qeverisjes vendore, që përdoren për qëllime jofitimprurëse;

• ndërtesat e banimit, që shfrytëzohen nga qiramarrësi me qira të paliberalizuara;

• ndërtesat që përdoren nga komunitetet fetare.

• Përjashtohen nga taksa, tokat bujqësore, që mbillen me kultura drufrutore dhe vreshtari për pesë vitet e para nga momenti i mbjelljes.

7.2.4. Nivelet e taksave mbi pasuritë

7.2.4.1. Taksa mbi ndërtesat

Niveli i taksës mbi ndërtesat caktohet në lekë për metër katror. Detyrimi për taksën llogaritet si shumëzim i nivelit të taksës me bazën e taksueshme.

Për efekt të bazës së taksueshme, nivelet minimale të taksës për m2 jepen në tabelën e mëposhtme. Për çdo kategori minimale të taksës për m2 , Këshilli Bashkiak ose Këshilli Komunal mund të miratojë nënkategorizime të ndërtesave, që ndodhen brenda territorit që mbulon.

Nivelet tregues të taksës mbi ndërtesat

Taksa Vendore mbi Ndërtesat (lekë/m2 në vit)
Kategoritë minimale të ndërtesave	Bashkitë
Kategoritë minimale të ndërtesave	Zona 1	Zona 2	Zona 3
I. Ndërtesa banimi
- ndërtuar para 1993-shit	15	10	5
- ndërtuar gjatë dhe pas 1993-shit	30	12	6
II. Ndërtesa të tjera
- për tregti dhe shërbime	200	150	100
- të tjera	50	30	20
Zona 1: Tiranë, Durrës.
Zona 2: Vlorë, Fier, Sarandë, Pogradec, Korçë, Elbasan, Berat, Lushnjë, Gjirokastër, Shkodër, Kavajë, Lezhë.
Zona 3: Të gjitha bashkitë e tjera

7.2.4.2. Taksa mbi tokën bujqësore

Niveli i taksës caktohet në lekë për hektar. Detyrimi i taksës llogaritet si shumëzim i nivelit të taksës me bazën e tij. Për çdo kategori minimale të tokës bujqësore, Këshilli Bashkiak ose Këshilli Komunal mund të miratojë nënkategorizime të tyre.

Nivelet treguese të taksës, për çdo kategori minimale të bazës së taksës, jepen në tabelën e mëposhtme.

KATEGORITË MINIMALE DHE NIVELET E TAKSËS MBI TOKËN
Klasifikimi sipas kategorisë së tokës	Klasifikimi sipas rretheve
	Zona 1	Zona 2	Zona 3	Zona 4
I II III IV V VI VII-X	5 600 4 900 4 200 3 600 3 000 2 400 1 800	4 200 3 500 2 800 2 300 1 900 1 600 1 400	2 800 2 100 1 400 1 350 1 250 1 200 1 100	1 400 1 200 1 100 1 000 900 800 700
Zona 1: Tiranë, Durrës, Kavajë, Krujë, Lezhë, Lushnjë, Fier, Vlorë, Sarandë.
Zona 2: Shkodër, Elbasan, Berat, Korçë, Delvinë, Kurbin, Peqin, Kuçovë.
Zona 3: Gjirokastër, Përmet, Pogradec, Librazhd, Dibër, Mat, Skrapar, Mallakastër, Devoll, Tepelenë.
Zona 4: Bulqizë, Has, Kukës, Tropojë, Pukë, Mirditë, Malësi e Madhe, Gramsh, Ersekë

© ALBIC / IDRA.
Të gjitha të drejtat e rezervuara.
Informacioni ne faqet e www.ALBIC.net eshte falas me qellim informimin e vizitoreve te ketij portali, por ky informacion nuk mund te kopjohet, riprodhohet, publikohet, ne asnje lloj forme,
pa marre me pare autorizim nga ALBIC / IDRA.
Abuzuesit jane subjekt i penaliteteve sipas legjislacionit shqiptar dhe akteve nderkombetare.
info@albic.net

Sistemi Tatimor ne Shqiperi - Taksat mbi Pasuritë